తమిళ స్టార్ హీరో విశాల్ తాజాగా నటించిన చిత్రం మార్క్ ఆంటోనీ. ఈ చిత్రంలో ఎస్‌జే సూర్య విలన్‌గా నటించారు. ఈ చిత్రంలో విశాల్‌, సూర్య..   ద్విపాత్రాభినయం చేయడం మరో విశేషం. అధిక్‌ రవిచంద్రన్‌ దర్శకత్వం వహించిన ఈ చిత్రాన్ని ఎస్‌.వినోద్‌ కుమార్‌ నిర్మించారు. ఇప్పటికే ట్రైలర్‌ రిలీజ్ కాగా.. సెప్టెంబర్‌ 15న తెలుగు, తమిళ, హిందీ భాషల్లో విడుదల కానుంది.  ప్రస్తుతం మూవీ ప్రమోషన్లలో బిజీగా ఉన్న విశాల్ పలు ఆసక్తికర కామెంట్స్ చేశారు. ఓ ఇంటర్వ్యూకు హాజరైన హీరో ఆయనకు సూపర్‌ హిట్‌ అందించిన డైరెక్టర్‌ తీవ్రస్థాయిలో ఆరోపణలు చేశారు.  (ఇది చదవండి: ఓటీటీలో సినిమాల సందడి.. భోళాశంకర్, రామబాణం కూడా!) విశాల్ హీరోగా నటించిన చిత్రం ‘తుప్పరివాలన్‌’. 2017లో వచ్చిన ఈ చిత్రాన్ని  దర్శకుడు మిస్కిన్ తెరకెక్కించారు.  తెలుగులోనూ ఈ  చిత్రాన్ని డిటెక్టివ్‌ పేరుతో రిలీజ్ చేశారు. అయితే తాజా ఇంటర్వ్యూలో ఈ మూవీ డైరెక్టర్‌పై విశాల్ తీవ్ర ఆగ్రహం వ్యక్తం చేశారు.  అతని ప్రవర్తన మూలంగా తాను ఎంతో ఇబ్బందిపడినట్లు వెల్లడించారు. భవిష్యత్తులో  ఆయనతో మరోసారి పనిచేసే ఉద్దేశం లేదని తేల్చిచెప్పారు. మిస్కిన్ పెట్టిన బాధకు నేను కాకుండా.. వేరే వాళ్లు అయితే ఇప్పటికే  చనిపోయేవారంటూ విశాల్‌ తీవ్ర ఆరోపణలు చేశారు. విశాల్ మాట్లాడుతూ..'  మిస్కిన్‌తో  మరోసారి సినిమా చేయడం జరగని పని.  తుప్పరివాలన్‌ -2 విషయంలో నన్ను చాలా ఇబ్బందులకు గురిచేశాడు. లండన్‌ ప్లాట్‌ఫామ్స్‌పై ఒంటరిగా కూర్చుని బాధపడ్డా. ఆ క్షణాలను ఎప్పటికీ మర్చిపోలేను. నా  ప్లేస్‌లో ఇంకెవరైనా ఉండుంటే కచ్చితంగా గుండెపోటుతో చనిపోయేవారు. నేను కాబట్టి ఆ నష్టాన్ని తట్టుకున్నా. ఒకవేళ మిస్కిన్‌తో ‘తుప్పరివాలన్‌ 2’ షూట్‌ చేసినా అది పూర్తి కాదని తెలుసు. అందుకే ఆ మూవీని ఆపేశా. వచ్చే ఏడాదిలో స్వయంగా నేనే తెరకెక్కించాలనుకుంటున్నా. ఆ ప్రాజెక్ట్‌ నాకు బిడ్డ లాంటిది.' అంటూ ఫైరయ్యారు.  (ఇది చదవండి: 14 ఏళ్లకే పెళ్లి.. ఆపై వేధింపులు.. అర్ధాంతరంగా ముగిసిన నటి జీవితం!)  2017లో తెలుగులో ‘డిటెక్టివ్‌’ పేరుతో రిలీజైన ఈ చిత్రం కోలీవుడ్‌, టాలీవుడ్‌లో హిట్‌ టాక్‌ను అందుకుంది. ఈ చిత్రానికి సీక్వెల్గా ‘తుప్పరివాలన్‌ 2’ తెరకెక్కించాలనుకున్నారు. కానీ చిత్రీకరణ సమయంలో వీరిద్దరి వివాదాలు  తలెత్తాయి. దీంతో ఆ ప్రాజెక్ట్‌ అర్ధాంతరంగా ఆగిపోయింది.  ప్రస్తుతం విశాల్ స్వయంగానే ‘తుప్పరివాలన్‌ 2’ తెరకెక్కించేందుకు సిద్ధమయ్యారు.   

నాలుగేళ్లు కావొస్తోంది నటి గౌతమి తమిళ స్క్రీన్‌పై కనిపించి. 2015లో వచ్చిన ‘పాపనాశం’ సినిమాలో చివరిసారి కనిపించారు గౌతమి. ఈ మధ్యకాలంలో తెలుగులో ‘మనమంతా’, మలయాళంలో ‘ఈ’ అనే సినిమాల్లో కనిపించారామె. నాలుగేళ్ల బ్రేక్‌ తర్వాత తమిళంలో ఓ సినిమా అంగీరించారట గౌతమి. హీరో విశాల్, దర్శకుడు మిస్కిన్‌ కాంబినేషన్‌లో ‘తుప్పరివాలన్‌ 2’ చిత్రం తెరకెక్కుతోంది. ‘తుప్పరివాలన్‌’ చిత్రానికి ఇది సీక్వెల్‌. ఆశ్య కథానాయిక. ఈ సినిమాలో గౌతమి కీలక పాత్రలో నటించనున్నారట. త్వరలోనే ఈ చిత్రం షూటింగ్‌లో జాయిన్‌ అవుతారు గౌతమి. ‘తు ప్పరివాలన్‌’ ఫస్ట్‌ పార్ట్‌లో సిమ్రాన్‌ అతిథి పాత్రలో కనిపించారు. బహుశా ఇప్పుడు గౌతమి అతిథి అయ్యుండొచ్చు.

కెరీర్‌లో పెద్దగా హిట్స్‌ లేకపోయినా గ్లామర్‌ లుక్స్‌ తో మంచి అవకాశాలు దక్కించుకుంటున్న హీరోయిన్‌ అను ఇమ్మాన్యూల్‌. మలయాళ ఇండస్ట్రీలో వెండితెరకు పరిచయం అయిన ఈ బ్యూటీ మజ్ను సినిమాతో టాలీవుడ్‌ ఎంట్రీ ఇచ్చారు. తొలి సినిమాతో పర్వాలేదనిపించినా తరువాత అను నటించిన ఒక్క సినిమా కూడా సక్సెస్‌ కాలేదు. తమిళ్‌లో చేసిన ఒక్క సినిమా తుప్పారివాలన్‌ మాత్రం ఘనవిజయం సాధించింది. తాజాగా ఈ భామ కోలీవుడ్‌ క్రేజీ హీరో సరసన నటిస్తున్నట్టుగా వార్తలు వస్తున్నాయి. తమిళనాట వరుస విజయాలతో దూసుకుపోతున్న విజయ్‌ సేతుపతి సరసన నటించేందుకు అను ఇమ్మాన్యూల్‌ ఓకె చెప్పారు. త్వరలోనే ఈ సినిమాకు సంబంధించిన అధికారిక ప్రకటన వెలువడనుంది.


 తమిళసినిమా: తుప్పరివాలన్ చిత్రం ఇంటర్నెట్‌లో హల్‌చల్‌ చేస్తూ విశాల్‌కు షాక్‌ ఇచ్చింది. విశాల్‌ కథానాయకుడిగా నటించి సొంతంగా నిర్మించిన తాజా చిత్రం తుప్పరివాలన్. మిష్కిన్ దర్శకత్వం వహించిన ఈ చిత్రం గురువారం తెరపైకి వచ్చింది. ఈ చిత్రం పైరసీకి గురి కాకుండా విశాల్‌ పలు జాగ్రత్తలు తీసుకున్నా రు. తన అభిమానులను కొన్ని బృందాలుగా విభజించి రాష్ట్రంలోని అన్ని సినిమా థియేటర్లలో నిఘాను పెట్టారు.
 
 ఎవరూ సెల్‌ఫోన్ లో చిత్రీకరించకుండా ఈ బృందాలు పర్యవేక్షిస్తుంటాయి. విశాల్‌ ఇన్ని జాగ్రత్తలు తీసుకున్నా ఆయనకు సవాల్‌ విసిరేలా తమిళ్‌ రాకర్స్ వెబ్‌సైట్‌ తుప్పరివాలన్ చిత్రాన్ని శుక్రవారం ప్రసారం చేసి షాక్‌ ఇచ్చింది. దీంతో కొత్త చిత్రాలను అనధికారంగా ప్రసారం చేస్తున్న వెబ్‌సైట్‌లను కట్టడిచేసేందుకు విశాల్‌ పెద్ద పోరాటమే చేస్తున్నారు. అలాంటి వెబ్‌సైట్‌లపై తగిన చర్యలు చేపట్టాలంటూ పోలీసులకు ఫిర్యాదు చేశారు.
 
 ఒక సమయంలో తమిళ్‌ రాకర్స్‌ వెబ్‌సైట్‌ అంతం చూస్తానని ఛాలెంజ్‌ చేశారు కూడా. కొత్త చిత్రాలు ఇంటర్నెట్‌లో అనధికారంగా ప్రచారం కాకుండా ఉండటానికి ఇంటర్నెట్‌ పరిజ్ఞాన నిపుణులతో ఆలోచనలు జరిపారు. ఇలాంటి పరిస్థితుల్లో తమిళ్‌గన్ వెబ్‌సైట్‌ నిర్వాహకుడు గౌరీశంకర్‌ను పోలీసులు శుక్రవారం అరెస్ట్‌ చేశారు. ఇప్పుడు తమిళ్‌రాకర్స్‌ వెబ్‌సైట్‌పై ఎలాంటి చర్యలు తీసుకోవాలన్న విషయంపై విశాల్‌ బృందం సుధీర్ఘాలోచనలో తలమునకలైంది.


 చెన్నై: సినీ హీరో విశాల్‌కు షూటింగ్‌లో గాయపడ్డారు.  ప్రస్తుతం ఆయన మిష్కిన్‌ దర్శకత్వంలో ‘తుప్పరివాలన్’  చిత్రంలో నటిస్తున్నారు.‌ విశాల్‌ ఫిలిం ప్యాక్టరీ బ్యానర్‌లో తెరకెక్కుతున్న ఈ సినిమా షూటింగ్‌ గత కొద్ది రోజులుగా చిదంబరం సమీపంలోని పిచ్చాపరంలో జరుగుతోంది. చిత్ర యూనిట్‌... హీరో...  శత్రువులతో పోరాడే దృశ్యాలను చిత్రీకరిస్తున్నారు.
 కాగా సోమవారం విశాల్‌ పాల్గొన్న పోరాట దృశ్యలను చిత్రీకరిస్తుండగా బ్యాలెన్స్‌ తప్పి కింద పడిపోయారు. దీంతో ఆయన గాయపడగా, వెంటనే సమీపంలోని వైద్యులకు పిలిపించి వైద్య చికిత్స చేయించారు. ఈ సంఘటన గురించి చిత్ర యూనిట్‌ మాట్లాడుతూ... విశాల్‌ ఫైట్‌ సన్నివేశంలో అనూహ్యంగా కిందపడిపోయారని, పెద్దగా దెబ్బలేమీ తగల్లేదనీ చెప్పాయి. వైద్యుల విశ్రాంతి తీసుకోమని సలహా ఇచ్చారనీ, అయితే విశాల్‌ కొద్దిసేపటి తర్వాత షూటింగ్‌లో పాల్గొన్నట్లు తెలిపాయి.


 తుప్పరివాలన్‌ చిత్ర ఫస్ట్‌లుక్‌కు సూపర్‌ రెస్పాన్స్‌ వస్తోంది. కత్తిసండై చిత్రం తరువాత విశాల్‌ హీరోగా నటిస్తున్న తాజా చిత్రం తుప్పరివాలన్‌. నటి ఆండ్రియా హీరోయిన్‌గా నటిస్తున్న ఈ చిత్రంలో ప్రసన్న, వినయ్‌ తదితరులు ముఖ్య పాత్రలు పోషిస్తున్నారు. సీనియర్‌ నటుడు కే.భాగ్యరాజ్‌ ప్రతినాయకుడిగా నటిస్తున్న ఈ చిత్రాన్ని వైవిధ్యభరిత చిత్రాల దర్శకుడు మిష్కన్‌ తెరకెక్కిస్తున్నారు. అరోల్‌ కరోలి సంగీతం, కార్తీక్‌ ఛాయాగ్రహణ అందిస్తున్నారు. తుప్పరివాలన్‌ చిత్రాన్ని విశాల్‌ ఫిలిం ఫ్యాక్టరీ, మద్రాస్‌ ఎంటర్‌ ప్రైజెస్‌ ఎస్‌.నందకుమార్‌ కలిసి నిర్మిస్తున్నారు.
 
 ప్రారంభం నుంచి ఇండస్ట్రీలో క్యూరియాసిటీ రేకెత్తిస్తున్న చిత్రం తుప్పరివాలన్‌. ఇప్పటికే రెండు షెడ్యూల్‌ షూటింగ్‌ పూర్తి చేసుకున్న ఈ చిత్రం చివరి షెడ్యూల్‌ను ఈ నెలాఖరున చిత్రీకరించనున్నట్టు చిత్ర వర్గాల సమాచారం. కాగా తుప్పరివాలన్‌ చిత్ర ఫస్ట్‌లుక్‌ను సంక్రాంతి పండుగ సందర్భంగా చిత్ర యూనిట్‌ విడుదల చేశారు. ఈ పోస్టర్స్‌కు చిత్ర పరిశ్రమలో మంచి స్పందన వస్తోంది. ఇందులో ఉండీ లేనట్టున్న మీసం, నెత్తి మీద టోపీతో విశాల్‌ కొత్తగా కనిపిస్తుండడం ఆయన ఆభిమానులకు నూతనోత్సాహాన్ని కలిగి స్తోంది. అదే విధంగా చిత్ర ఫస్ట్‌లుక్‌ పోస్టర్లు సోషల్‌ మీడియాలో హల్‌చల్‌ చేస్తుండడం విశేషం.