వైరల్‌: మహిళ కోసం కారును ఒట్టి చేతుల్తో..

కారు క్రింద ఇరుక్కుపోయిన ఓ మహిళ ప్రాణాలు కాపాడటానికి కొంతమంది కారును సైతం ఒట్టి చేతుల్తో ఎత్తేశారు. ఓ వ్యక్తి ప్రాణాలకోసం పోరాడుతుంటే సెల్ఫీల కోసం ఎగబడకుండా మానవత్వం ఇంకా బ్రతికే ఉందని నిరూపించారు. ఈ సంఘటన చైనాలో ఆలస్యంగా వెలుగుచూసింది. వివరాల్లోకి వెళితే.. ఒక వారం క్రితం చైనాలోని లూజో జాన్‌గ్సి జాంగ్‌ నగరంలోని ఓ రోడ్డుపై ఎలక్ట్రిక్‌ స్కూటీ మీద వెళుతోంది ఓ మహిళ. ఏమైందో ఏమో స్కూటీ మీదనుంచి ఆమె కిందపడిపోయింది. ఆ వెంటనే మహిళ వెనకాలే వస్తున్న ఓ కారు ఆమె మీదుగా వెళ్లింది. అయితే అక్కడి వారి అరుపులతో విషయం తెలుసుకున్న డ్రైవర్‌ కొన్ని అడుగులు దూరం వెళ్లగానే కారును నిలిపేశాడు.