గాల్లో తేలేట్టు చేసే వినోదం

యువతరం మనోభావాలకు దగ్గరగా ఉండే కథాంశంతో తెరకెక్కిన చిత్రం ‘గాల్లో తేలినట్టుందే’. అజయ్‌వర్మ, ఖుషి, మోనీషా ప్రధాన పాత్రధారులు. సురేష్ గుణ్ణం దర్శకుడు. సీహెచ్ వంశీకృష్ణ శ్రీనివాస్, చొక్కాకుల వెంకట్రావ్ నిర్మాతలు. సెన్సార్ పూర్తి చేసుకున్న ఈ చిత్రం ఆగస్ట్ 1న విడుదల కానుంది. వినోదాత్మకంగా తెరకెక్కిన ఈ చిత్రంలో ప్రేక్షకులకు నచ్చేఅంశాలన్నీ ఉంటాయని దర్శకుడు చెప్పారు.
 
 నిర్మాతల్లో ఒకరైన వంశీకృష్ణ శ్రీనివాస్ మాట్లాడుతూ -‘‘ఇది క్లీన్ ఎంటర్‌టైనర్. యువతకు నచ్చే అన్ని అంశాలూ ఇందులో ఉన్నాయి’’ అని తెలిపారు. పోసాని, సయాజీ షిండే, కృష్ణభగవాన్ తదితరులు ఇతర పాత్రలు పోషించిన ఈ చిత్రానికి కెమెరా: సాయిశ్రీరామ్, సంగీతం: సాయికార్తీక్, కూర్పు: మార్తాండ్ కె.వెంకటేష్, ఎగ్జిక్యూటివ్ నిర్మాత: శీలం లక్ష్మణ్, సహ నిర్మాత: భాస్కర్ విల్లూరి.