మెదక్‌ జట్లకు టైటిల్స్‌

Medak Teams Won Softball Championship - Sakshi

సాఫ్ట్‌బాల్‌ చాంపియన్‌షిప్‌

సాక్షి, హైదరాబాద్‌: తెలంగాణ రాష్ట్ర సబ్‌ జూనియర్‌ అంతర్‌ జిల్లా సాఫ్ట్‌బాల్‌ చాంపియన్‌షిప్‌లో మెదక్‌ జట్లు సత్తా చాటాయి. వరంగల్‌ జిల్లా గీసుకొండలో జరిగిన ఈ టోర్నీలో బాలబాలికల విభాగాల్లో విజేతలుగా నిలిచి రెండు టైటిళ్లను కైవసం చేసుకున్నాయి. ఆదివారం జరిగిన బాలికల ఫైనల్లో మెదక్‌ 4–3తో నిజామాబాద్‌పై విజయం సాధించింది. మూడో స్థానం కోసం జరిగిన పోరులో కామారెడ్డి 7–0తో మహబూబ్‌నగర్‌పై ఘనవిజయం సాధించింది.

బాలుర టైటిల్‌ పోరులో మెదక్‌ 6–5తో వరంగల్‌పై నెగ్గి చాంపియన్‌గా నిలిచింది. మహబూబ్‌నగర్‌ 8–0తో రంగారెడ్డిని ఓడించి మూడో స్థానాన్ని దక్కించుకుంది. ఫైనల్‌ అనంతరం జరిగిన బహుమతి ప్రదాన కార్యక్రమంలో తెలంగాణ సాఫ్ట్‌బాల్‌ సంఘం చైర్మన్‌ పి. సాంబశివరావు ముఖ్య అతిథిగా విచ్చేసి విజేతలకు ట్రోఫీలను బహూకరించారు. ఈ కార్యక్రమంలో తెలంగాణ సాఫ్ట్‌బాల్‌ సంఘం కార్యదర్శి కె. శోభన్‌బాబు, కోశాధికారి డి. అభిషేక్‌ గౌడ్, వరంగల్‌ జిల్లా సాఫ్ట్‌బాల్‌ సంఘం అధ్యక్షుడు వి. రాజ్‌ కుమార్, డీవైఎస్‌ఓ నరేందర్‌ తదితరులు పాల్గొన్నారు.
 

Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top