మూడింతలు జంప్ చేసిన రిలయన్స్ పవర్

అనిల్ అంబానీ ప్రమోటెడ్ రిలయన్స్ పవర్ లిమిటెడ్ ఒక్కసారిగా మూడింతలు జంప్ చేసింది. మార్చితో ముగిసిన త్రైమాసికంలో కంపెనీ కన్సాలిడేటెడ్ లాభాలు మూడింతలు పెరిగి రూ.216 కోట్లగా నమోదయ్యాయి. పన్ను వ్యయాలు 40 శాతం తగ్గడంతో కంపెనీ భారీ లాభాల్లోకి  ఎగిసింది. గతేడాది ఇదే కాలంలో కంపెనీ నికర లాభాలు రూ.61.55 కోట్లగా ఉన్నాయి. మొత్తంగా కంపెనీ ఆదాయాలు రూ.2548.94 కోట్ల నుంచి 6 శాతం పెరిగి రూ.2696.50 కోట్లగా నమోదైనట్టు తెలిసింది. గతేడాదితో పోలిస్తే కంపెనీ వ్యయాలు 3 శాతం పడిపోయాయి. గత ఆర్థిక సంవత్సరం ఇదే త్రైమాసికంలో 2372.12 కోట్లగా ఉన్న కంపెనీ వ్యయాలు ఈ ఏడాది రూ.2311.1 కోట్లగా రికార్డయ్యాయి.