శిల్పాశెట్టి ఇంట్లో దొంగలుపడ్డారు

బాలీవుడ్ పొడుగుకాళ్ల సుందరి శిల్పాశెట్టి ఇంట్లో దొంగలు పడ్డారు. భర్త రాజ్కుంద్రాతో కలసి ముంబైలో నివసిస్తున్న శిల్ప ఇంట్లో ఇటీవల దొంగతనం జరిగినట్టు పోలీసులు శుక్రవారం తెలిపారు. ఖరీదైన మ్యూజిక్ సిస్టమ్, ఓ ఐపాడ్ను దొంగలు ఎత్తుకెళ్లారు. నగదు, ఆభరణాలు పోయినట్టు సమాచారం లేదు. ఈ కేసును పోలీసులు దర్యాప్తు చేస్తున్నారు.

'ఈ నెల 16న శిల్పాశెట్టి ఇంటి మేనేజర్ ఫిర్యాదు చేశారు. ఇప్పటిదాకా ఎవర్నీ అరెస్ట్ చేయలేదు' అని జుహూ పోలీస్ స్టేషన్ ఇన్స్పెక్టర్ చెప్పారు. కాగా ఆ సమయంలో శిల్పా దంపతులు ఇంట్లో ఉన్నారా లేదా అన్న విషయం తెలియరాలేదు. ప్రస్తుతం వీరిద్దరూ కొత్త ప్రాజెక్టులతో తీరికలేకుండా ఉన్నారు. సొంత బ్యానర్పై ఓ చిత్రాన్ని నిర్మిస్తున్నారు. ఇక రాజ్కుంద్రా ఓ పుస్తకాన్ని రాశారు. దీన్ని ఈ రోజు రాత్రి ఆవిష్కరించనున్నారు.