‘ఫేక్’బుక్‌ ప్రేమ
అన్నానగర్‌: ఫేస్‌బుక్‌లో పరిచమైన అమ్మాయిని వివాహం చేసుకుంటానని చెప్పి నగలు, నగదు తీసుకుని మోసం చేసిన వ్యక్తిని శుక్రవారం పోలీసులు అరెస్టు చేశారు. చెన్నై మయిలాపూర్‌ సెయింట్‌ మేరీస్‌ రోడ్డుకి చెందిన శ్యామల (31) తేనామ్‌పేటలోని ఓ క్లీనిక్‌లో ఫిసియోథెరపిస్టుగా పని చేస్తోంది. భర్తతో అభిప్రాయ భేదాలు రావడంతో విడిగా ఉంటోంది. ఈమెకి ఫేస్‌బుక్‌ ద్వారా మీంజూరు వీఆర్‌డీకి చెందిన జయచంద్రన్‌ (40) పరిచయమయ్యాడు. ఇతను ఓ ప్రైవేట్‌ కంపెనీలో పని చేస్తున్నాడు. భార్యతో మనస్పర్థలు వచ్చి విడిగా ఉంటున్నట్లు శ్యామలను నమ్మించాడు. ఏడాదిన్నరగా ఫేస్‌బుక్‌లో స్నేహితులుగా ఉన్నారు. క్రమంగా అది ప్రేమగా మారింది. జయచంద్రన్‌ కొన్ని నెలలుగా శ్యామలని వివాహం చేసుకుంటాననిక చెబుతూ వస్తున్నాడు. ఈ క్రమంలో ఆమె వద్ద నుంచి రూ. 1.5 లక్షల నగదు, వజ్రపు దిద్దులు, ల్యాప్‌టాప్‌ తీసుకున్నట్లుగా తెలిసింది. అసలు విషయం తెలియడంతో పోలీసులన ఆశ్రయించింది. దీంతో శుక్రవారం అతన్ని అదుపులోకి తీసుకున్నారు.
*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి