అటు ఇటు అయితే.. అంతే!... ఆటో డ్రైవర్ల తీరు మారడం లేదు

అల్లాదుర్గం ఐబీ చౌరస్తాలో ఆటో టాప్‌పై కూర్చున్న ప్రయాణికులు

అల్లాదుర్గం(మెదక్‌): రోడ్డు ప్రమాదాల నివారణకు పోలీస్‌శాఖ ఎన్ని చర్యలు తీసుకుంటున్నా ఆటో డ్రైవర్ల తీరు మారడం లేదు. ఆటోలో అధికసంఖ్యలో ప్రయాణికులను ఎక్కిస్తూ ప్రాణాలతో చెలగాటం ఆడుతున్నారు. నిబంధనలు పాటించకుండా రోడ్లపై దూసుకుపోతున్నారు. అల్లాదుర్గం ఐబీ చౌరస్తా వద్ద ఓ డ్రైవర్‌ ఆటోలో ప్రయాణికులను కిక్కిరిసేలా ఎక్కించుకున్నాడు. అంతటితో ఆగకుండా టాప్‌ పైనా కొందరిని కూర్చోబెట్టుకున్నాడు. కొంచెం అదుపు తప్పినా వారి ప్రాణాలు గాలిలో కలిసే అవకాశం ఉందని తెలిసినా ఆటోను స్పీడ్‌గా నడుపుకుంటూ వెళ్తూ సాక్షి కెమెరాకు చిక్కాడు.