కోడెగిత్తల జోరు

బంగారుపాళెం మండలంలోని గుంతూరు దళితవాడలో ఆదివారం పశువుల పరుగు పందేలు హోరెత్తాయి. ఇక్కడికి పరిసర ప్రాంతాల నుంచి యజమానులు తమ పశువులను టెంపోల ద్వారా తీసుకువచ్చారు. ఉదయం 10 నుంచి సాయంత్రం 4 గంటల వరకు పరుగు పందేలు నిర్వహించారు. పరుగులు తీస్తున్న కోడె గిత్తలను నిలువరించేందుకు యువకులు పోటీ పడ్డారు. ఈ క్రమంలో పలువురు యువకులు స్వల్ప గాయాలయ్యాయి. పోటీల్లో గెలుపొందిన ఎద్దుల యజమానులకు నిర్వాహకులు బహుమతులు ప్రదానం చేశారు. పశువుల పరుగు పందేలను తిలకించేందుకు పరిసర గ్రామాల నుంచి పెద్ద సంఖ్యలో ప్రజలు తరలిరావడంతో గుంతూరు దళితవాడ జనసంద్రంగా మారింది. – బంగారుపాళెం