కాఫీలో విషమిచ్చి దోపిడీకి యత్నం

 

అక్కడే ఉన్న శ్రీపొట్టిశ్రీరాములు నెల్లూరు జిల్లా బుచ్చిరెడ్డిపాళేనికి చెందిన మార్కండేయులు భార్య పాపమ్మ (56)కి కూడా కాఫీ ఇచ్చింది. సుబ్బారావు, ఆయన కుమారుడు శ్రీనివాసులు, మార్కండేయులు కాఫీ వద్దని స్నానం చేయడం కోసం వెళ్లారు. కాఫీ తాగిన ముగ్గురూ పది నిమిషాల వ్యవధిలో స్పృహ కోల్పోయారు. వారి వద్ద ఉన్న నగదు, బంగారం దోచుకోవడానికి ప్రయత్నిస్తుండగా, అక్కడికి చేరుకున్న వారి కుటుంబసభ్యులు నిందితురాలిని పట్టుకొని సెక్యూరిటీకి అప్పగించారు. బాధితులను ప్రభుత్వాస్పత్రికి తరలించారు. వారి పరిస్థితి విషమంగా ఉందని వైద్యులు తెలిపారు. నిందితురాలిని ఆలయ సెక్యూరిటీ విచారించగా.. తాను తిరుపతి పద్మావతిపురంలో ఉంటున్నాని... టీటీడీలో పనిచేసేటప్పుడు కాఫీ కప్పులు కొన్ని నిల్వచేశానని, కాఫీలో తాను విషం కలపలేదని.. వారు ఎందుకు పడిపోయారో తనకు తెలియదని చెప్పింది. తరువాత ఆమెను ఆలయ సిబ్బంది పోలీసులకు అప్పగించారు.