TV
కొమరాడ: మండలంలోని గుణదతీలేస్ పంచాయతీ బిన్నిడి మండల పరిషత్ ప్రాథమిక పాఠశాలలో ఉపాధ్యాయుడిగా పనిచేస్తున్న రెడ్డి శ్రీనివాసరావు రాష్ట్ర స్థాయి పవర్ లిఫ్టింగ్ పోటీల్లో ప్రథమ స్థానం సాధించాడు. రెండు రోజులుగా రాజాం జీఎంఆర్ ఇంజినీరింగ్ కళాశాలలో జరుగుతున్న పవర్ లిఫ్టింగ్ పోటీల్లో ఆయన పాల్గొన్నారు. మాస్టర్స్ విభాగంలో ప్రథమ స్థానం సాధించడంతో పలువురు ఆయన్ను అభినందించారు.
సుందరపేట సీహెచ్సీలో అరుదైన శస్త్రచికిత్స
పూసపాటిరేగ: భోగాపురం మండలం సుందరపేట సీహెచ్సీలో సోమవారం అరుదైన శస్త్రచికిత్స చేశారు. వివరాల్లోకి వెళితే.. చోడిపిల్లిపేటకు చెందిన చోడిపిల్లి దేవి ప్రసవం కోసం సుందరపేట ఆస్పత్రిలో చేరింది. పురిటినొప్పులు రావడంతో వైద్యులు ప్రసవం జరిపించగా.. బిడ్డ సగం వచ్చి నిలిచిపోవడంతో వెంటనే వైద్యులు అలేఖ్య, సునీల్ స్పందించి అతి కష్టంమీద శస్త్రచికిత్స చేసి బిడ్డను బయటకు తీశారు. ప్రస్తుతం తల్లీబిడ్డ క్షేమంగా ఉన్నారని వైద్యులు తెలిపారు.
తంపటాపల్లిలో అగ్ని ప్రమాదం
● రెండు పూరిళ్లు దగ్ధం
పాలకొండ రూరల్: మండలంలోని తంపటాపల్లిలో ఆదివారం ఆర్ధరాత్రి చోటుచేసుకున్న అగ్ని ప్రమాదంలో వారాడ రమణమ్మ, బెజ్జిపురపు అప్పలనాయు డుకు చెందిన పూరిళ్లు కాలిబూడిదయ్యాయి. దేవుడి పటం ముందు పెట్టిన దీపాన్ని ఎలుకలు పడేయడంతో ఈ ప్రమాదం జరిగినట్లు అనుమానం వ్యక్తం చేస్తున్నా రు. ఒక్కసారిగా మంటలు రావడంతో గ్రామస్తులు అగ్నిమాపక సిబ్బందికి సమాచారం అందించారు. దీంతో అగ్నిమాపక అధికారి జామి సర్వేశ్వరరావు, సిబ్బంది సంఘటనా స్థలానికి చేరుకుని మంటలను అదుపు చేశారు.ఈ ప్రమాదంలో సుమారు 3 లక్షల రూపాయల ఆస్తి నష్టం జరిగి ఉంటుందని అంచనా.
