ఫ్యూచర్ కిడ్స్, ఓక్రిడ్జ్ స్కూల్ జట్లకు టైటిల్స్

ఫ్యూచర్ కిడ్స్, ఓక్రిడ్జ్ స్కూల్ జట్లకు టైటిల్స్

సాక్షి, హైదరాబాద్: బ్రదర్ జగన్, బ్రదర్ రవి స్మారక ఇంటర్ స్కూల్ బాస్కెట్‌బాల్ టోర్నమెంట్‌లో ఫ్యూచర్ కిడ్స్, ఓక్రిడ్జ్ ఇంటర్నేషనల్ స్కూల్ జట్లు చాంపియన్లుగా నిలిచాయి. శనివారం జరిగిన బాలికల ఫైనల్  మ్యాచ్‌లో ఫ్యూచర్ కిడ్స్ జట్టు 30-11తో హోలీ ఫ్యామిలీ జట్టుపై గెలుపొందింది. ఫ్యూచర్ కిడ్స్ తరఫున ధాత్రి 8 పాయింట్లు, నిధి 7 పాయింట్లు సాధించగా... హోలీ ఫ్యామిలీ తరఫున శివాని 8 పాయింట్లు రాబట్టింది.

బాలుర ఫైనల్స్‌లో ఓక్రిడ్జ్ ఇంటర్నేషనల్ స్కూల్ 45-22 స్కోరుతో ఢిల్లీ పబ్లిక్ స్కూల్ (డీపీఎస్)ను ఓడించింది. ఓక్రిడ్జ్ తరఫున హృతిక్ (10), శ్రీరామ్ (15) రాణించగా... డీపీఎస్ తరఫున సుజీత్ (12) ఆకట్టుకున్నాడు. తెలంగాణ బాస్కెట్‌బాల్ సంఘం కార్యదర్శి నార్మన్ ఐజాక్ విజేతలకు ట్రోఫీలను అందజేశారు. ఈ కార్యక్రమంలో అంతర్జాతీయ బాస్కెట్‌బాల్ ఆటగాడు నిహాల్ యాదవ్, సెయింట్ పాల్స్ హైస్కూల్ ప్రిన్సిపాల్ రాయప్ప రెడ్డి, పీఈటీ సంజీవ్ రావు, ఫ్యూచర్‌కిడ్స్ పాఠశాల కోచ్ అరవింద్ పాల్గొన్నారు.