TV
తండ్రి ప్రోత్సాహంతో విదేశాలకు..
సత్తుపల్లిటౌన్‌: ‘నాన్న ప్రోత్సాహంతోనే సింగపూర్‌లో ఉద్యోగం సాధించి జీవితంలో స్థిరపడ్డా.. ఆయన ఎన్ని కష్టాలు పడినా మాకు ఆనందాన్ని పంచుతూ జీవితంలో రాణించేలా తీర్చిదిద్దారు. అందుకే నాన్నే నా హీరో..’ అంటున్నారు సత్తుపల్లి ఆర్టీసీ డిపో డ్రైవర్‌ షేక్‌ అబ్దుల్‌ గఫార్‌ కుమారుడు షేక్‌ తాబేర్‌ పర్వేజ్‌. 1996 నుంచి గఫార్‌ ఆర్టీసీ డ్రైవర్‌గా పనిచేస్తున్నారు. ఆయనకు ఓ కుమారుడు, ఓ కుమార్తె ఉన్నారు. ఆర్థిక పరిస్థితులు అంతంత మాత్రంగానే ఉన్నా కుమారుడు పర్వేజ్‌ను విజయవాడలో ఇంటర్‌, హైదరాబాద్‌లో బీటెక్‌, ఎంటెక్‌ చదివించారు. ఆపై ఆయన సింగపూర్‌లోని ట్రాన్స్‌పోర్ట్‌ లాజిస్టిక్స్‌లో ఉద్యోగం సాధించి స్థిరపడ్డాడు. ‘నా కలలు సాకారం చేసేందుకు నాన్న ఎన్నో త్యాగాలు చేసి జీవితంలో బలమైన పునాది వేశారు.. అలాంటి తండ్రి ఉండడం నా అదృష్టం’ అని తాబేర్‌ ఫర్వేజ్‌ తెలిపారు.
