హార్వర్డ్ లో నా బెస్ట్ మెమరీ అదే: జుకర్ బర్గ్

ఫేస్ బుక్ వ్యవస్థాపకుడు మార్క్ జుకర్ బర్గ్ సరిగ్గా 12 ఏళ్ల తర్వాత తన హార్వర్డ్ డిగ్రీని తాను సంపాదించుకున్నారు. హార్వ‌ర్డ్‌లో చ‌దువుకుని డ్రాప్‌ అవుట్‌గా బ‌య‌ట‌కు వెళ్లిన జుక‌ర్‌బ‌ర్గ్‌ తిరిగి ఇదే యూనివ‌ర్సిటీ నుంచి గురువారం గౌరవ పురస్కారాన్ని అందుకున్నారు. 2004లో యూనివర్సిటీని వీడిన జుకర్ బర్గ్, తన అద్భుతమైన ప్రతిభతో బిలియనీర్‌గా అవతరించి 2017లో యూనివర్శిటీ స్నాతకోత్సవంలో ప్రసగించడం విశేషంగా నిలిచింది. ఈ ప్రసంగంలో హార్వర్డ్ యూనివర్సిటీలో తన బెస్ట్ మెమరీని విద్యార్థులతో పంచుకున్నారు. తన భార్య ప్రిస్ సిల్లా చాన్ ను కలవడం హార్వర్డ్ లో తన బెస్ట్ మెమరీగా చెప్పారు. ప్రిస్ సిల్లాతో ఆ పరిచయాన్ని ఎంతో సంతోషంతో పంచుకున్నారు.