Lok Sabha Election 2024: మహిళలకు బీజేడీ సముచిత స్థానం! | Sakshi
Sakshi News home page

Lok Sabha Election 2024: మహిళలకు బీజేడీ సముచిత స్థానం!

Published Thu, May 30 2024 4:26 AM

Lok Sabha Election 2024: BJD to give 33percent tickets to women in Lok Sabha Polls

33 శాతం టికెట్లు వారికే 

లోక్‌సభ ఎన్నికల్లో ఒడిశాకు చెందిన బిజూ జనతాదళ్‌ (బీజేడీ) ఆదర్శంగా నిలిచింది. టికెట్ల కేటాయింపులో మహిళలకు సముచిత స్థానమిచ్చి గౌరవించింది. రాష్ట్రంలో 21 లోక్‌సభ స్థానాలుంటే ఏడు చోట్ల మహిళలకు అవకాశం ఇచి్చంది. అంటే వారికి 33 శాతం సీట్లు కేటాయించింది. లేఖశ్రీ సమంత్‌ సింగార్‌ (బాలాసోర్‌), శర్మిష్ట సేథీ (జజ్‌పూర్‌), మంజులా మండల్‌ (భద్రక్‌), రాజశ్రీ మల్లిక్‌ (జగత్‌సింగ్‌పూర్‌), పరిణీతి మిశ్రా (బార్‌గఢ్‌), కౌసల్యా హికాక (కోరాపుట్‌), రంజితా సాహూ (ఆస్క)కు టికెట్లిచ్చింది. 

అదే సమయంలో టికెట్ల కేటాయింపులో ఫిరాయింపుదారులకు కూడా పెద్ద పీట వేసి విమర్శకుల నోళ్లకు పని చెప్పింది. 2019 లోక్‌సభ ఎన్నికల్లో కూడా ఏడుగురు మహిళలకు బీజేడీ చీఫ్, సీఎం నవీన్‌ పట్నాయక్‌ టికెట్లివ్వడం గమనార్హం. ఈసారి బీజేడీ నుంచి బరిలోకి దిగిన ఏడుగురు మహిళా అభ్యర్థుల్లో బీజేపీ నుంచి వచి్చన లేఖశ్రీ సమంత్‌ సింగార్‌ కూడా ఉన్నారు. ఆమె బాలాసోర్‌ నుంచి పోటీ చేస్తున్నారు. 2019 ఎన్నికల్లో కూడా ఏడుగురు బీజేడీ మహిళా అభ్యర్థుల్లో ఇద్దరు పార్టీ ఫిరాయింపుదారులున్నారు! ఈ విడత ఇద్దరు సిట్టింగ్‌ మహిళా ఎంపీలు చంద్రాణి ముర్ము (కియోంజర్‌), ప్రమీలా బిసోయ్‌ (ఆస్క)లకు నవీన్‌ టికెట్లివ్వలేదు. 

ఫిరాయింపుదారులకూ 33 శాతం 
ఒకరిద్దరు కాదు.. బీజేడీ ఈ విడత ఏకంగా 38 శాతం మంది ఫిరాయింపుదారులను లోక్‌సభ బరిలో దింపడం ఆశ్చర్యకరం. అంటే ప్రతి ముగ్గురిలో ఒకరు ఇతర పారీ్టల నుంచి వచి్చచేరిన వారే! లేఖశ్రీ సమంత్‌ సింగార్‌ (బాలాసోర్‌), భృగు బాక్సిపాత్ర (బెర్హాంపూర్‌), ప్రదీప్‌ మాంఝి (నబరంగ్‌పూర్‌), సురేంద్ర సింగ్‌ భోయ్‌ (బోలంగీర్‌), పరిణీత మిశ్రా (బార్‌గఢ్‌), ధనర్జయ్‌ సిధు (కియోంఝర్‌), అన్షుమన్‌ మహంతి (కేంద్రపర), మన్మోత్‌ రూట్రే (భువనేశ్వర్‌) ఇతర పారీ్టల నుంచి వచ్చి బీజేడీ టికెట్‌ సంపాదించారు.  

– సాక్షి, నేషనల్‌ డెస్క్‌ 

Advertisement
 
Advertisement
 
Advertisement