భార్యతో గొడవపడి ముక్కు కోశాడు

కాన్పూర్: ఉత్తరప్రదేశ్లో ఓ వ్యక్తి భార్య పట్ల ఉన్మాదిలా ప్రవర్తించాడు. భార్యతో గొడవపడి కోపంతో ఆమె ముక్కు కోశాడు. కాన్పూర్ సమీపంలోని చండీపూర్ గ్రామంలో ఈ ఘటన జరిగింది. సంజయ్ సాహూ అనే వ్యక్తి ఓ విషయంపై తన భార్య ఆశతో గొడవపడ్డాడు. ఆ సమయంలో సాహు స్నేహితుడు మనీష్ అక్కడే ఉన్నాడు. మనీష్.. ఆశను బంధించగా.. సాహూ కత్తితో భార్యపై దాడి చేసి ఆమె ముక్కు కోశాడు. బాధితురాలి అరుపులు విని చుట్టుపక్కల వారు వచ్చారు. సాహు అక్కడి నుంచి పారిపోగా, మనీస్ను పట్టుకుని పోలీసులకు అప్పగించారు. బాధితురాలిని ఆస్పత్రికి తరలించి చికిత్స చేయిస్తున్నారు. ఆమె పరిస్థితి నిలకడగా ఉందని, ప్రాణపాయం లేదని వైద్యులు చెప్పారు. పోలీసులు కేసు నమోదు చేసుకుని నిందితుడి కోసం గాలిస్తున్నారు.