TV
రాష్ట్ర స్థాయి వాలీబాల్‌లో అఖిల్‌శ్రీవర్మ ప్రతిభ
రాష్ట్ర స్థాయి వాలీబాల్‌లో అఖిల్‌శ్రీవర్మ ప్రతిభ
ఏలూరు (ఆర్‌ఆర్‌పేట): ఉమ్మడి పశ్చిమగోదావరి జిల్లాలోని కొవ్వూరు వేదికగా జరిగిన రాష్ట్రస్థాయి ఎస్జీఎఫ్‌ వాలీబాల్‌ క్రీడా పోటీల్లో ఉమ్మడి పశ్చిమగోదావరి జిల్లా వాలీబాల్‌ జట్టు తృతీయ స్థానం సాధించింది. ఈ జట్టులో ఏఆర్‌డీజీకే ఉన్నత పాఠశాలకు చెందిన విద్యార్థి అఖిల్‌ శ్రీ వర్మ జట్టులో ప్రాతినిధ్యం వహించాడు. ఈ సందర్భంగా ఆదివారపుపేట ఆంధ్ర రత్న దుగ్గిరాల గోపాలకృష్ణయ్య (ఏఆర్‌డీజీకే) కార్పొరేషన్‌ ఉన్నత పాఠశాలలో అభినందన సభ నిర్వహించారు. విద్యార్థి అఖిల్‌ శ్రీ వర్మను, వ్యాయామ ఉపాధ్యాయులు తోట శ్రీనివాస్‌ కుమార్‌, అబ్బదాసరి జోజి బాబులను ప్రధానోపాధ్యాయుడు ఉన్నమట్ల కాంతి జయకుమార్‌, ఇతర ఉపాధ్యాయులు, సిబ్బంది అభినందించారు.
