వరి పండించొద్దంటే ఎలా?

మాకు వరి పండడానికి అనుకూలమైన భూములున్నాయి. రాష్ట్ర ప్రభుత్వ పెద్దలు వరి సాగుచేయొద్దని చెప్పడం హాస్యాస్పదంగా ఉంది. ముఖ్యంగా తూర్పు మండలాల్లో రబీ, ఖరీఫ్‌ రెండు పంట కాలాల్లోనూ వరినే ఎక్కువగా పండిస్తారు. వరి పంట సాగు చేయొద్దని చెప్పడం సరికాదు.

– యచ్చం హరినాథ్‌యాదవ్‌,

అమ్మవారిపట్టెడ, రేణిగుంట మండలం

మామిడికి గిట్టుబాటు ధర ఏదీ?

మామిడి రైతుల పరిస్థితి గత ఏడాది, ఈ ఏడాది దయనీయంగా మారింది. కూటమి ప్రభుత్వంలో మామిడికి గిట్టుబాటు ధర కల్పించకుండా రైతులను నట్టేట ముంచింది. సరైన ధర లేకపోవడంతో పంటపై పెట్టిన పెట్టుబడి కూడా చేతికి రాలేదు. ప్రభుత్వం చర్యలు చేపట్టి మామిడికి గిట్టుబాటు ధర కల్పించాలి. – కె.నరసింహారెడ్డి,

రైతు, లింగనపల్లి, పాకాల మండలం