TV
బళ్లారిఅర్బన్: యూరియా ఎరువులతో ట్యాగింగ్ను నిషేధించడంతో పాటు పలు డిమాండ్లను నెరవేర్చాలని కోరుతూ వ్యవసాయ పనిముట్ల విక్రేతల సంఘం ఏప్రిల్ 27న సోమవారం దేశవ్యాప్త వ్యవసాయ పనిముట్ల అమ్మకాలపై నిషేధానికి పిలుపునిచ్చింది. అదే విధంగా బళ్లారి జిల్లాలో కూడా ఇలాంటి బంద్ నిర్వహించాలని వ్యవసాయ పనిముట్ల విక్రేతల సంఘం జిల్లా అధ్యక్షుడు హెచ్.తిమ్మనగౌడ జిల్లాధికారి కే.నాగేంద్ర ప్రసాద్కు విజ్ఞప్తి చేశారు. యూరియా, ఇతర ఎరువులను ఎఫ్ఎల్ ద్వారా పంపిణీ చేయాలి. వ్యవసాయ పనిముట్లు నాణ్యత లేనివిగా తేలితే తయారీదారులను బాధ్యులను చేయాలి. వ్యవసాయ పనిముట్ల విక్రేతలను కేవలం సాక్షులుగా మాత్రమే ఉంచాలి.
డిమాండ్లతో కూడిన వినతిపత్రం అందజేత
అన్ని రసాయనిక ఎరువుల అమ్మకంపై తమకు 8 శాతం లాభం ఇవ్వాలి. విత్తన బంగాళాదుంపల అమ్మకాలను సులభతరం చేయాలి. రైతులకు ఎరువుల పంపిణీ కోసం ఎఫ్ఐడీ కిసాన్ సాఫ్ట్వేర్ ద్వారా పంపిణీకి మినహాయింపు ఇవ్వాలి. అధికారులు తనిఖీ కోసం దుకాణాలను సందర్శించినప్పుడు మీడియాకు ప్రకటనలు ఇచ్చేటప్పుడు తనిఖీ అనే పదానికి బదులుగా దాడి అనే పదాన్ని, దుకాణాల ఫోటోలను ఉపయోగించకూడదు. ఎఫ్ఐడీ ద్వారా ఎరువులను విక్రయించాలన్న ఉత్తర్వును తాము స్వాగతిస్తున్నాం. అయితే సాగునీరు, మెట్ట రైతులకు పంటల ఆధారంగా ఎరువులను అందుబాటులో ఉంచాలని కోరుతూ ఒక వినతిపత్రం దాఖలు చేశారు.
