swadhar Home

విశాఖపట్నం: స్వధార్‌ హోమ్స్‌లో వరుస అదృశ్యాలు కలకలం రేపుతున్నాయి. తాజాగా ఆరిలోవ కేంద్రం నుంచి ఐదుగురు యువతులు మాయమవడం, గతంలోనూ ఇలాంటి ఘటనలు పునరావృతం కావడం రక్షణ కేంద్రాల భద్రతపై తీవ్ర ప్రశ్నలను లేవనెత్తుతోంది. కోర్టు ఆదేశాలతో సంరక్షణలో ఉండాల్సిన మహిళలే సురక్షిత ప్రాంతాల నుంచి పారిపోతుంటే, నిర్వాహకుల వైఫల్యం ఏపాటిదో స్పష్టమవుతోంది. కిటికీ గ్రిల్లులు తొలగించి వెళ్లిపోయామనే సాకులతో సరిపెట్టకుండా, ఈ వరుస ఘటనలకు అసలు కారణమేమిటి? లోపలి పరిస్థితులు ఎలా ఉన్నాయి? అనే కోణంలో పోలీసులు కూపీ లాగాల్సిన అవసరం ఎంతైనా ఉంది. కేసులు నమోదు చేసి చేతులు దులుపుకోవడం కాకుండా, బాధ్యులపై కఠిన చర్యలు తీసుకుని మహిళల భద్రతకు భరోసా కల్పించాల్సిన బాధ్యత యంత్రాంగంపై ఉంది. గత ఘటనల నుంచి గుణపాఠం లేదా? ఆరిలోవ, పెందుర్తి స్వధార్‌ హోమ్‌ల నుంచి గతంలోనూ యువతులు అదృశ్యమైన ఘటనలు నమోదయ్యాయి. అయినప్పటికీ ఇలాంటి సంఘటనలు పునరావృతం కావడం భద్రతా ఏర్పాట్లు, పర్యవేక్షణపై ప్రశ్నలు లేవనెత్తుతోంది. గత కేసుల దర్యాప్తు ఎక్కడిదాకా వచ్చింది? అదృశ్యమైన వారిలో ఎంతమంది ఆచూకీ లభించింది? భద్రతా లోపాలు గుర్తించి సరిదిద్దారా? బాధ్యులపై చర్యలు తీసుకున్నారా? అనే అంశాలపై స్పష్టత అవసరం. న్యాయస్థానాల ఆదేశాలతో రక్షణ కోసం ఉంచిన మహిళలే హోమ్‌ల నుంచి అదృశ్యమవుతుండటం ఆందోళన కలిగిస్తోంది. ప్రతి ఘటనను విడివిడిగా కాకుండా, వరుస ఘటనల వెనుక ఏవైనా ఉమ్మడి కారణాలున్నాయా అనే కోణంలోనూ సమగ్రంగా దర్యాప్తు చేయాల్సిన అవసరం ఉంది. నిర్వాహకుల బాధ్యత లే? స్వధార్‌ హోమ్‌ల నుంచి మహిళలు అదృశ్యమైన ప్రతిసారీ నిర్వాహకులు పోలీసులకు ఫిర్యాదు చేస్తున్నారు. అయితే, మహిళలు పదేపదే అదృశ్యమవుతున్న నేపథ్యంలో భద్రతా ఏర్పాట్లు, సిబ్బంది పర్యవేక్షణ, రాత్రి నిఘాపై సమగ్ర విచారణ అవసరం. మహిళలు వెళ్లిపోయారని ఫిర్యాదు చేయడంతో నిర్వాహకుల బాధ్యత ముగిసిపోదు. అదే సమయంలో, ఆధారాలు, రికార్డులు, సిబ్బంది వాంగ్మూలాల ఆధారంగా వాస్తవాలను నిర్ధారించి, నిర్లక్ష్యం ఉంటే బాధ్యులపై చర్యలు తీసుకోవాలి. గతంలోనూ బంగ్లాదేశ్‌ యువతి అదృశ్యం గతంలో పోలీసులకు వాట్సాప్‌ ద్వారా అందిన ఫిర్యాదు ఆధారంగా ఓ బంగ్లాదేశ్‌ యువతిని గుర్తించి రక్షించిన ఘటన చర్చనీయాంశమైంది. న్యాయస్థానం ఆదేశాల మేరకు ఆమెను స్వధార్‌ హోమ్‌కు తరలించిన సమయంలోనే, ఆమెతో పాటు మరో ఇద్దరు మహిళలు హోమ్‌ నుంచి అదృశ్యమైనట్లు వార్తలు వెలువడ్డాయి. ఈ పరిణామం అప్పట్లో పలు అనుమానాలకు, ప్రశ్నలకు తావిచ్చింది.ఇలాంటి ఘటనలు గతంలో చోటుచేసుకున్న నేపథ్యంలో అధికారులు ఎలాంటి సమీక్షలు నిర్వహించారు? స్వధార్‌ హోమ్‌లలో భద్రతా లోపాలను గుర్తించారా? అదృశ్యమైన మహిళల ఆచూకీ కోసం ఎలాంటి చర్యలు చేపట్టారు? దర్యాప్తులో ఏ అంశాలు వెలుగులోకి వచ్చాయి? అన్న విషయాలను ప్రజలకు స్పష్టంగా వెల్లడించాల్సిన అవసరం ఉంది.గత ఘటనలపై పూర్తి స్థాయిలో స్పష్టత రాకముందే ఇలాంటి పరిణామాలు పునరావృతమవుతుంటే, సమస్య మూలాలను గుర్తించడంలో వ్యవస్థ ఎక్కడ విఫలమవుతోందన్న ప్రశ్నలు తలెత్తుతున్నాయి. భవిష్యత్తులో ఇలాంటి ఘటనలు జరగకుండా పటిష్టమైన చర్యలు తీసుకోవాల్సిన అవసరం ఉంది. కోర్టు ఆదేశాలకే విలువ లేదా? స్వధార్‌ హోమ్‌లు కేవలం ఆశ్రయం కలి్పంచే కేంద్రాలు మాత్రమే కావు. రక్షణ అవసరమైన మహిళలకు భద్రత, సంరక్షణ అందించాల్సిన బాధ్యత వాటిపై ఉంది. న్యాయస్థానాల ఆదేశాల మేరకు అక్కడ ఉంచిన మహిళలే అదృశ్యమవుతుండటం ఆదేశాల అమలు, పర్యవేక్షణ వ్యవస్థపై ప్రశ్నలు లేవనెత్తుతోంది. మహిళలను హోమ్‌లకు తరలించిన తర్వాత వారి భద్రతను ఎవరు పర్యవేక్షిస్తున్నారు? సంబంధిత అధికారులు ఎప్పటికప్పుడు తనిఖీలు నిర్వహిస్తున్నారా? గత ఘటనలపై తీసుకున్న చర్యలేమిటి? అన్నది స్పష్టంగా తెలియాల్సి ఉంది. 55కు పైగా కేసులు.. ఆచూకీ ఎక్కడ? గత రెండేళ్లలో నగరవ్యాప్తంగా మహిళల అదృశ్యానికి సంబంధించి 55కు పైగా కేసులు పెండింగ్‌లో ఉన్నట్లు సమాచారం. ఇందులో స్వధార్‌ హోమ్‌లకు సంబంధించిన కేసులెన్ని? ఎంతమంది మహిళలను గుర్తించారు? ఇంకా ఎన్ని కేసులు పరిష్కారం కాలేదు? అన్న వివరాలపై స్పష్టత రావాల్సి ఉంది. అదృశ్యం కేసుల దర్యాప్తు పురోగతి, పెండింగ్‌కు కారణాలను సమీక్షించి, మహిళల ఆచూకీ కోసం ప్రత్యేక చర్యలు చేపట్టాల్సిన అవసరం ఉంది. ముఖ్యంగా స్వధార్‌ హోమ్‌ల ఘటనలపై సమగ్ర పరిశీలన జరగాలి.ఐదుగురు ఎలా మాయమయ్యారు? ఆరిలోవ పోలీస్‌స్టేషన్‌ పరిధిలోని పైనాపిల్‌ కాలనీలో ఉన్న స్వధార్‌ హోమ్‌ నుంచి ఐదుగురు యువతులు అదృశ్యం కావడం తాజా సంచలనం. గత సోమవారం రాత్రి కిటికీ గ్రిల్స్‌ తొలగించి వారు బయటకు వెళ్లిపోయినట్లు హోమ్‌ నిర్వాహకులు పోలీసులకు ఫిర్యాదు చేశారు. అదృశ్యమైన వారిలో భారతదేశానికి చెందినవారితోపాటు బంగ్లాదేశ్‌కు చెందినవారు కూడా ఉన్నట్లు సమాచారం. ఘటనపై కేసు నమోదు చేసిన పోలీసులు ఐదు ప్రత్యేక బృందాలతో గాలింపు చేపట్టారు. అయినప్పటికీ, వారి ఆచూకీ లభించలేదు. అయితే ఈ ఘటనలో సమాధానం కావాల్సిన ప్రశ్నలు చాలానే ఉన్నాయి. భద్రతా పర్యవేక్షణలో ఉండాల్సిన హోమ్‌ నుంచి ఐదుగురు ఒకేసారి ఎలా బయటకు వెళ్లగలిగారు? కిటికీ గ్రిల్లు తొలగించే వరకు సిబ్బంది గుర్తించలేదా? రాత్రివేళ పర్యవేక్షణ ఎలా ఉంది? ఘటన జరిగిన వెంటనే చేపట్టిన చర్యలేమిటి? అదృశ్యమైన వారి ఆచూకీ కోసం జరుగుతున్న గాలింపులో పురోగతి ఎంత? ఈ ప్రశ్నలకు స్పష్టమైన సమాధానాలు రావాల్సి ఉంది. కేవలం ఫిర్యాదు నమోదు చేసి గాలింపు చేపట్టామని చెప్పడం కాకుండా, ఘటనకు దారితీసిన పరిస్థితులపై సమగ్ర విచారణ జరగాల్సిన అవసరం ఉంది.

సాక్షి, వరంగల్‌: వరంగల్‌ కాశిబుగ్గలోని స్వధార్‌ హోం నుంచి వేర్వేరుగా ఒక బాలిక, ఒక యువతి పరారయ్యారు. ఈ ఘటనపై హోం నిర్వహకులు వనం బాలరాజు ఆదివారం ఇంతెజార్‌గంజ్‌ పోలీస్‌ స్టేషన్‌లో ఫిర్యాదు చేశారు. ఆదివారం ఇంతెజార్‌గంజ్‌ ఇన్‌స్పెక్టర్‌ మల్లేశ్‌ తెలిపిన వివరాల ప్రకారం నెక్కొండ మండలం గొల్లకొండకు చెందిన భూక్య భానుశ్రీ(15), హనుమకొండ జిల్లా హసనపర్తి మండలం వంగపహడ్‌కు చెందిన ముస్కు మీనా(22) గత కొద్ది రోజులుగా కాశిబుగ్గలోని స్వధార్‌ హోంలో ఉంటున్నారు. ఈ క్రమంలో శుక్రవారం మధ్యాహ్నం భాను శ్రీ వాష్‌ రూమ్‌కు వెళ్లి వస్తానని చెప్పి హోంలోని పై రూమ్‌కి వెళ్లింది. చదవండి: కమిషనర్‌ సీవీ ఆనంద్‌ కీలక ఆదేశాలు.. ఎక్కడికక్కడ ఎత్తేస్తారిక!  చాలా సేపయ్యినా కిందకు రాకపోవడంతో హోం వాచ్‌ ఉమెన్‌ పైకి వెళ్లి చూసినా కనిపించలేదు. అలాగే శనివారం రాత్రి ముస్కు మీనా కూడా వాష్‌ రూమ్‌కి వెళ్తున్నాని చెప్పి పైకి వెళ్లింది. తను కూడా తిరిగి రాకపోవడంతో వాచ్‌ ఉమెన్‌ వెళ్లి పరిశీలించగా.. ఆమె కనపడలేదు. హోమ్‌ నిర్వహకులు పరిసర ప్రాంతాలు వెతికినా వారి ఆచూకీ తెలియకపోవడంతో ఆదివారం స్టేషన్‌కు వచ్చి ఫిర్యాదు చేసినట్లు తెలిపారు. హోమ్‌ నిర్వాహకుల ఫిర్యాదు మేరకు మిస్సింగ్‌ కేసు నమోదు చేసి దర్యాప్తు చేస్తున్నట్లు సీఐ మల్లేశ్‌ తెలిపారు.  చదవండి: మరో మహిళతో వివాహేతర సంబంధం.. సుపారీ ఇచ్చి భర్తను

సాక్షి, తూర్పుగోదావరి : రాజమండ్రి బొమ్మూరులోని స్వాధార్‌ గృహం వార్డెన్‌ అరుణ, వాచ్‌మెన్‌ రెడ్డిబాబును విధుల నుంచి తొలగించామని ఆంధ్రప్రదేశ్‌ మహిళా శిశు సంక్షేమశాఖ మంత్రి తానేటి వనిత పేర్కొన్నారు. జిల్లాలోని బొమ్మూరులో స్వాధార్‌ గృహంలో వాచ్‌మెన్‌ నలుగురు యువతులపై అఘాయిత్యాలకు పాల్పడ్డాడు. వాచ్‌మెన్‌ వేధింపులు ఎక్కువవ్వడంతో తీవ్ర మనో వేదనకు గురైన బాధితులు రెడ్డిబాబు చర్యలపై పోలీసులకు ఫిర్యాదు చేశారు. స్వాధార్ గృహంలో యువతులపై వాచ్మెన్ అఘాయిత్యాలకు పాల్పడిన ఘటనపై మంత్రి తానేటి వనిత, ఎంపీ భరత్‌ స్పందించారు. ఘటన బాధిత యువతులను, మహిళలను ప్రభుత్వాస్పత్రిలో బుధవారం పరామర్శించారు. (ఇప్పటి వరకు 10 వేల ఇళ్లు అందించాం: తలసాని) ఈ సందర్భంగా తానేటి వనిత మాట్లాడుతూ.. మేనేజర్‌ రమణాశ్రీని సస్పెండ్‌ చేశామని, బాధితులైన నలుగురు అమ్మాయిలతో మరో నలుగురిని వేరే స్టేట్‌ హోంకు తరలిస్తామని తెలిపారు. స్వాధార్‌ గృహంలో సీసీ కెమెరాలను వాచ్‌మెన్‌, వార్డెన్‌ కలిసి నిలిపి వేశారని పేర్కొన్నారు. వాచ్‌మెన్‌ రెడ్డిబాబును అరెస్ట్‌ చేశామన్నారు. మహిళలందరూ ధైర్యంగా, భరోసాగా ఉండేందుకే దిశ చట్టాన్ని తీసుకు వచ్చామని తెలిపారు. (కరోనా కాటు, ఓలా ఉద్యోగులపై వేటు)

విజయనగరం ఫోర్ట్‌ :  వివక్ష గురైన మహిళలు, నిరాదరణకు గురైన మహిళల కోసం స్వధార్‌ హోమ్‌ ఏర్పాటు చేసినట్టు జిల్లా పరిషత్‌ చైర్‌పర్సన్‌ శోభాస్వాతిరాణి తెలిపారు. స్థానిక మహిళా ప్రాంగణంలో సోమవారం నూతనంగా ఏర్పాటు చేసిన స్వధార్‌ హోమ్‌ను ఆమె ప్రారంభించారు. ఈ సందర్భంగా మాట్లాడుతూ స్వధార్‌ హోమ్‌లో ఉన్న మహిళలకు భోజనం, వసతి, కౌన్సెలింగ్, రక్షణ, వైద్యం, న్యాయసహాయం అందిస్తారని తెలిపారు. కార్యక్రమంలో విజయనగరం ఎమ్మెల్యే మీసాలగీత, మున్సిపల్‌ చైర్మన్‌ ప్రసాదుల రామకృష్ణ, ఐసీడీఎస్‌ పీడీ రాబర్ట్స్, ఏపీడీ వసంత బాల, ప్రాంగణం జిల్లా మేనేజర్‌ కె.నీలిమ తదితరులు పాల్గొన్నారు.


 -గంటసేపు నరక యాతన
 -స్థానికంగా ఉండని సిబ్బంది
 -ఆలస్యంగా వెలుగు చూసిన ఘటన
 ఇందూరు
  నిజామాబాద్ జిల్లా కేంద్రంలోని గౌతంనగర్‌లో గల ఐసీడీఎస్ శాఖకు చెందిన స్వధార్ హోంలో పద్నాలుగేళ్ల బాలిక బిడ్డను ప్రసవించిన ఘటన ఆలస్యంగా వెలుగు చూసింది. నేలపై బిడ్డను ప్రసవించి గంటకుపైగా నరక యాతన అనుభవిస్తుంటే పట్టించుకునే వారే కరువయ్యారు. పట్టించుకుందామంటే అందులో ఉన్నవారంతా బాలికలే. ఏం జరుగుతుందో తెలియక షాక్‌కు గురయ్యారు. అయితే ఒక్క పక్క బాలిక బిడ్డను ప్రసవించి స్పృహ కోల్పోయే స్థితికి చేరుకుంది.
  
 మరో పక్క పుట్టిన బిడ్డ ఆరోగ్య పరిస్థితి ఎలా ఉందో తెలియదు. పుట్టిన బిడ్డ, బాలిక పరిస్థితి విషమిస్తుందనే సమయానికి సమాచారం అందుకున్న ఐసీడీఎస్ అధికారులు స్వధార్ హోంకు చేరుకుని 108 వాహనంలో జిల్లా ప్రభుత్వాసుపత్రికి తరలించి వైద్యాన్ని అందించారు. మరో అరగంట ఆలస్యం జరిగితే బాలికకు, పుట్టిన బిడ్డకు ఇన్‌ఫెక్షన్ సోకి ప్రాణాలు కోల్పోయే వారని వైద్యులు పేర్కొన్నట్లు తెలిసింది.
  
 ఒక పక్క ప్రసవాలు ప్రభుత్వాసుపత్రిలోనే జరపాలని జిల్లా కలెక్టర్ యోగితా రాణా చెబుతుంటే.. ఇలా ఎక్కడో ఒక చోట అధికారుల నిర్లక్ష్యం బయటపడుతోంది. అయితే స్వధార్ హోంలో జరిగిన ప్రసవం మామూలు విషయం కాదు. 14 ఏళ్ల బాలిక, అది కూడా ఏడవ నెలలోనే ప్రసవించడం చాల ఆందోళనకరమైన పరిస్థితి. బాధిత బాలికల బాగోగులు చూడాల్సిన నిర్వాహకులు స్థానికంగా లేకపోవడం, జరిగిన విషయంపై ఐసీడీఎస్ అధికారులు నిర్వాహకులపై చర్యలు తీసుకుకోండా పట్టింపులేనట్లుగా వ్యవహరించడం పలు విమర్శలకు దారి తీస్తోంది.
  
 ఇంత జరిగినా జిల్లా కలెక్టర్ దృష్టికి ఈ విషయాన్ని తీసుకువెళ్లకపోవడం విశేషం! స్వధార్ హోం పర్యవేక్షకురాలిని సాక్షి’ ఫోన్‌లో సంప్రదించగా బాలిక జిల్లా ఆసుపత్రిలో ప్రసవించిందని చెప్పడం కొసమెరుపు. అలాగే స్వధార్ హోం నిర్వహకులను ఫోన్‌లో సంప్రదించగా జరిగిందేదో జరిగింది, విషయాన్ని పెద్దదిగా చేయవద్దని చెప్పడం మరో గమనార్హం. అసలు విషయం .. బోధన్ మండలం అమ్ధాపూర్ గ్రామానికి చెందిన 7వ తరగతి చదువుతున్న 14 ఏళ్ల బాలికను ఓ యువకుడు పెళ్లి చేసుకుంటానని నమ్మించి మోసం చేశాడు. బాలిక గర్భవతి కావడంతో ఆమె కుటుంబ సభ్యుల ఫిర్యాదు మేరకు యువకుడిపై పోలీసులు నిర్భయ కేసును నమోదు చేశారు. వైద్య పరీక్షలు నిర్వహించిన వైద్యులు అప్పటికే బాలికకు మూడవ నెల అని నిర్ధారించారు.
  
 ఈ సమయంలో అబార్షన్ చేయడం బాలికకు ప్రమాదమని తెలుపడంతో, బాలిక కడుపులో గర్భాన్ని అలాగే ఉంచారు. ఐసీడీఎస్ అధికారులు బాలికకు స్వధార్ హోంలో ఆశ్రయం కల్పించారు. బాలికకు సెప్టెంబర్‌కు తొమ్మిది నెలలు నిండుతాయని, అప్పుడే ప్రసవం చేయాలని వైద్యులు సూచించారు. అయితే బాలిక ఏడవ నెల గర్భంలోనే జూలై 21న ఉదయం 6 గంటలకు స్వధార్ హోంలోనే బిడ్డను ప్రసవించింది. నొప్పులతో బాలిక అరుస్తుంటే ఏం చెయ్యాలో తోచని స్థితిలో తోటి బాలికలు ఉండిపోయారు. స్థానికంగా ఉండాల్సిన స్వధార్ హోం నిర్వాహకులు, సూపరింటెండెంట్, కౌన్సిలర్, ఇతర సిబ్బంది అందుబాటులో లేరు. బాలిక అక్కడే నేలపై బిడ్డను ప్రసవించింది.