పుత్తూరు సిద్ధార్థలో గ్రాడ్యుయేషన్‌ డే

పుత్తూరు సిద్ధార్థలో గ్రాడ్యుయేషన్‌ డే

నారాయణవనం: పుత్తూరు సిద్ధార్థ ఇంజినీరింగ్‌ కళాశాలలో శుక్రవారం గ్రాడ్యుయేషన్‌ డేను ఘనంగా నిర్వహించారు. అనంతపురం జేఎన్‌టీయూ వైస్‌ చాన్స్‌లర్‌ ప్రొఫెసర్‌ సుదర్శనరావు, వోల్వా గ్రూప్‌ రిటైర్డ్‌ డైరెక్టర్‌ ఇందు శేఖర్‌ ముఖ్య అతిథులుగా పాల్గొని పాస్‌ అవుట్‌ ఇంజినీరింగ్‌ విద్యార్థులకు మెడల్స్‌ను, పట్టాలు అందజేశారు. అనంతరం ఆడిటోరియంలో జరిగిన కాన్వొకేషన్‌ డే సమావేశంలో కళాశాలల చైర్మన్‌ డాక్టర్‌ అశోకరాజు మాట్లాడుతూ గ్రామీణ విద్యార్థులకు మెరుగైన సాంకేతిక విద్యను అందించడానికి సిద్ధార్థ గ్రూప్‌ కళాశాలలు కృషి చేస్తున్నట్టు తెలిపారు. వైస్‌ చాన్స్‌లర్‌ సుదర్శనరావు మాట్లాడుతూ తోటి వారితో పోటీ పడి సృజనాత్మక, ఇన్నోవేటివ్‌ విద్యపై శ్రద్ద చూపాలన్నారు. సిద్ధార్థ ఇన్‌స్టిట్యూట్‌ ఆఫ్‌ ఇంజినీరింగ్‌ టెక్నాలజీ కళాశాలలో ఉత్తీర్ణత పొందిన 903 మంది, సిద్ధార్థ ఇన్‌స్టిట్యూట్‌ ఆఫ్‌ సైన్స్‌ అండ్‌ టెక్నాలజీ కళాశాలలో ఉత్తీర్ణత పొందిన 485 మందికి డిగ్రీ కాన్వొకేషన్లు అందజేశారు. 2024–25లో విద్యా సంవత్సరానికి సంబందించి 17 మంది విద్యార్థులకు గోల్డ్‌ మెడళ్లు, ప్రశంసా పత్రాలు అందజేశారు.