టీడీపీ.. తెలుగు దళారుల పార్టీ: కేటీఆర్

టీడీపీ.. తెలుగు దళారుల పార్టీ: కేటీఆర్

కాంగ్రెస్ పార్టీలో టీఆర్ఎస్ విలీనం అయ్యే ప్రసక్తి లేదని సిరిసిల్ల ఎమ్మెల్యే కె. తారక రామారావు స్పష్టం చేశారు. తెలుగుదేశం పార్టీ కాస్తా ఇప్పుడు తెలుగు దళారుల పార్టీగా మారిందని, రాష్ట్ర విభజన విషయంలో ఓ స్పష్టమైన నిర్ణయం తీసుకోని సీమాంధ్ర పార్టీలోనే ఉంటూ తెలంగాణలో నాయకులుగా కొనసాగాలనుకోవడం ఆ పార్టీ నేతలకు సరికాదని ఆయన చెప్పారు. రేవంత్ రెడ్డి, ఎర్రబెల్లి దయాకర్ రావు తమపై అసత్య ఆరోపణలు చేస్తున్నారని, కావాలనుకుంటే వాళ్లు కాంగ్రెస్ పార్టీలోకి వెళ్లచ్చని కేటీఆర్ అన్నారు.

తమకు, కాంగ్రెస్కు ఏమైనా ఉంటే తాము చూసుకుంటామని, ఈ విషయంలో టీడీపీ వాళ్లు బ్రోకరిజం చేయాల్సిన అవసరం లేదని విమర్శించారు. ఈ విషయంలో తమ పార్టీ అధినేత స్పష్టంగా చెప్పినా వాళ్లు ఇంకా తమపై ఆరోపణలు చేయడం సరికాదన్నారు. తెలంగాణలో ఉంటూ సీమాంధ్ర పార్టీలో ఉండాలనుకుంటే అది అవివేకమని ఇప్పటికైనా వాళ్లు పార్టీ నుంచి బయటకు రావాలని అన్నారు.