tour cancelled

కేంద్ర ఎన్నికల సంఘం ప్రధాన కమిషనర్‌ జ్ఞానేశ్‌ కుమార్‌ మరో పర్యటన వాయిదా వేసుకున్నారు. ఆయనతో పాటు ఈసీ ఉన్నతాధికారులు ఇవాళ, రేపు ఛత్తీస్‌గఢ్‌లో పర్యటించాల్సి ఉండగా.. ‘‘అనివార్య కారణాల’’తో కార్యక్రమాన్ని వాయిదా వేసినట్లు రాష్ట్ర ఎన్నికల ప్రధాన అధికారి కార్యాలయం ప్రకటించింది. కొత్త తేదీలను తర్వాత వెల్లడిస్తామని తెలిపింది.ఓటర్ల జాబితాల ప్రత్యేక సమగ్ర సవరణ (SIR), ఫామ్‌-6లో మార్పులపై విపక్షాల ఆందోళనలు ఉద్ధృతమైన సమయంలో ఈ పరిణామం చోటుచేసుకుంది. ఈసీలో అభిప్రాయబేధాలు, సర్‌ వివాదాల నేపథ్యం తర్వాత.. మీరట్‌, వారణాసి, లడఖ్‌, హిమాచల్‌ప్రదేశ్‌, ఉత్తరాఖండ్‌ పర్యటనలు వాయిదా పడ్డాయి. ఇప్పుడు ఛత్తీస్‌గఢ్‌ ఆ జాబితాలో చేరింది. అయితే ఆయన పర్యటనల్లో నిరసనలు ఎదురయ్యే అవకాశాలు ఉన్నందునే ఈ నిర్ణయం తీసుకుని ఉంటారనే చర్చా జోరందుకుంది.ఛత్తీస్‌గఢ్‌ పర్యటనలో జ్ఞానేశ్‌ కుమార్‌ దంతేవాడలోని దంతేశ్వరి ఆలయం, బస్తర్‌లో చిత్రకూట్‌ జలపాతం, కబీర్‌ధామ్‌లో భోరమ్‌దేవ్‌ ఆలయాన్ని సందర్శించాల్సి ఉంది. రాష్ట్ర ప్రభుత్వం ఆయనకు ‘స్టేట్‌ గెస్ట్‌’ హోదా కల్పించి భారీ భద్రతా ఏర్పాట్లు చేసింది. అయితే చివరి నిమిషంలో ఈసీ వర్గాలు పర్యటనను రద్దు చేసినట్లు చెబుతున్నాయి. ఇదిలా ఉంటే సీఈసీ జ్ఞానేశ్‌ కుమార్‌ రాజీనామా డిమాండ్‌పై బుధవారం కూడా విపక్షాల ఆందోళనలు కొనసాగనున్నాయి. ఢిల్లీ చీఫ్‌ ఎలక్టోరల్‌ ఆఫీసర్‌ కార్యాలయం వద్ద కాంగ్రెస్‌, వామపక్షాలతో కలిసి నిరసనలో పాల్గొంటామని ఆమ్‌ ఆద్మీ పార్టీ ప్రకటించింది. అంతకు ముందు.. మంగళవారం ఢిల్లీలో రాహుల్‌ గాంధీ నేతృత్వంలో విపక్ష ఎంపీలు ఈసీ కార్యాలయం వైపు మార్చ్‌ చేపట్టారు. పోలీసులు అడ్డుకోవడంతో ఆకాష్‌వాణి భవన్‌ వద్ద ఎనిమిది గంటలకు పైగా ధర్నా నిర్వహించారు. రాహుల్‌, ప్రియాంక గాంధీ సహా పలువురు నేతలను పోలీసులు అదుపులోకి తీసుకుని అనంతరం విడుదల చేశారు. సర్‌ రద్దు, జ్ఞానేశ్వర్‌ రాజీనామా, ఎన్నికల సంఘంలో సంస్కరణలు కోరుతూ ఈ నెల 10వ తేదీ నుంచి కాక్రోచ్‌ జనతా పార్టీ కూడా దేశవ్యాప్త ఆందోళనలకు సిద్ధమైంది. ఇదీ చదవండి: ఈసీ కోసం నెక్స్ట్‌ లెవల్‌ పోరాటం!

సాక్షి, విశాఖపట్నం : ప్రధానమంత్రి నరేంద్ర మోదీ విశాఖ పర్యటన రద్దయింది. టీడీపీ, జనసేనలతో బీజేపీ పొత్తు పెట్టుకున్న తర్వాత ప్రధాని రాష్ట్రంలో పర్యటిస్తారని వార్తలు వెలువడ్డాయి. మూడు రోజుల పాటు రాష్ట్రంలోని మూడు ప్రాంతాల్లో ఆయన బహిరంగ సభల్లో పాల్గొంటారని ఆ మూడు పారీ్టల నేతలు హడావుడి చేశారు. ఈ నేపథ్యంలో ఈనెల 16న విశాఖలో మోదీ ఎన్నికల బహిరంగ సభలో పాల్గొంటారని స్థానిక బీజేపీ నేతలకు సమాచారం వచ్చింది. దీనిపై బీజేపీ నాయకులు సమాలోచనలు చేస్తుండగా మోదీ బహిరంగ సభ రద్దయిందని, ఒక రోజు ముందుగానే 15వ తేదీన విశాఖలో రోడ్డు షో నిర్వహిస్తారని సాయంత్రానికి కబురు అందింది. దీంతో రోడ్డు షో నిర్వహణపై వీరు సమావేశమై సమాలోచనలు చేశారు. ఎన్‌ఏడీ జంక్షన్‌–కంచరపాలెం వరకు గాని, బీచ్‌ రోడ్డులో కోస్టల్‌ బ్యాటరీ/నోవాటెల్‌ హోటల్‌ జంక్షన్‌ నుంచి పార్క్‌ హోటల్‌/వుడా పార్క్‌ వరకు గాని రోడ్డు షో నిర్వహించాలని నిర్ణయించారు. దానికి సంబంధించిన ఏర్పాట్లపై చర్చిస్తుండగానే రోడ్డు షో కూడా రద్దయిందని రాత్రి 9 గంటలకు సమాచారం వచ్చింది. ప్రధాని మోదీ విశాఖ పర్యటన రద్దయిందని సమాచారం అందిందని బీజేపీ విశాఖ పార్లమెంట్‌ జిల్లా అధ్యక్షుడు మేడపాటి రవీంద్ర సోమవారం రాత్రి ‘సాక్షి’కి చెప్పారు.

సాక్షి, హైదరాబాద్‌: కాంగ్రెస్ అగ్రనేత ప్రియాంక గాంధీ తెలంగాణ పర్యటన రద్దు అయింది. రేపు(మంగళవారం) చేవెళ్లలో ప్రియాంక గాంధీ సమక్షంలో తెలంగాణ ప్రభుత్వం రెండు స్కీంలను ప్రారంభించాలని నిర్ణయించిన విషయం తెలిసిందే. రూ.500 రూపాయలకు గ్యాస్ సిలిండర్, ఇళ్లకు 200 యూనిట్ల ఉచిత విద్యుత్ స్కీమ్‌లను  ప్రియాంక గాంధీ చేతులమీదగా ప్రారంభించాలని తెలంగాణ ప్రభుత్వం నిర్ణయించింది. ప్రియాంక గాంధీ పర్యటనకు అన్ని ఏర్పాట్లు చేసుకుంది. అయితే.. అనివార్య కారణాల వల్ల ప్రియాంక గాంధీ పర్యటన రద్దు అయింది.


 సాక్షి, రంగారెడ్డి జిల్లా: టీఆర్‌ఎస్ అధినేత కల్వకుంట చంద్రశేఖర్‌రావు ఇబ్రహీంపట్నం పర్యటన రద్దు కావడంతో ఆ పార్టీ శ్రేణులు తీవ్ర నిరాశకు గురయ్యాయి. ఈ ప్రాంతంలో ఇప్పుడిప్పుడే పుంజుకుంటున్న టీఆర్‌ఎస్‌కు కేసీఆర్ పర్యటన మరింత బలం చేకూర్చుతుందని భావించిన పార్టీ నాయకులు శుక్రవారం ఇబ్రహీంపట్నంలో ఎన్నికల ప్రచార పర్యటనకు ముమ్మర ఏర్పాట్లు చేశారు. సాయంత్రం నాలుగు గంటల ప్రాంతంలో సభ ప్రారంభం కానుండడంతో ఆ పార్టీ అసెంబ్లీ, పార్లమెంటు అభ్యర్థులు, స్థానిక నాయకులు పెద్దఎత్తున జనసమీకరణ చేపట్టాలని అనుకున్నా ఆశించిన మేర జనంరాలేదు.
 
  అఅభిమానుల్లో అసంతృప్తి
  చాలా కాలం తర్వాత కేసీఆర్ ఇబ్రహీంపట్నం వస్తుండన్న ప్రచారంతో అభిమానులు సభా ప్రాంగణానికి చేరుకున్నారు.
  శుక్రవారం భానుడి ప్రతాపం తగ్గడంతో సభకు వచ్చిన వారంతా ఉత్సాహంగా కేసీఆర్ కోసం వేచి చూశారు. అయితే సాయంత్రం ఆరుగంటలు దాటుతున్నప్పటికీ కేసీఆర్ రాకపోవడంతో సభకు హాజరైన అగ్రనేతలు కే.కేశవరావు, నాయిని నర్సింహారెడ్డి తదితరులు ప్రసంగాలు ప్రారంభించారు. వారి ప్రసంగాలు ముగిసినా కేసీఆర్ రాకపోవడంతో టీఆర్‌ఎస్ శ్రేణులు, అభిమానులు ఊసురు మంటూ వెనుదిరిగారు.