సాక్షి, అమరావతి: వెలుగులను పంచే విద్యుత్‌ ఏ మాత్రం ఏమరపాటుగా ఉన్నా తీవ్ర విషాదాన్ని మిగుల్చుతుంది. ఇంటా బయట షార్ట్‌ సర్క్యూట్‌ ప్రమాదాలతో వందల మంది ప్రాణాలు కరెంటు హరిస్తోంది. ఆధునిక సాంకేతికతను అందిపుచ్చుకుని విద్యుత్‌ ఉపకరణాలను తయారు చేస్తున్నప్పటికీ వాటిని వినియోగించడం తెలియక అనర్ధం జరుగుతోంది. ఈ నేపధ్యంలో ‘స్మార్ట్‌ ఎనర్జీ సేఫ్‌ నేషన్‌’ నినాదంతో జాతీయ విద్యుత్‌ భద్రతా వారోత్సవాలు దేశ వ్యాప్తంగా గత నెల 26 నుంచి జూలై 2 మధ్య నిర్వహిస్తున్నారు. ఈ ఏడాది కొత్తగా విద్యుత్‌ వాహనాల చార్జింగ్‌ స్టేషన్లో పాటించాల్సిన భద్రత ప్రమాణాలు, సౌరఫలకాల నిర్మాణంలో పాటించాల్సిన జాగ్రత్తలను కేంద్ర ప్రభుత్వం విడుదల చేసింది. ఆ వివరాలతో ‘సాక్షి’ ప్రత్యేక కథనం. విద్యుత్‌ వాహనాల చార్జింగ్‌ స్టేషన్లో విద్యుత్‌ భద్రతా ప్రమాణాలు: ఈవీ చార్జింగ్‌ స్టేషన్లలో ఓవర్లోడ్‌ నుండి ప్రత్యేక రక్షణ ఉండాలి. సాకెట్‌ అవుట్లెట్లు భూమి మీద నుంచి, కనీసం 800 మిమీ ఎత్తులో ఉండాలి. కార్డ్‌ ఎక్స్‌ టెన్షన్‌ సెట్, రెండవ సరఫరా లీడ్లను ఉపయోగించకూడదు. వాహన కనెక్టర్‌ను వాహన ఇన్లెట్కు కనెక్ట్‌ చేయడానికి ఎటువంటి అడాప్టర్ను వాడకూడదు. ఛార్జింగ్‌ పాయింట్, కనెక్షన్‌ ఇన్లెట్‌ మధ్య దూరం 5 మీటర్ల కంటే ఎక్కువ ఉండకూడదు. పోర్టబుల్‌ సాకెట్‌ అవుట్లెట్లను ఉపయోగించకూడదు. ఛార్జింగ్‌ స్టేషన్లకు ఉరుములు మెరుపుల నుంచి రక్షణ కల్పించాలి. ఛార్జింగ్‌ కోసం నాలుగు కోర్‌ కేబుల్‌ను వాడాలి. కేబుల్స్‌ వాడకూడదు. అన్ని ఛార్జింగ్‌ స్టేషన్లలో ఎర్త్‌ కంటిన్యుటీ మానిటరింగ్‌ సిస్టమ్‌ ఏర్పాటు చేయాలి.సౌరఫలకాల నిర్మాణంలో పాటించ వలసిన విద్యుత్‌ భద్రతా ప్రమాణాలు: సోలార్‌ ఫోటోవోల్టాయిక్‌ కోసం ఇన్వర్టర్‌ యూనిట్లను భవనం అంచున, సోలార్‌ ప్యానెల్‌ దగ్గరగా ఏర్పాటు చేయాలి. వ్యవస్థను గ్రిడ్‌ నుంచి వేరుచేయడానికి మాన్యువల్‌ డిస్కనెక్షన్‌ స్విచ్‌ ఉండాలి. సాధారణంగా ప్యానెల్స్‌ విక్రేతలు ఈ రక్షణను అందించరు. వినియోగదారులే అడిగి తీసుకోవాలి. ఓవర్‌ లోడ్, సర్డ్‌ కరెంట్, సర్జ్‌ వోల్టేజ్, షార్ట్‌ సర్క్యూట్, అధిక ఉష్ణోగ్రత, ఓవర్‌ వోల్టేజ్, అండర్‌ వోల్టేజ్, ఓవర్‌ ఫ్రీక్వెన్సీ, అండర్‌ ఫ్రీక్వెన్సీ, రివర్స్‌ పోలారిటీ వంటి వాటి నుంచి రక్షణ ఏర్పాటు చేయాలి. ఫోటోవోల్టాయిక్‌ శ్రేణులు, ఇన్వర్టర్లకు ఎర్త్‌ ఫాల్ట్‌ రక్షణ, ఇన్సులేషన్‌ పర్యవేక్షణ అందించాలి. విద్యుత్‌ పరికరాల వినియోగంలో జాగ్రత్తలు: ఎల్లప్పుడూ ఎలక్ట్రికెట్‌ కేబుల్స్‌ ఎలక్ట్రికల్‌ ఉపకరణాలు ఐఎస్‌ఐ గుర్తు ఉన్న పరికరాలు, స్టార్‌ రేటెడ్‌తో వాణ్యతగలవి కొనాలి. ప్లగ్‌ సాకెట్‌ చిన్న పిల్లలకు అందుబాటులో లేకుండా చూసుకోవాలి. స్టాండర్డ్‌ ఎర్తింగ్‌ ప్రాక్టీస్‌ ప్రకారం ఎలక్ట్రికల్‌ ఇన్‌ స్టాలేషను ఎఫెక్టివ్‌ ఎర్త్‌ మేయండి. ప్రభుత్వ లైసెన్స్‌ పొందిన ఎలక్ట్రికల్‌ కాంట్రాక్టర్‌ చేతనే ఎలక్ట్రికల్‌ వర్క్స్‌ వేయంచండి. ధృవీకరించిన ఎలక్ట్రిషియన్‌తోనే మరమ్మత్తులు చేయించండి. ఎలక్ట్రికల్‌ పరికరాలపై పనిచేసేటప్పుడు రబ్బరు చేతి తొడుగులు ఉపయోగించాలి. అండర్‌ గ్రౌండ్‌ కేబుల్స్, గార్డెన్‌ లైటింగ్‌ గట్‌ రైటింగ్‌ కేబుల్స్‌ను బహిరంగంగా వేయవద్దు. విరిగిన స్విచ్‌లు ప్లగ్‌ లను ఉపయోగించకూడదు. నీటి పైపులు, విద్యుత్‌ వైర్లను ఒక దానికి ఒకటి సమీపంలో తీసుకురావద్దు. ఎర్త్‌ కనక్షన్‌ లేకుండా వాటర్‌ హీటర్లు, ఎలక్ట్రిక్‌ ఐరన్‌ మొదలైన వాటిని తడి చేతితో తాకవద్దు. గ్రైండర్, ఎ.సి, రిఫ్రిజరేటర్లో అసాధారణ శబ్దాలు వచ్చినప్పుడు ఆశ్రద్ధ చేయకుండా వెంటనే మెకానిక్‌ చేత పరీక్షించాలి. ఇళ్లలో వినియోగించే ఇన్వర్టర్లకు గాలి, వెలుతురు ప్రవరించే విధంగా ఉంచాలి.ప్రమాదవశాత్తు విద్యుత్‌ సాకు గురియైన వ్యక్తిని చేతులతో తాకకుండా ఎండు కర్రలతో విద్యుత్‌ తీగలను ప్రమాదానికి గురియైన వ్యక్తి నుండి వేరు చేయాలి. వాహనాలపై ప్రమాదవశాత్తు విద్యుత్‌ తీగలు జారిపడినా లేదా వాటికి మనం ప్రయాణించే వాహనం తగిలినా, వాహనంలో నుంచి బయట పడేందుకు పోపింగ్‌ (గెంతుట లేదా దుముకుట) విధానం అనుసరించాలి. టోల్‌ ఫ్రీ నెంబర్‌ 1912కు ఫోన్‌ చేసి ఫిర్యాదు చేయాలి.

న్యూఢిల్లీ: ప్రస్తుత ఆర్థిక సంవత్సరం(2022-23) రెండో త్రైమాసికంలో ఆటో విడిభాగాల కంపెనీ మదర్‌సన్‌ సుమీ వైరింగ్‌ ఇండియా ఆసక్తికర ఫలితాలు ప్రకటించింది. జులై-సెప్టెంబర్‌ (క్యూ2)లో నికర లాభం స్వల్పంగా 2 శాతం పుంజుకుని రూ. 116 కోట్లను అధిగమించింది. గతేడాది(2021-22) ఇదే కాలంలో రూ. 114 కోట్లు ఆర్జించింది. మొత్తం ఆదాయం మాత్రం రూ. 1,400 కోట్ల నుంచి రూ. 1,835 కోట్లకు ఎగసింది. అయితే మొత్తం వ్యయాలు సైతం రూ. 1,230 కోట్ల నుంచి రూ. 1,690 కోట్లకు పెరిగాయి. దేశీ ఆటోమోటివ్‌ పరిశ్రమ తిరిగి జోరందుకున్నట్లు కంపెనీ చైర్మన్‌ వివేక్‌ చాంద్‌ సెహగల్‌ పేర్కొన్నారు. దీంతో తమ కస్టమర్లు ఉత్పత్తిని పెంచుతున్నట్లు తెలియజేశారు. ఇది వ్యయాలను (వన్‌టైమ్‌) పెంచినప్పటికీ రానున్న త్రైమాసికాలలో సర్దుబాటు కాగలవని తెలిపారు.అయితే ఈ ఫలితాలు నేపథ్యంలో సోమవారం  6 శాతం  నష్టాలనుంచి కోలుకుని మంగళవారం  2 శాతం లాభాలతో కొనసాగుతోంది.   


 ఎంపీ: తమ్ముడూ నీ పేరేంటి? హాస్టల్‌లో భోజనం ఎలా ఉంటుంది?
  విద్యార్థి: నాపేరు వెంకటేశ్ సార్. తొమ్మిదో తరగతి చదువుతున్నా. మెనూ ప్రకారం భోజనం పెట్టడం లేదు. ఈ హాస్టల్‌లో అన్నీ సమస్యలే సార్.
 
  ఎంపీ: బాబూ.. నువ్వేం చదువుతున్నావ్..?
  విద్యార్థి: నా పేరు సందీప్ సార్, 8వ తరగతి చదువున్నా.  
  
  ఎంపీ: ఈ హాస్టల్‌లో బాత్‌రూంలు, మరుగుదొడ్లు ఉన్నాయా?
  సందీప్ : పేరుకు చాలానే ఉన్నాయ్ సార్.. కానీ ఏ ఒక్కటీ పనిచేయడం లేదు.  
 
  ఎంపీ: అందేంటీ? ఉన్నాయంటున్నావ్.. ఎందుకు పనిచేయడం లేదు?
  సందీప్ : అప్పుడెప్పుడో నిర్మించిన ఈ మరుగుదొడ్లకు నీటి సౌకర్యం లేదు సార్.. ఉపయోగించక పూర్తిగా పాడైనయ్. చెత్తా చెదారంతో నిండిపోయినయ్.
 
  ఎంపీ: మీరంతా ఎక్కడ స్నానాలు చేస్తున్నారు? కాలకృత్యాలు తీర్చుకోవడానికి ఎక్కడికి వెళ్తున్నారు?
  సందీప్: స్నానాలు ఆరుబయట ఉన్న నల్లా కింద చేస్తున్నం. మరుగుదొడ్లు లేకపోవడంతో బయటకి వెళ్తున్నాం. రాత్రివేళలో చాలా ఇబ్బందిగా ఉంది సార్..
 
  ఎంపీ: మీరంతా ఆటలు ఆడుకునేందుకు స్థలం ఉందా?  
  మహిపాల్: వసతి గృహంలో ఎలాంటి ఆటవస్తువులు లేవండి. ఆడుకోవడానికి గ్రౌండ్ కూడా లేదు.  
 
  ఎంపీ: మరి మీరంతా ఖాళీ సమయంలో ఏం చేస్తున్నారు?  
  మహిపాల్: స్కూల్ నుంచి వచ్చినంక చదువుకునేటోళ్లు చదువుకుం టరు. మిగతా వాళ్లు ఖాళీగానే ఉంటరు.  
 
  ఎంపీ: వసతి గృహానికి ట్యూటర్ (టీచర్) వస్తున్నాడా? అన్ని సబ్జెక్టులకు ఉన్నారా?
  బాలునాయక్: ప్రస్తుతం ట్యూటర్ రావడంలేదు సార్..  మొదట్లో కొన్ని రోజులు వచ్చారు.. మళ్లీ రావడంలేదు.
 
  ఎంపీ: హాస్టల్‌లో రాత్రి వేళ కరెంట్ ఉంటుందా? ఏమైనా ఇబ్బందులున్నాయి?
  శ్రీకాంత్ : రాత్రివేళలో కరెంట్ ఉంటుంది. కానీ హాస్టల్‌లో వైరింగ్, లైట్లు, ప్యాన్లు సరిపడా లేవు. రాత్రిపూట కరెంట్ పోతే మాకు భయం వేస్తోంది.
 
  ఎంపీ : ఎందుకు భయం వేస్తుంది.  అందరూ కలిసే ఉంటారు కదా?
  శ్రీకాంత్: మా హాస్టల్ గ్రామానికి దూరంగా గట్టుపై ఉండడంతో చుట్టూ ఎవరూ ఉండరు. దీనికి తోడు రాత్రి వేళ బాత్‌రూంకు పోవాలంటే బయటకు వెళ్లాలి.. అందుకే భయం.
 
  ఎంపీ: ఇంకా ఏమైనా  సమస్యలున్నాయా?
  విష్ణు: హాస్టల్‌కు ప్రహరీ లేకపోవడంతో పాములు వస్తున్నాయ్ సార్..
 
  ఎంపీ : పాములు వస్తున్నాయా..?  ఎప్పుడైనా లోపలికొచ్చాయా?
  విష్ణు: ఓ సారి గదిలోకి వచ్చింది. అందరం బయపడిపోయి బయటకు పరుగు తీశాం. వాచ్‌మన్ వచ్చి చూసి పాము పోయిందని చెప్పిన తర్వాత లోపలికొచ్చాం.
  
 ఎంపీ: హాస్టల్ గదులను శుభ్రం చేసేవాళ్లు వస్తున్నారా?  రోజూ శుభ్రం చేస్తారా?
  మహేందర్: మా గదులను మేమే శుభ్రం చేసుకుంటాం సార్.. ఎవరూ రారు.
  
 ఎంపీ: హాస్టల్‌లో ఏమైనా సమస్యలుంటే ఎవరికి చెబుతారు?  
  శ్రీనివాస్: వార్డెన్‌కు చెబుతాం.
  
 ఎంపీ: వర్షం వస్తే గదులు కురుస్తాయా?
  గోవింద్: అవును సార్.. గదుల పరిస్థితి బాగాలేదు. వర్షం వస్తే కురుస్తాయి. డోర్స్ కూడా బాగాలేవు. చలి కాలం..
 ఇబ్బంది పడుతున్నాం.
 
  ఎంపీ: నీటి సమస్య ఉందా? నీళ్లు ఎక్కడి నుంచి సరఫరా అవుతున్నాయి?
  రజినీకాంత్: హాస్టల్‌కు ప్రత్యేకంగా బోరు లేదు సార్.. గ్రామ పంచాయతీకి సరఫరాచేసే పైపు నుంచే నీళ్లు వస్తాయి.  
  
 ఎంపీ: నీటి నిల్వకు ట్యాంకులున్నాయా?
  రజనీకాంత్: లోపల ట్యాంకులు ఉన్నా.. అవి నిరుపయోగంగా ఉన్నాయి. ఆరు బయట వస్తున్న నల్లా నీటితోనే స్నానం చేస్తాం.  
  
 ఎంపీ: ఇంకా ఇతర సమస్యలు చెప్పండి?
  సునీల్ : హాస్టల్ లోపల ఫ్లోరింగ్ లేదు సార్.. దుమ్ములోనే కూర్చుని భోజనం చేస్తున్నాం..
  వెంకటేశ్: మా హాస్టల్‌లో అనేక సమస్యలున్నాయ్ సార్.. మీరే వాటిని పరిష్కరించాలి.  
  
 ఎంపీ: తప్పకుండా పరిష్కరిస్తా.. మీరంతా ఒకే పాఠశాలలో చదువుకుంటున్నారా?  
  వినయ్‌చారి: కొందరం ప్రభుత్వ పాఠశాలలో, మరి కొందరు మోడల్ స్కూల్‌లో చదువుకుంటున్నం.  
  
 ఎంపీ: హాస్టల్ వార్డెన్ అందుబాటులో ఉంటున్నారా? లేరా?
  కార్తిక్:మా వార్డెన్ మ్యాట్రిన్ లావణ్యగారు.. రోజూ వస్తారు.  
  
 ఎంపీ : బాగా చదువుతున్నారా? గత ఏడాది మార్కులెలా వచ్చాయ్?  
  సరేందర్: అందరికీ గత ఏడాది మంచి మార్కులే వచ్చాయ్‌సార్..
  
 ఎంపీ: ఈ ఏడాది టెన్త్‌లో అందరూ పాసవుతారా?  
  అర్జున్: అందరం తప్పకుండా పాసవుతాం సార్.
  ఎంపీ: వెరీ గుడ్. బాగా చదువుకొని హాస్టల్‌లో ఉన్న వారంతా ఫస్టు గ్రేడ్‌లో పాసవ్వాలి.