రవితేజ సినిమాలో 'పాండియనాడు' విలన్

చెన్నై: తమిళ చిత్రం 'పాండియనాడు'లో ప్రతినాయకుడిగా నటించిన హరీష్ ఉత్తమన్ టాలీవుడ్ లోనూ అడుగుపెడుతున్నాడు. తెలుగులో రెండు అవకాశాలు చేజిక్కించుకున్నాడు. రవితేజ్ హీరోగా నటిస్తున్న 'పవర్' సినిమాలో అతడు విలన్ గా చేస్తున్నాడు. అలాగే గోపీచంద్ హీరోగా నటిస్తున్న మరో సినిమాలోనూ అవకాశం దక్కించుకున్నాడు.

'పాండియనాడు'లో తన నటన చూసి 'పవర్' దర్శకుడు కేఎస్ రవీంద్ర(బాబీ) తనను సంప్రదించారని హరీష్ తెలిపాడు. గోపీచంద్ సినిమాలోనూ అవకాశం వచ్చిందని తెలిపాడు. ఈ రెండు సినిమాల్లో ప్రాధాన్యమున్న పాత్రల్లో నటిస్తున్నానని చెప్పాడు. అరడజను సినిమాలు తన చేతిలోనే ఉన్నాయని సంతోషం వ్యక్తం చేశాడు. గతేడాది విడుదలైన 'పాండియనాడు' తమిళనాట ఘన విజయం సాధించింది. విశాల్, లక్ష్మీమీనన్ ఇందులో హీరోహీరోయిన్లుగా నటించారు.