బ్రిటీష్‌ స్టీల్‌ దివాలా 

 British Steel facing bankruptcy within days - Sakshi

5 వేల మంది ఉద్యోగుల భవిష్యత్తు ప్రశ్నార్థకం

లండన్‌: రుణభారం పేరుకుపోయిన బ్రిటిష్‌ స్టీల్‌ సంస్థ దివాలా ఎట్టకేలకు ఖరారైంది. ఆర్థిక సహాయం అందించేందుకు ప్రభుత్వంతో జరిపిన చర్చలు విఫలం కావటంతో దివాలా ఖరారయింది. బ్రిటిష్‌ స్టీల్‌ లిమిటెడ్‌ను మూసివేయాలని హైకోర్టు నిర్ణయించినట్లు కంపెనీ ఒక ప్రకటనలో తెలిపింది. దీంతో ఆస్తులు విక్రయించి రుణాలను తీర్చాల్సి రానుంది. సంక్షోభ పరిష్కారం కోసం ప్రభుత్వం కూడా బ్రిటిష్‌ స్టీల్‌కు కొంత మేర నిధులు సమకూర్చింది. అలాగే, బ్రిటిష్‌ స్టీల్, దాని యాజమాన్య సంస్థ గ్రేబుల్‌ క్యాపిటల్‌తో సుదీర్ఘ చర్చలు జరిపింది.

కానీ చివరికి చర్చలు విఫలం కావడంతో దివాలా తప్పలేదు. బ్రిటిష్‌ స్టీల్‌ దివాలాతో 5,000 మంది ఉద్యోగుల భవిష్యత్తు అగమ్యగోచరంగా మారనుంది. అలాగే, సంస్థ సరఫరా వ్యవస్థతో ముడిపడి ఉన్న మరో 20,000 మందిపై కూడా ప్రతికూల ప్రభావం పడనుంది. ఒకవేళ డీల్‌ గానీ సాకారమై ఉంటే బ్రిటన్‌లోని వేల్స్‌లో టాటా స్టీల్‌కు చెందిన టాల్బోట్‌ ప్లాంటు విషయంలోనూ కొంత ఆశలు సజీవంగా ఉండేవి. సంక్షోభంలో ఉన్న దీన్ని జర్మనీకి చెందిన థిస్సెన్‌క్రప్‌లో విలీనం చేయాలని టాటా స్టీల్‌ ప్రయత్నించినప్పటికీ.. డీల్‌ కుదరలేదు. 

Read latest Business News and Telugu News | Follow us on FaceBook, Twitter

Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top