TV
'దేవదాసు బ్రేకప్..' అమ్మాయిలకు అంకితం
హీరో మంచు మనోజ్ గాయకుడి అవతారం ఎత్తి తాను పాడిన 'దేవదాసు బ్రేకప్..' పాటను తనకు స్ఫూర్తినిచ్చిన అమ్మాయిలకు అంకితం చేశాడు.
హీరో మంచు మనోజ్ గాయకుడి అవతారం ఎత్తి తాను పాడిన 'దేవదాసు బ్రేకప్..' పాటను తనకు స్ఫూర్తినిచ్చిన అమ్మాయిలకు అంకితం చేశాడు. ఈ పాట పాడుతున్నప్పుడు తీసిన వీడియో ఇంటర్నెట్లో విపరీతంగా ప్రచారం అవుతున్న విషయం తెలిసిందే. కరెంటు తీగ సినిమా కోసం మనోజ్ ఈ పాట పాడాడు. ఈ పాట ట్యూన్స్, లిరిక్స్ అన్నీ కూడా ఆకట్టుకునేలా ఉంటాయని, అందుకే ఈ పాట అందరినీ ఆకట్టుకుంటోందని, ఇంటర్నెట్లో విస్తృతంగా వెళ్లిపోయిందని మనోజ్ అన్నాడు.
పాటను విడుదల చేసిన ఒక్కరోజులోనే బాగా చూశారని చెప్పాడు. ఇక్కడే పాటను ఇంతలా ఆదరిస్తున్నారని, ఇక స్క్రీన్ మీద మరింతగా ఆకట్టుకుంటుందని తెలిపాడు. విష్ణు నిర్మాతగా వ్యవహరించి తీసిన ఈ సినిమాకు జి.నాగేశ్వరరెడ్డి దర్శకత్వం వహించారు. మనోజ్ సరసన రకుల్ ప్రీత్ సింగ్ నటించగా, సన్నీ లియోన్ కూడా ఓ ఐటెం సాంగ్లో తళుక్కుమంది. అక్టోబర్ రెండో తేదీన ఈ సినిమా విడుదల కానుంది.
