చిత్రపురి కాలనీ సొసైటీ ఎన్నికలు ప్రారంభం

హైదరాబాద్ : బంజారాహిల్స్లోని చిత్రపురి కాలనీ సొసైటీ ఎన్నికలు ఆదివారం ఉదయం ప్రారంభమైనాయి. తమ ఓటు హక్కు వినియోగించుకునేందుకు స్థానికులు ఎన్నికల కేంద్రం వద్ద బారులు తీరారు. ఈ ఎన్నికల బరిలో ప్రముఖ సంగీత దర్శకుడు వందేమాతరం శ్రీనివాస్, తెలుగు సినీ వర్కర్స్ కో - ఆపరేటివ్ హౌసింగ్ సొసైటీ అధ్యక్షుడు కొమర వెంకటేష్ నిలిచారు.

ఈ ఎన్నికలు ఈ రోజు మధ్యాహ్నం3.00 గంటల వరకు జరుగుతాయి. అనంతరం 3.30 గంటలకు కౌంటింగ్ నిర్వహించి... విజేతలను ప్రకటిస్తారు. టాలీవుడ్ చిత్ర పరిశ్రమకు చెందిన కార్మికులు బంజారాహిల్స్లోని చిత్రపురి కాలనీలో నివసిస్తున్న సంగతి తెలిసిందే.