జిల్లా ఎన్నికల అధికారి డాక్టర్‌ ప్రియాంక ఆలసూపర్‌బజార్‌(కొత్తగూడెం): శాసనమండలి నల్లగొండ–వరంగల్‌–ఖమ్మం పట్టభద్రుల నియోజకవర్గ ఉప ఎన్నికను పాదర్శకంగా నిర్వహించాలని జిల్లా ఎన్నికల అధికారి డాక్టర్‌ ప్రియాంక ఆల సూచించారు. ఎన్నికల సిబ్బందికి సోమవారం కలెక్టరేట్‌లో నిర్వహించిన శిక్షణ తరగతుల్లో ఆమె మాట్లాడారు. ఈ నెల 27న పోలింగ్‌ జరగనుందని, అధికారులు ఎన్నికల ప్రక్రియ, ఎన్నికల కమిషన్‌ మార్గదర్శకాలపై సంపూర్ణ అవగాహన కలిగి ఉండాలన్నారు. 26న శ్రీరామచంద్ర ఆర్ట్స్‌ కళాశాలలో డిస్ట్రిబ్యూషన్‌ సెంటర్‌ ఏర్పాటు చేస్తామని, 27న రిసెప్షన్‌ కూడా అక్కడే ఉంటుందని వివరించారు. ఎమ్మెల్సీ ఎన్నికల్లో ఆర్డర్‌ ఆఫ్‌ ప్రియారిటీ ప్రకారం నంబరు ద్వారా ఓటు వేయాలని, పోలింగ్‌ స్టేషన్లలో ఇచ్చిన వైలెట్‌ కలర్‌ స్కెచ్‌పెన్‌ మాత్రమే వాడాలని, ఇంకా ఏవిధమైన నంబర్లు, పేరు, సిగ్నేచర్‌ రాయవద్దని సూచించారు. బ్యాలెట్‌ పేపర్‌ను ముందు నిలువుగా, తర్వాత అడ్డంగా మలిచి బ్యాలెట్‌ బాక్స్‌లో వేయాలని తెలిపారు. ఎన్నికల సిబ్బంది పోస్టల్‌ బ్యాలెట్‌ను సద్వినియోగం చేసుకోవాలన్నారు. ఫామ్‌–12 ద్వారా కలెక్టరేట్‌లో ఏర్పాటు చేసిన ఓటరు పెసిలిటేషన్‌ సెంటర్‌లో ఓటు హక్కు వినియోగించుకోవాలన్నారు ఈ కార్యక్రమంలో స్పెషల్‌ డిప్యూటీ కలెక్టర్‌ సుమ, ఎన్నికల సూపరింటెండెంట్‌ దారా ప్రసాద్‌, ట్రైనింగ్‌ నోడల్‌ అధికారి అలీం, డీఎల్‌ఎంటీ పూసపాటి సాయికృష్ణ, కిరణ్‌కుమార్‌ తదితరులు పాల్గొన్నారు.

భద్రాచలంటౌన్‌: శ్రీసీతారామచంద్ర స్వామివారి నిత్యకల్యాణ వేడుక సోమవారం కమనీయంగా జరిగింది. తెల్లవారుజామున గర్భగుడిలో స్వామివారికి సుప్రభాత సేవ, సేవాకాలం, ఆరాధన, తదితర పూజలు చేశారు. అనంతరం స్వామివారిని మేళతాళాల నడుమ గర్భగుడి నుంచి ఊరేగింపుగా తీసుకొచ్చి బేడా మండపంలో కొలువుదీర్చారు. విశ్వక్సేన పూజ, పుణ్యావాచనం అనంతరం కంకణధారణ, యజ్ఞోపవీత ధారణ, అమ్మవారికి కంకణధారణ, యోక్త్రధారణ గావించి కల్యాణాన్ని శాస్త్రోక్తంగా జరిపారు. పాఠశాలలు, కళాశాలలకు వేసవి సెలవులు దగ్గర పడుతుండటంతో అధిక సంఖ్యలో భక్తులకు తరలివచ్చారు. పుణ్యస్నానాలు ఆచరించే గోదావరి తీరంలో సందడి నెలకొంది. వైభవంగా సుదర్శన హోమంశ్రీసీతారామచంద్ర స్వామివా రి దేవస్థానంలో చిత్త నక్షత్రం సందర్భంగా సోమవారం సుదర్శన హోమం వైభవంగా నిర్వహించారు. ఆలయ ప్రాంగణంలోని హోమశాలలో అర్చకులు శాస్త్రోక్తంగా జరిపారు. 23న ఇంటర్‌ ప్రవేశాలకు స్పాట్‌ కౌన్సెలింగ్‌మణుగూరురూరల్‌/భద్రాచలంటౌన్‌: గిరిజన గురుకులాల్లో ఇంటర్‌ ప్రవేశాలకు ఈ నెల 23న భద్రాచలం కళాశాలలో స్పాట్‌ కౌన్సెలింగ్‌ నిర్వహించనున్నట్లు భద్రాచలం, మణుగూరు కళాశాలల ప్రిన్సిపాల్స్‌ ఎం.దేవదాసు, పద్మావతి సోమవారం వేర్వేరు ప్రకటనల్లో తెలిపారు. ఎంపీసీ, బైపీసీ, సీఈసీ, హెచ్‌ఈసీ, ఒకేషనల్‌ గ్రూపుల్లో మిగిలిన సీట్లు భర్తీ చేయనున్నట్లు పేర్కొన్నారు. టీసీ, స్టడీ, కులం, ఆదాయ ధ్రువీకరణపత్రాలు, నాలుగు జిరాక్స్‌ సెట్లు, ఫొటోలు తీసుకుని ఉదయం 10 గంటలకు హాజరుకావాలని కోరారు. 2023–24లో పదో తరగతి ఉత్తీర్ణులైన విద్యార్థులు మాత్రమే అర్హులని తెలిపారు. ఆర్చరీ శిక్షణా కేంద్రానికి రికర్వ్‌ బో.. సూపర్‌బజార్‌(కొత్తగూడెం): పాల్వంచ మినీ స్టేడియంలో నిర్వహిస్తున్న ఖేలో ఇండియా ఉచిత ఆర్చరీ శిక్షణా కేంద్రానికి రూ 3.50 లక్షల విలువైన రికర్వ్‌ బోను జిల్లా యువజన, క్రీడల శాఖ ఆధ్వర్యంలో సోమవారం కలెక్టర్‌ డాక్టర్‌ ప్రియాంక ఆల చేతుల మీదుగా ఆర్చరీ కోచ్‌ టి.కల్యాణ్‌కు అందజేశారు. ఈ సందర్భంగా కలెక్టర్‌ మాట్లాడుతూ శిక్షణా పరికరాలను ఉపయోగించుకుని క్రీడాకారులు జాతీయ, అంతర్జాతీయ స్థాయిలో ప్రతిభ చూపాలన్నారు. కాగా శిక్షణా కేంద్రంలో 38మంది క్రీడాకారులు ఆర్చ రీ శిక్షణ పొందుతున్నారు. ఈ కార్యక్రమంలో జిల్లా యువజన, క్రీడల అధికారి ఎ.పరంధామరెడ్డి, ఆర్‌.ఉదయ్‌కుమార్‌, లక్ష్మణ్‌ పాల్గొన్నారు. బీఏఎస్‌కు దరఖాస్తు చేసుకోవాలి భద్రాచలంటౌన్‌: జిల్లాలోని గిరిజన విద్యార్థులు బెస్ట్‌ అవైలబుల్‌ స్కీం(బీఏఎస్‌) ద్వారా 3, 5, 8 తరగతుల్లో ప్రవేశానికి దరఖాస్తు చేసుకోవాలని భద్రాచలం ఐటీడీఏ పీఓ ప్రతీక్‌ జైన్‌ సోమవారం ఒక ప్రకటనలో కోరారు. 2024–25 విద్యాసంవత్సరానికి మూడో తరగతిలో 61 సీట్లు, ఐదో తరగతిలో 30 సీట్లు, ఎనిమిదో తరగతిలో 30 సీట్లు అందుబాటులో ఉన్నాయని పేర్కొన్నారు. దమ్మపేట, భద్రాచలం, ఇల్లెందు సహాయ గిరిజన సంక్షేమ అధికారి కార్యాలయాల నుంచి దరఖాస్తు ఫారాలు పొందవచ్చని తెలిపారు. కులం, నివాసంతోపాటు తల్లిదండ్రుల వార్షిక ఆదాయ ధ్రువీకరణ పత్రాలు దరఖాస్తుకు జతపరిచి జూన్‌ 6 వరకు ఐటీడీఏ భద్రాచలం కార్యాలయంలో అందజేయాలని సూచించారు. జూన్‌ 12న లాటరీ పద్ధతిలో విద్యార్థులను ఎంపిక చేస్తామని పేర్కొన్నారు.

● టీఎస్‌ఎన్పీడీసీఎల్‌ టీజీఎన్పీడీసీఎల్‌గా మార్పు ఖమ్మంవ్యవసాయం : విద్యుత్‌ పంపిణీ సంస్థ పేరులో మార్పు చేస్తూ తాజాగా ప్రభుత్వం ఉత్తర్వులు జారీ చేసింది. తెలంగాణ రాష్ట్ర ఉత్తర ప్రాంత విద్యుత్‌ పంపిణీ (టీఎస్‌ ఎన్పీడీసీఎల్‌) సంస్థగా గత బీఆర్‌ఎస్‌ ప్రభుత్వం నామకరణ చేసింది. ప్రస్తుత కాంగ్రెస్‌ ప్రభుత్వం ఆ పేరులో స్వల్ప మార్పు చేస్తూ తెలంగాణ ఉత్తర ప్రాంత విద్యుత్‌ పంపిణీ (టీజీ ఎన్పీడీసీఎల్‌) సంస్థగా నిర్ణయించింది. దక్షిణ ప్రాంత విద్యుత్‌ సంస్థకు కూడా టీజీ ఎస్పీడీసీఎల్‌గా నామకరణం చేశారు. సంస్థ నిర్వహణలో ఉన్న కార్యాలయాల బోర్డులను టీజీ ఎన్పీడీసీఎల్‌ పేరుతో ఏర్పాటు చేసుకోవాలని అధికారులను ప్రభుత్వం ఆదేశించింది. దీంతో ఉమ్మడి జిల్లాలోని ఎస్‌ఈ సర్కిల్‌ కార్యాలయం మొదలు డీఈ, ఏడీఈ, ఏఏఓస్‌, ఏఈ ఆపరేషన్స్‌ కార్యాలయాలు టీజీ ఎన్పీడీసీఎల్‌ కార్యాలయాలుగా మారనున్నాయి.

● జిల్లాకు చేరిన 3,15,050 పాఠ్యపుస్తకాలు ● వారంలోగా మండల కేంద్రాలకు చేరవేత ● పాఠశాలల ప్రారంభంరోజే విద్యార్థులకు పంపిణీకొత్తగూడెంఅర్బన్‌: విద్యా సంవత్సరంలో పాఠశాలల ప్రారంభం రోజే పాఠ్యపుస్తకాలు అందించేలా విద్యాశాఖ చర్యలు చేపడుతోంది. ఈ క్రమంలోనే పాఠ్యపుస్తకాలను జిల్లాకు చేరవేస్తోంది. ఇప్పటికే పాఠ్యపుస్తకాలు 61 శాతం చేరగా, మిగిలిన 39 శాతం పుస్తకాలు పాఠశాలల ప్రారంభం నాటికి వస్తాయని జిల్లా విద్యాధికారులు చెబుతున్నారు. నోటు పుస్తకాలు వందశాతం జిల్లాకు చేరాయి. గోదాంకు చేరిన పుస్తకాలను ఈ నెలాఖరులోగా మండల కేంద్రాలకు పంపించనున్నారు. జూన్‌ 1వ తేదీ నుంచి పాఠశాలలకు పాఠ్యపుస్తకాలు, నోట్‌ పుస్తకాలు చేరవేయనున్నారు. జిల్లాలో అమ్మ ఆదర్శ పథకం కింద ఎంపిక చేసిన పాఠశాలల్లో ఇప్పటికే మైనర్‌ మరమ్మతులు పూర్తి చేసి కొన్ని సదుపాయాలు కల్పించారు. దీంతోపాటు మన ఊరు–మన బడి కార్యక్రమం పనులు కూడా ఇంకా కొన్ని పాఠశాలల్లో జరుగుతున్నాయి. ప్రైవేటు పాఠశాలలకు ధీటుగా ప్రభుత్వ పాఠశాలలు రూపుదిద్దుకుంటున్న నేపథ్యంలో ఈ ఏడాది అడ్మిషన్లు సైతం పెరిగే అవకాశాలున్నాయని విద్యాధికారులు చెబుతున్నారు. గత ఏడాది కూడా అడ్మిషన్ల సంఖ్య పెరిగింది. బడిబయట పిల్లలపై సర్వే, జూన్‌ నెలలో బాడిబాట వంటి కార్యక్రమాలతో ప్రభుత్వ పాఠశాలల్లో విద్యార్థుల సంఖ్య కూడా పెరిగే అవకాశాలున్నాయి. నోట్‌ పుస్తకాలు వందశాతం.. జిల్లాలోని 1,299 ప్రభుత్వ పాఠశాలల్లో 63,399 మంది విద్యార్థులు ఉన్నారు. వీరికి 5,17,000 పుస్తకాలు రావాల్సి ఉండగా ఇప్పటివరకు 3,15,050 పాఠ్యపుస్తకాలు వచ్చాయి. ఇంకా 2,10,950 పాఠ్య పుస్తకాలు ఇంకా రావాల్సి ఉంది. దీంతోపాటు గతేడాది మాదిరిగానే ఈ ఏడాది కూడా విద్యార్థులకు నోట్‌ పుస్తకాలు పంపిణీ చేయనున్నారు. ప్లేన్‌ నోట్‌ పుస్తకాలు 2,12,868, రూల్స్‌ నోట్‌ పుస్తకాలు 51,590.. మొత్తం 2,66,458 నోట్‌ పుస్తకాలు వందశాతం వచ్చాయని జిల్లా విద్యాధికారులు పేర్కొన్నారు. ప్రతి ఏడాది కూడా పార్టు–1, పార్టు–2గా పాఠ్యపుస్తకాలు జిల్లాకు రెండు దఫాలుగా వస్తాయి. విద్యార్థుల బ్యాగుల బరువు తగ్గించేందుకు పార్టు–1, పార్టు–2గా విభజన చేసి పుస్తకాలను పంపిణీ చేస్తున్నారు. పార్టు–2 సంబంధించి అక్టోబర్‌ నెలలో 1,43,200 పుస్తకాలు రానున్నాయి. 61 శాతం వచ్చాయి.. జిల్లాకు ప్రస్తుతం 61 శాతం పాఠ్య పుస్తకాలు, వంద శాతం నోట్‌ పుస్తకాలు వచ్చాయి. ఇంకా మిగిలిన 39 శాతం పాఠ్య పుస్తకాలు పాఠశాలల ప్రారంభం నాటికి జిల్లాకు చేరతాయి. వచ్చిన పుస్తకాలు, నోట్‌ పుస్తకాల పంపిణీ జూన్‌ మొదటి వారం కల్లా పూర్తి చేస్తాం. –ఎం.వెంకటేశ్వరాచారి, జిల్లా విద్యాధికారిరావాల్సిన పుస్తకాల వివరాలు తరగతి సబ్జెక్టు 1 తెలుగు 2 ఇంగ్లిష్‌, 3 ఇంగ్లిష్‌, మ్యాథ్స్‌ 4 ఇంగ్లిష్‌ 6 తెలుగు, ఇంగ్లిష్‌, సైన్స్‌ 7 సైన్స్‌, హిందీ 8 తెలుగు, ఇంగ్లిష్‌ 9 హిందీ, బయాలజీ, భౌతికశాస్త్రం, ఇంగ్లిష్‌, గణితం 10 హిందీ, సోషల్‌, భౌతికశాస్త్రం

సూపర్‌బజార్‌(కొత్తగూడెం)/ఇల్లెందు: శాసనమండలి నల్లగొండ–వరంగల్‌–ఖమ్మం నియోజకవర్గ ఉప ఎన్నికల్లో ప్రశ్నించే గొంతుకకు పట్టం కట్టాలని, పట్టభద్రులు మోసపోవొద్దని బీఆర్‌ఎస్‌ వర్కింగ్‌ ప్రెసిడెంట్‌, మాజీ మంత్రి కేటీ రామారావు పిలుపునిచ్చారు. పార్టీ అభ్యర్థి ఏనుగుల రాకేష్‌రెడ్డి విజయాన్ని కాంక్షిస్తూ సోమవారం కొత్తగూడెం క్లబ్‌లో, ఇల్లెందు జేకే సింగరేణి హైస్కూల్‌ గ్రౌండ్‌లో నిర్వహించిన సభల్లో ఆయన మాట్లాడారు. ఆరు నెలల క్రితం అరచేతిలో వైకుంఠం చూపిస్తే నమ్మవద్దని, నమ్మితే ఘోస పడతారని చెప్పినా వినకుండా ప్రజలు మోసపోయి అసెంబ్లీ ఎన్నికల్లో కాంగ్రెస్‌ను గెలిపించారని అన్నారు. మళ్లీ ఎమ్మెల్సీ ఎన్నికల్లో కూడా మోసపోకుండా ప్రజాస్వామ్యం వర్థిల్లాలంటే బీఆర్‌ఎస్‌ అభ్యర్థిని గెలిపించాలన్నారు. మొదటిసారి మోసపోతే కాంగ్రెస్‌ మాయ అనుకుందామని, అదే రెండోసారి మోసపోతే మన తప్పే అవుతుందని అన్నారు. ఆరు నెలల క్రితం కొలువైన కాంగ్రెస్‌తోపాటు సీపీఐ ఇచ్చిన హామీలను ఎంతమేరకు పరిష్కరించారో అర్థం చేసుకోవాలన్నారు. రైతుల సమస్యలను కాంగ్రెస్‌ పూర్తిగా విస్మరించిందని దుయ్యబట్టారు. కేసీఆర్‌ ప్రభుత్వం నాట్లు వేసే నాడు రైతుబంధు రైతుల ఖాతాల్లో వేస్తే రేవంత్‌రెడ్డి ప్రభుత్వం ఓట్లు వేసే నాడు వేస్తోందని విమర్శించారు. డిసెంబర్‌ 9న రైతుబంధు ఖాతాల్లో వేస్తామని సీఎం రేవంత్‌ రెడ్డి ఇచ్చిన హామీ ఏమైందన్నారు. తాము అధికారం, పాలనను వికేంద్రీకరణ చేసి ప్రజలకు ఆమోదయోగ్యమైన పాలన అందించామన్నారు. బలమైన ప్రతిపక్షం లేకపోతే సింగరేణిని బీజేపీ, కాంగ్రెస్‌లు అదానీకి అమ్మేస్తారని ఆరోపించారు. అభ్యర్థుల చరిత్ర చూడాలి.. బీఆర్‌ఎస్‌ నాయకుడు ప్రవీణ్‌ కుమార్‌ మాట్లాడుతూ పట్టభద్రులు అభ్యర్థుల చరిత్ర కూడా చూడాలన్నారు. తెలంగాణ ఆర్థిక ముఖ చిత్రం ఎలా ఉండాలనే పుస్తకం రాసిన రాకేష్‌రెడ్డి ఒక వైపు ఉంటే, చీటర్‌, 56 కేసులున్న మల్లన్న మరోవైపు ఉన్నాడని తెలిపారు. మాజీ మంత్రి సత్యవతి మాట్లాడుతూ 5 నెలల క్రితం కాంగ్రెస్‌ ప్రజలను మాయమాటలతో మోసం చేసిందన్నారు. మాజీ ఎమ్మెల్యే హరిప్రియ మాట్లాడుతూ సీఎం రేవంత్‌రెడ్డి అబద్ధాలతో పాలన సాగిస్తున్నారని ఆరోపించారు. బీఆర్‌ఎస్‌ జిల్లా అధ్యక్షుడు రేగా కాంతారావు అధ్యక్షతన జరిగిన ఈ సమావేశాల్లో ఎంపీ వద్దిరాజు రవిచంద్ర, మాజీ ఎమ్మెల్యేలు హరిప్రియ, వనమా వెంకటేశ్వరరావు, మెచ్చా నాగేశ్వరరావు, తాటి వెంకటేశ్వర్లు, కొత్తగూడెం మున్సిపల్‌ చైర్‌పర్సన్‌ కాపు సీతాలక్ష్మి, వైస్‌ చైర్‌పర్సన్‌ దామోదర్‌, బీఆర్‌ఎస్‌ నాయకులు దిండిగాల రాజేందర్‌, లక్కినేని సురేందర్‌, రంగనాథ్‌, దీపక్‌ చౌదరి తదితరులు పాల్గొన్నారు. ఈసారి కూడా మోసపోతే ఆ తప్పు మనదే అవుతుంది.. ఎమ్మెల్సీ ఉప ఎన్నికల్లో ప్రశ్నించే గొంతుకకు పట్టం కట్టాలి శాసనమండలి అభ్యర్థి ఏనుగుల రాకేష్‌రెడ్డిని గెలిపించాలి కొత్తగూడెం, ఇల్లెందు సభల్లో బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ పదేళ్లలో రెండు లక్షల ఉద్యోగాలు ఇచ్చాం.. బీఆర్‌ఎస్‌ పదేళ్ల పాలనలో రెండులక్షల ఉద్యోగాలు ఇచ్చిందని, దేశంలో ఎక్కడైనా ఇలా ఇచ్చిఉంటే తాను రాజీనామా చేస్తానని అన్నారు. కాంగ్రెస్‌ ప్రభుత్వం ఒక్క ఉద్యోగం ఇవ్వలేదని, టీఆర్‌ఎస్‌ ప్రభుత్వం హయాంలో పూర్తయిన 30 వేల ఉద్యోగాలను కాంగ్రెస్‌ ప్రభుత్వం ఇచ్చినట్లు ప్రచారం చేసుకుంటోందని విమర్శించారు. కాంగ్రెస్‌ ఊదరగొట్టే వాగ్దానాలతో గెలిచిందని, అయితే ఈ ఐదారు నెలల్లో అందరికీ అర్థం అయ్యిందన్నారు. రాష్ట్రంలో మూడు మెడికల్‌ కళాశాలలు ఉండగా, తమ ప్రభుత్వ హయాంలో 33 మెడికల్‌ కళాశాలలకు పెంచామని గుర్తుచేశారు. మహబూబాబాద్‌, కొత్తగూడెం, ఖమ్మంలో మెడికల్‌ కాలేజ్‌లు, నర్సింగ్‌ కాలేజీలు ఏర్పాటు చేసి, ఉన్నత చదవువులు అందుబాటులోకి తెచ్చామని చెప్పారు. కొత్తగూడెంలో 140 మంది సూపర్‌స్పెషాలిటీ వైద్యులను ఏర్పాటు చేశామని తెలిపారు. ఇల్లెందు పట్టణ అభివృద్ధి ఘనత తమదేనన్నారు. కాంగ్రెస్‌ ఇచ్చిన ఆరు గ్యారంటీలను అడిగే దమ్ము కాంగ్రెస్‌ అభ్యర్థి తీన్మార్‌ మల్లన్నకు ఉందా అని ప్రశ్నించారు. పట్టభద్రులు మోసపోకుండా రైతు బిడ్డ, ఉన్నత విద్యావంతుడైన రాకేష్‌రెడ్డిని ఎమ్మెల్సీగా గెలిపించాలని కోరారు. బీఆర్‌ఎస్‌ అభ్యర్థి ఏనుగుల రాకేష్‌రెడ్డి మాట్లాడుతూ పాల్వంచలోనే తెలంగాణ ఉద్యమం ప్రారంభమైందని, ఎమ్మెల్సీ ఎన్నికల్లో ఇక్కడి పట్టభద్రులు తనను ఆదరించి చరిత్రాత్మక తీర్పు ఇవ్వాలని కోరారు.