నారుమడి.. జాగ్రత్తలు తీసుకుంటే సరి

● శీతాకాలంలో ప్రత్యేక చొరవ అవసరం ● చలితో జింక్‌ లోపం ఏర్పడే అవకాశం ● యాజమాన్య పద్ధతులు తప్పనిసరి ● చలి అధికమైనప్పుడు జింక్‌ లోపం వచ్చే అవకాశముంటుంది. నివారణకు నారుమడిలో రెండు గ్రాముల జింక్‌ సల్పేట్‌ను లీటర్‌ నీటిలో కలిపి పిచికారీ చేయాలి. ● మొలక కట్టిన విత్తనాన్ని నారుమడిలో మొదటి వారం రోజుల పాటు తక్కువగా ఉంచాలి ● రాత్రి ఉష్ణోగ్రతలు 12 డిగ్రీలకు కంటే తక్కువగా ఉన్నప్పుడు నారు ఎదగదు. కొన్నిసార్లు చనిపోతుంది. ఇందుకోసం రసాయన ఎరువులు వినియోగించాలి. ● చలి సమస్యను అధిగమించడానికి నారు మడులపై టార్పాలిన్‌ను రాత్రి పూట ఉంచి ఉదయం పూట తీసివేయాలి. ● రాత్రివేళ నారు మడి నుంచి పూర్తిగా నీరు తీసివేసి ఉదయం పూట తాజా నీటిని నింపాలి. దీంతో నారు ఎదుగుదలలో లోపం లేకుండా ఉంటుంది. ● కాండం తొలిచే పురుగు (మొగ్గ పురుగు) నుంచి పంటను కాపాడుకోవడానికి నారు తలలు తుంచి నాటు వేయాలి. దీంతో కాండం తొలిచే పురుగు నారుకొనలపై గుడ్లు పొదుగుతుంది. దీని కారణంగా గుడ్లతో పాటు మొగ్గ పురుగును నివారించవచ్చు. ● నారు తీసే వారం రోజుల ముందు ఎకరా నారుమడికి 1కిలో కార్భోప్యూరో త్రీజ్‌ లేదా కార్టఫ్‌ హైడ్రోక్లోరైడ్‌ పోర్‌జీ గుళికలను వేసుకున్నట్లయితే నాటు వేసిన నెల వరకు ఎలాంటి కీటకాలు ఆశించకుండా పంటను రక్షించుకోవచ్చు. ● ఎకరాకు 30నుంచి 35కిలోల విత్తనం అవసరముంటుంది. ● కిలో విత్తనానికి మూడు గ్రాముల కార్భాండిజమ్‌తో విత్తనశుద్ధి చేయాలి. దీంతో విత్తనం ద్వారా వ్యాపించే తెగుళ్లను అరికట్టవచ్చు. ● నిద్రావస్థలోని విత్తనాలను మేలుకొల్పడానికి కిలో విత్తనానికి 10మిల్లీ లీటర్ల నీటిలో కలిపి 24 గంటలు నాన బెట్టాలి. ● పశువుల పేడ గాని లేదా సేంద్రియ ఎరువును ఎకరా నారుమడికి 100 నుంచి 200కిలోలు వేయాలి. ● విత్తనాలు చల్లే ముందు ఎకరాకు రెండు కిలోల నత్రజని, కిలో పొటాషియం చల్లాలి. విత్తనాలు విత్తిన 15రోజులకు కిలో భాస్వరాన్ని వేసుకోవాలి. ● ప్రస్తుతమున్న వాతావారణ పరిస్థితులను దృష్టిలో పెట్టుకుని నారుమడుల్లో సాయంత్రం వేసిన నీటిని ఉదయం తొలగించాలి. చలి తీవ్రత నుంచి నారు మడిని కాపాడుకోవడానికి వ్యవసాయాధికారుల సలహాలు తీసుకుంటే మంచిది.