చెమట చిందించే రోబో

టోక్యో: పుష్‌ అప్స్, పుల్‌ అప్స్‌ వంటి కఠిన వ్యాయామాలతో పాటు స్వేదాన్ని చిందించే సరికొత్త హ్యూమనాయిడ్‌ రోబోను జపాన్‌లోని యూనివర్సిటీ ఆఫ్‌ టోక్యోకు చెందిన శాస్త్రవేత్తలు అభివృద్ధి చేశారు. దీనికి ‘కెంగొరో’గా శాస్త్రవేత్తలు నామకరణం చేశారు. కృత్రిమ స్వేద వ్యవస్థతో పాటు మానవ కండరాలను పోలిన అస్థిపంజరాన్ని రోబోలో అమర్చారు.

క్రీడాకారుల కండరాల పనితీరును విశ్లేషిం చేందుకుగాను దీనిని రూపొందిం చినట్లు శాస్త్రవేత్తలు తెలిపారు. కృత్రిమ స్వేద వ్యవస్థలో తాము కీలకమైన ముందడుగు వేశామని, దీని ద్వారా రోబోలోని అధిక వేడిని తగ్గించవచ్చని వెల్లడించారు. 2001 నుంచి ఈ బృందం రోబోలపై పరిశోధనలు జరుపుతోందని సైన్స్‌ రోబోటిక్స్‌ అనే జర్నల్‌ ప్రచురించింది.