వ్యవసాయంలో మహిళల పాత్ర కీలకం

రాజానగరం: వ్యవసాయం, ఆహార ఉత్పత్తుల్లో మహిలదే కీలకపాత్ర అని కలవచర్ల కృషి విజ్ఞాన కేంద్రం (కేవీకే) శాస్త్రవేత్త, ప్రధానాధికారి వీఎస్‌జీఆర్‌ నాయుడు అన్నారు. అంతర్జాతీయ మహిళా రైతు దినోత్సవం సందర్భంగా కేవీకేలో గురువారం మహిళా కిసాన్‌ దివస్‌ నిర్వహించారు. ఈ సందర్భంగా జిల్లా వ్యవసాయాధికారి బి.వెంకటేశ్వరరావు మాట్లాడుతూ ఆధునిక సాగు పద్ధతులపై మరింత అవగాహన పెంచుకోవాలన్నారు. ఈ సందర్బంగా ఉత్తమ మహిళా రైతులను గుర్తించి ఘనంగా సన్మానించారు. జిల్లా ఆత్మ ప్రాజెక్టు డైరెక్టర్‌ రాబర్ట్‌ పాల్‌, ప్రకృతి వ్యవసాయం జిల్లా ప్రాజెక్టు మేనేజర్‌ బి.తాతారావు, ఏడీఏ జయరామలక్ష్మి తదితరులు పాల్గొన్నారు.