బాలికలను అవమానించే విధంగా జేడీ(యూ) అగ్ర నాయకుడు శరద్ యాదవ్ చేసిన అనుచిత వ్యాఖ్యల వివాదం సద్దుమణకముందే బీజేపీ ఎంపీ వినయ్ కతియార్ మరో వివాదాన్ని రాజేశారు. కాంగ్రెస్ పార్టీ అధినేత్రి సోనియా గాంధీ తనయ ప్రియాంక గాంధీపై అనుచిత వ్యాఖ్యలు చేశారు. ప్రియాంక కంటే అందమైన మహిళలు చాలా మంది ఉన్నారని.. ఆమె కంటే యాక్టర్లు, ఆర్టిస్టులు అందంగా ఉంటారని నోటికొచ్చినట్టు మాట్లాడారు. తమ పార్టీలో అందమైన స్టార్ క్యాంపెయినర్లు చాలా మంది ఉన్నారని చెప్పుకొచ్చారు.