మార్కెట్లకు బ్యాంకుల దెబ్బ

ముంబై : ప్రభుత్వ రంగ బ్యాంకు షేర్లలో కొనసాగుతున్న ఒత్తిడి నేడు కూడా మార్కెట్లను దెబ్బకొడుతోంది. బ్యాంకు షేర్లలో నెలకొన్న ఒత్తిడితో దేశీయ ఈక్విటీ బెంచ్ మార్కు సూచీలు నేటి(బుధవారం) ట్రేడింగ్ లో నష్టాలతో ప్రారంభమయ్యాయి. సెన్సెక్స్ ప్రారంభంలో 19.27 పాయింట్లు పడిపోయి 31వేల కింద ట్రేడైంది. నిఫ్టీ సైతం 27.70 పాయింట్ల నష్టంలో 9,483.70గా నమోదైంది. జూన్ నెల డెరివేటివ్స్ సిరీస్ కూడా రేపటితో ముగియనుంది. అటు ఆసియన్ మార్కెట్లు నెగిటివ్ గా కొనసాగుతున్నాయి. హెల్త్ కేర్ లో ట్రంప్ ప్రభుత్వం తీసుకొస్తున్న సంస్కరణకు సంబంధించి ఓటింగ్ ప్రక్రియ జాప్యమవుతుండటంతో  ఆసియన్ మార్కెట్లు నెగిటివ్ గా ఉన్నాయి.