TV
తిరుపతి అన్నమయ్యసర్కిల్: యాత్రలకు వెళ్లే వారికోసం రైల్వే శాఖ ప్రత్యేక రైళ్లను అందుబాటులోకి తీసుకొచ్చింది. తెలుగు రాష్ట్రాల ప్రజల కోసం జూలై 4వ తేదీ నుంచి ఆగస్టు 4వ తేదీలో 3 ప్రత్యేక ప్యాకేజీలను ‘భారత్ గౌరవ్ టూరిస్ట్ రైలు ద్వారా హైదరాబాద్ నుంచి ప్రారంభిస్తున్నట్లు తిరుపతి ఏరియా ఐఆర్సీటీసీ జాయింట్ జనరల్ మేనేజర్ సోమశేఖర్ నాయుడు వెల్లడించారు. బుధవారం ఆయన స్టేషన్ డైరెక్టర్ కుప్పాల సత్యనారాయణతో కలసి ప్యాకేజీ టూర్ బ్రోచర్ను విడుదల చేసి మీడియాతో మాట్లాడారు.
సౌకర్యాలు: ప్రతి రైలు లో 705 మంది ప్రయాణికులు ఉంటారు. ప్రతి 70 మందికి ఇద్దరు కోఆర్డినెటర్లు అందుబాటులో ఉంటారు. రైలు, బస్సు, హోటల్ అన్ని భోజనాలు (ఉదయం అల్పాహారం, మధ్యాహ్నం భోజనం , రాత్రి భోజనం), తాగునీరు ఉచితం. ప్రతి కోచ్కు ఒక సెక్యూరిటీ గార్డ్, సీసీ కెమెరాలతో కూడిన భద్రత ఉంటుంది. మరిన్ని వివరాల కోసం 9281495853, 8287932313 నంబర్లను సంప్రదించాలని చెప్పారు. దీంతోపాటు ఐఆర్సీటీసీ వెబ్సైట్ను సంప్రదించాలని తెలిపారు. సమావేశంలో ఏరియా మేనేజర్ ఎస్. అశోక్ కుమార్ టూరిజం సిబ్బంది తదితరులు పాల్గొన్నారు.
