ప్రైవేటు పాఠశాలల బంద్ రేపు

 

 సమావేశానికి ఏపీటీసీఏ నగర శాఖ అధ్యక్షుడు జాలిరెడ్డి అధ్యక్షత వహించారు. గురువారం పాఠశాలలన్నింటినీ మూసివేసి స్థానిక ప్రకాశం భవనం వద్దే ఉపాధ్యాయ దినోత్సవాన్ని నిర్వహించి అక్కడే సామూహిక నిరాహార దీక్షలు చేయాలని నిర్ణయించారు. ఈ  దీక్షల్లో నగరంలోని ప్రైవేట్ పాఠశాలల్లో పని చేస్తున్న సుమారు 600 మంది ఉపాధ్యాయులు పాల్గొంటారు. ఉదయం డాక్టర్ సర్వేపల్లి రాధాకృష్ణన్‌కు నివాళులర్పిస్తారు. ఆట, పాట ద్వారా సమైక్యాంధ్ర నినాదాన్ని వినిపిస్తారు. ప్రకాశం భవనం ఎదుటే విద్యార్థులకు ఆటల పోటీలు, సాంస్కృతిక కార్యక్రమాలు నిర్వహిస్తారు. 

 

 సాయంత్రం నిరాహార దీక్ష శిబిరం వద్దే రోడ్డు మీద వంటావార్పు చేస్తారు. కార్యక్రమంలో నగరంలోని ప్రైవేట్ పాఠశాలల యాజమాన్యాలు, ఉపాధ్యాయులందరూ పాల్గొనాలని ఏపీటీసీఏ రాష్ట్ర నాయకుడు మాంటిస్సోరి ప్రకాష్‌బాబు కోరారు. సమావేశంలో ఏపీటీసీఏ కార్యదర్శి సురేష్, కోశాధికారి శ్రీనివాసరావు, మాజీ అధ్యక్షుడు ఏవీ రమణ, ఆంధ్ర శ్రీనివాసరావు తదితరులు పాల్గొన్నారు.