TV
ప్రతీకాత్మక చిత్రం
సాక్షి, నెల్లూరు : షార్ట్ ఫిల్మ్‌లలో అవకాశాలు ఇప్పిస్తానని మాయమాటలు చెబుతూ నగరంలోని మహిళలను వ్యభిచార వృత్తిలోకి దింపుతున్న జాకీర్‌ అనే వ్యక్తిని పోలీసులు గురువారం అరెస్టు చేశారు. ఒక బాలిక ఫిర్యాదుతో ఈ వ్యవహారం వెలుగులోకి రాగా, పోలీసులు వివిధ ప్రాంతాల్లో దాడులు చేసి ఎనిమిది మంది యువతులను పట్టుకున్నారు. అనంతరం యువతులను రెస్క్యూ హోమ్‌కు తరలించారు. నిందితుడు జాకీర్‌ను విచారించగా వేర్వేరు పోలీస్‌ స్టేషన్లలో అతనిపై పలు కేసులున్నట్టు తేలింది.
