ఎన్నికల సమయంలో మాత్రమే రాజకీయాలు చేయాలి. ప్రజలకు సుపరిపాలన అందించడమే ప్రభుత్వాల లక్ష్యం కావాలి. ఇచ్చిన హామీలను తూచా తప్పకుండా నెరవేర్చాలి. బడుగు బలహీన వర్గాల అభ్యున్నతికి కృషి చేయాలి. ఎప్పటికప్పుడు సంక్షేమ ఫలాలను పేదలకు చేరవేయడంలో బాధ్యతగా వ్యవహరించాలి. అయితే చంద్రబాబు హయాంలో ఇవేమీ నడిచేవి కావు. పూట గడవని వారికి సైతం సర్కారు సాయం అందేది కాదు. ప్రతి గ్రామంలో ఏర్పాటు చేసిన జన్మభూమి కమిటీల చేతిలోనే గుత్తాధిపత్యం ఉండేది. వారు చేయి తడపందే ఏ పనీ చేసేవారు కాదు. తమ పార్టీ వారికి తప్ప నిరుపేదలను కూడా పట్టించుకునేవారు కాదు. ప్రజాధనాన్ని యథేచ్ఛగా దోచుకునేవారు. అభివృద్ధిని తమ వరకే పరిమితం చేసుకునేవారు. అరాచకశక్తులుగా తయారై జనం రక్తం పీల్చేసేవారు. లంచాల కోసం ప్రజలను వేధించేవారు. దీంతో జన్మభూమి కమిటీ పేరు చెబితేనే జనం వణికిపోతున్నారు. బాబుక అవకాశమిస్తే కొండ చిలువ నోటికి చిక్కినట్టే అని బెంబేలెత్తుతున్నారు. అవినీతి పరుల చేతిలో ఆయువు మూడినట్టే అని ఆందోళన చెందుతున్నారు. – చిత్తూరు అగ్రికల్చర్‌

సంక్షేమానికే మళ్లీ పట్టం ఎన్నికల్లో అలవి కాని హామీలిచ్చి ప్రలోభాలకు గురిచేసే చంద్రబాబు మాటలను ప్రజలు నమ్మే పరిస్థితిలో లేరు. జన్మభూమి కమిటీలతో ప్రతి గ్రామంలో బడుగు బలహీన వర్గాలపై దౌర్జన్య కాండ చేశారు. అర్హులకు ఎలాంటి పథకాలు ఇవ్వకుండా అడ్డుకోవడమే కాకుండా ప్రజలను నిలువునా దోచుకున్నారు. సంక్షేమానికి పెద్దపీట వేసి, ప్రజలను ఆదుకునే నాయకుడి వెంటే ఉంటాం. సంక్షేమానికే మళ్లీ పట్టం కడతాం. – మురళి, గుంటిపల్లె, పెనుమూరు మండలం

● కార్వేటినగరం మండలం సురేంద్ర నగరానికి చెందిన ఇతని పేరు పద్మనాభశెట్టి. ప్రధాన ఆధారం వ్యవసాయం. అయితే పంటల సాగుకు ప్రభుత్వ రాయితీపై ట్రాక్టర్‌ కోసం 2015లో అధికారులకు వినతి చేసుకున్నారు. అయితే జన్మభూమి కమిటీ వారు ఆమోదిస్తేనే ట్రాక్టర్‌ను మంజూరు చేస్తామని అధికారులు తేల్చిచెప్పేశారు. దీంతో పలుమార్లు జన్మభూమి కమిటీ చుట్టూ ప్రదక్షిణ చేసినా ఫలితం లేకపోయింది. ప్రస్తుత ప్రభుత్వ హయాంలో రైతు మిత్ర సంఘంలో సభ్యుడుగా చేరి రాయితీపై అందించే ట్రాక్టర్‌, యంత్రపరికరాలను పొందాడు. సకాలంలో పంటల సాగుకు ఉపయోగించుకుని మంచి దిగుబడిని సాధిస్తున్నాడు.

● పెనుమూరు మండలం రామకృష్ణాపురం గ్రామానికి చెందిన ఈమె పేరు పి.ఇందుమతి. దివంగత ముఖ్యమంత్రి వైఎస్‌ రాజశేఖరరెడ్డి హయాంలో ఈమెకు వికలాంగురాలి పింఛను మంజూరైంది. అయితే 2014లో చంద్రబాబు పాలనలో జన్మభూమి కమిటీ వారు ఈమెకు వస్తున్న పింఛన్‌ను ఉద్దేశపూర్వకంగా తొలగించారు. దీంతో బాధితురాలు పలుమార్లు పింఛన్‌ కోసం అధికారుల చుట్టూ, జన్మభూమి కమిటీ చుట్టూ ప్రదక్షిణ చేసినా ప్రయోజనం లేకుండా పోయింది. ప్రస్తుతం ప్రభుత్వంలో వలంటీరు నేరుగా ఇందుమతి ఇంటికే వెళ్లి దరఖాస్తు తీసుకున్నారు. వెంటనే పింఛన్‌ మంజూరు చేయించి ఆదుకున్నారు.

చిత్తూరు కలెక్టరేట్‌ : సార్వత్రిక ఎన్నికల్లో భాగంగా పోలింగ్‌ ప్రక్రియ పారదర్శకంగా నిర్వహించనున్నట్లు జిల్లా ఎన్నికల అధికారి షణ్మోహన్‌ తెలిపారు. శుక్రవారం కలెక్టరేట్‌లో ఆయన విలేకర్లతో మాట్లాడారు. జిల్లాలో పోస్టల్‌ బ్యాలెట్‌ ఓటింగ్‌ పూర్తి అయిందన్నారు. 17,741 మంది ఉద్యోగులు ఓటేసినట్లు వెల్లడించారు. అలాగే ఓటర్లకు 97 శాతం స్లిప్‌లను పంపిణీ చేసినట్లు చెప్పారు. ఓటర్‌ స్లిప్పులు రాకపోతే ఈసీఐ స్పేస్‌ ఎపిక్‌ కార్డ్‌ నంబర్‌ను టైప్‌ చేసి 1950 నంబర్‌కు ఎస్‌ఎంఎస్‌ చేస్తే స్లిప్పు వస్తుందని వివరించారు. రాజకీయ పార్టీల ప్రతినిధుల సమక్షంలో ఈవీఎంల ర్యాండమైజేషన్‌ పూర్తి చేశామన్నారు. ఈ నెల 12వ తేదీన ఈవీఎంలను పోలింగ్‌ కేంద్రాల వారీగా పంపడం జరుగుతుందని తెలిపారు. తర్వాత సిబ్బంది ఎన్నికల సామగ్రితో పోలింగ్‌ కేంద్రాలకు బయలుదేరి వెళతారని చెప్పారు. 13వ తేదీన ఉదయం 5 గంటల నుంచి పోలింగ్‌ కేంద్రాలలో సిబ్బంది అందుబాటులో ఉంటారన్నారు. ఉదయం 5.30 గంటల కు మాక్‌పోల్‌ నిర్వహణ, ఉదయం 7 గంటల నుంచి ఓటింగ్‌ మొదలవుతుందని వెల్లడించారు. సాయంత్రం 6 గంటలకు పోలింగ్‌ ముగుస్తుందని తెలిపారు. పెద్దాయనకు అత్యధిక మెజారిటీ తథ్యం సదుం : ఉమ్మడి జిల్లాకు పెద్దాయన, మంత్రి పెద్దిరెడ్డి రామచంద్రారెడ్డికి అత్యధిక మెజారిటీ వస్తుందని మండలంలోని ఊటుపల్లె సర్పంచ్‌ శ్రీనివాసులురెడ్డి స్పష్టం చేశారు. శుక్రవారం ఆయన ఊటుపల్లె, పుట్టావారిపల్లె, బొమ్మిరెడ్డిగారిపల్లె, మద్దినవారిపల్లె, మర్రిమాకులపల్లె, దళితవాడ, చల్లావారిపల్లెలో విస్తృతంగా ఎన్నికల ప్రచారం నిర్వహించారు. రాష్ట్రానికే ఆదర్శంగా పుంగనూరు నియోజకవర్గాన్ని అభివృద్ధి చేసిన ఘనత మంత్రి పెద్దిరెడ్డి రామచంద్రారెడ్డికే దక్కుతుందన్నారు. రాష్ట్రంలో జగనన్న సంక్షేమం కొనసాగాలన్నా, పుంగునూరులో మరింత అభివృద్ధి జరగాలన్నా ప్రతి ఒక్కరూ ఫ్యాను గుర్తుకు ఓట్లు వేయాలని అభ్యర్థించారు పోలింగ్‌ కౌంట్‌ డౌన్‌ ప్రారంభం – నేటితో ఎన్నికల ప్రచారానికి ముగింపు చిత్తూరు కలెక్టరేట్‌ : సార్వత్రిక ఎన్నికల ప్రక్రియ తుది దశకు చేరింది. విమర్శలు, ప్రతి విమర్శలకు తోడు వెల్లువలా హామీలు గుప్పిస్తూ అభ్యర్థులు చేస్తున్న ప్రచారం శనివారం సాయంత్రం 6 గంటలకు ముగియనుంది. మిగిలిన కొద్ది సమయాన్ని పూర్తి స్థాయిలో సద్వినియోగం చేసుకునేందుకు ప్రధాన పార్టీల అభ్యర్థులు ప్రయత్నిస్తున్నారు. మరోవైపు ఎన్నికల అధికారులు పోలింగ్‌కు సంబంధించి ఏర్పాట్లల్లో నిమగ్నమయ్యారు. ఆయా నియోజకవర్గాలకు ఈవీఎంల కేటాయింపు పూర్తి చేశారు. ట్రాక్టర్‌ బోల్తా : ఒకరి మృతి చౌడేపల్లె : మండలంలోని పొదలపల్లెకు చెందిన ఓ వ్యక్తి ట్రాక్టర్‌ బోల్తా పడడంతో మృతి చెందాడు. వివరాలు.. గ్రామానికి చెందిన ఉపాధిహామీ పథకం మాజీ ఫీల్డ్‌ అసిస్టెంట్‌ వి.వెంకటముని (49) ప్రస్తుతం ట్రాక్టర్‌ నడుపుకుంటూ జీవనం సాగిస్తున్నాడు. ఈ క్రమంలోని గడ్డి లోడ్‌ తీసుకుని అన్నమయ్య జిల్లా వాల్మీకిపురం వెళ్లాడు. తిరుగుప్రయాణంలో ఉండగా నిమ్మనపల్లె మండలం చింతపర్తివారిపల్లె స్కూల్‌ సమీపంలో ట్రాక్టర్‌ అదుపు తప్పి బోల్తా పడింది. ఈ ప్రమాదంలో వెంకటముని అక్కడికక్కడే మరణించాడు. పోలీసులు మదనపల్లె ప్రభుత్వాస్పత్రిలో మృతదేహానికి పోస్టుమార్టం చేయించి కుటుంబీకులకు అప్పగించారు. కేసు నమోదుచేసి దర్యాప్తు చేస్తున్నారు.