అనారాగుప్తా ‘మచ్చ’ తొలగిందిలా

మాజీ మిస్ జమ్మూకశ్మీర్ అనారాగుప్తాకు చెందినదిగా చెప్తూ 2004లో వెలుగులోకి వచ్చి అశ్లీల వీడియో దేశవ్యాప్తంగా తీవ్ర సంచలనం సృష్టించింది. దీని ఫలితంగా పోలీసులు ఆమెను అరెస్టు చేయడంతో పాటు పది రోజులు జైలుకు పంపారు. ఆ వీడియోలో ఉన్నది తాను కాదని, గుప్తా న్యాయస్థానంలో మొరపెట్టుకున్నారు.

దీంతో వీడియోను విశ్లేషించడం కోసం కోర్టు... హైదరాబాద్‌లోని ఎఫ్‌ఎస్‌ఎల్‌కు పంపించింది. ఆ వీడియోలో ఉన్న భంగిమల్లోనే అనారాగుప్తాకు చెందిన ఫొటోలు, వీడియోలను నిపుణులు సేకరించారు. వీటిని ‘ఫోరెన్సిక్ వీడియో అథెంటిఫికేషన్’ పద్ధతిలో కంప్యూటర్ ద్వారా సరిపోల్చి చూశారు. చివరకు ఆ అశ్లీల వీడియోలో ఉన్నది అనారాగుప్తా కాదని నిర్ధారించడంతో ఆమెపై పడిన మచ్చ తొలగిపోయింది.