Thottambedu

సాక్షి, తిరుపతి: తిరుపతి జిల్లాలో సభ్యసమాజం తలదించుకునే ఘటన చోటుచేసుకుంది. తీసుకున్న అప్పు తిరిగి చెల్లించలేదనే కారణంతో ఓ ఆరు నెలల పసికందును అపహరించిన ఘటన స్థానికంగా తీవ్ర కలకలం రేపింది. శ్రీకాళహస్తి ప్రాంతంలోని తొట్టంబేడు మండలం శివనాథపాలెంలో ఈ అమానవీయ ఘటన వెలుగులోకి వచ్చింది.వివరాల్లోకి వెళ్తే.. ఓ కుటుంబం వారి అవసరాల రీత్యా ఇతరుల వద్ద రూ.1.50 లక్షలు అప్పుగా తీసుకున్నట్లు తెలుస్తోంది. అయితే అప్పు తిరిగి చెల్లించకపోవడంతో పాటు ఐదు రూపాయల వడ్డీ వ్యవహారమే ఈ ఘటనకు కారణమని ఆరోపణలు వినిపిస్తున్నాయి. కాగా అప్పు వసూలు చేసుకునేందుకు వచ్చిన వ్యక్తి ఇంట్లోకి చొరబడి ఆరు నెలల చిన్నారిని ఎత్తుకెళ్లినట్లు తల్లిదండ్రులు ఆరోపించారు.దీంతో చిన్నారి తల్లిదండ్రులు వెంటనే డయల్ 100కు ఫోన్ చేసి పోలీసులకు ఫిర్యాదు చేశారు. సమాచారం అందుకున్న పోలీసులు రంగంలోకి దిగి విచారణ చేపట్టారు. పోలీసుల జోక్యంతో నిందితులు చిన్నారిని తల్లి ఇంటి సమీపంలో వదిలేసి వెళ్లినట్లు సమాచారం. దీంతో పసికందు సురక్షితంగా తల్లిదండ్రుల చెంతకు చేరింది. అప్పు వసూలు కోసం ఆరు నెలల చిన్నారిని అపహరించడంపై స్థానికులు తీవ్ర ఆగ్రహం వ్యక్తం చేస్తున్నారు. ఇదీ చదవండి: రసగుల్లా అంటూ బాంబు చేతిలో పెట్టాడు

తొట్టంబేడు: కోడిపెట్ట గుడ్లు పెట్టడం సృష్టి ధర్మం. ఇక్కడ విచిత్రంగా కోడిపుంజు గుడ్లు పెట్టి, పిల్లలు పొదిగింది. చిత్తూరు జిల్లా తొట్టంబేడు మండలంలోని పెద్దకన్నలి ఎస్టీ కాలనీలోని సుబ్రమణ్యంరెడ్డి ఇంట్లో 4 కోళ్లతో పాటు ఒక పుంజు ఉంది. ఈ కోడి పుంజు ఐదు గుడ్లు పెట్టింది. ఇదేంటి గుడ్లు పెడుతోందని యజమాని ఆశ్చర్యపోయాడు. అయితే ఏం చేస్తుందో చూడాలని, ఆ గుడ్లు తీసుకెళ్లి పుంజు కిందపెట్టడంతో అది 5 పిల్లలను పొదిగింది. ప్రస్తుతం ఆ పుంజు పిల్లలను కంటికి రెప్పలా కాపాడుకుంటోంది. ఈ విషయం తెలుసుకున్న గ్రామస్తులు ఆ కోడిపుంజును, పిల్లలను చూసి వెళ్తున్నారు. అయితే పుంజు గుడ్లు పెట్టడంపై వెటర్నరీ అధికారి వీరభద్రరెడ్డి వివరణ ఇచ్చారు. జన్యుపరమైన కారణాలతో ఇలా అరుదుగా ఇలాంటి ఘటనలు జరుగుతాయని తెలిపారు.


 చిత్తూరు: చిత్తూరు జిల్లా తొట్టంబేడులో దారుణం చోటు చేసుకుంది. చేతబడి పేరుతో యువతిని మంత్రగాడు మునిరెడ్డి లోబర్చుకున్నాడు. దాదాపు రెండు నెలల పాటు వైద్యం పేరిట అతడి నుంచి యువతి వేధింపులకు గురి అవుతుంది. ఆ విషయం యువతి తల్లిదండ్రులకు తెలిసింది. దీంతో వారు పోలీసులను ఆశ్రయించేందుకు ప్రయత్నించారు. ఇంతలో గ్రామ పెద్దలు రంగంలోకి దిగి.. పోలీసులకు ఫిర్యాదు చేయవద్దంటూ ఆదేశించారు. దీంతో తల్లిదండ్రులు కన్నీరుమున్నీరు అవుతున్నారు.