టాలీవుడ్ హీరో, మాచో స్టార్ గోపిచంద్ ప్రస్తుతం వెంకట్ డైరెక్షన్‌లో నటిస్తున్నారు. వీరిద్దరి కాంబోలో యాక్షన్‌ మూవీ తెరకెక్కిస్తున్నారు. ఇవాళ గోపీచంద్ బర్త్‌ డే కావడంతో మేకర్స్ క్రేజీ అప్‌డేట్‌ ఇచ్చారు. ఈ సినిమా టైటిల్‌ అనౌన్స్ చేశారు. ఈ చిత్రానికి సింగ అనే పవర్‌ఫుల్ టైటిల్ ఖరారు చేశారు.ఈ విషయాన్ని తెలియజేస్తూ టైటిల్ గ్లింప్స్ రిలీజ్ చేశారు. ఈ గ్లింప్స్ వీడియోలో సుత్తి చేతిలో పట్టుకుని గోపిచంద్‌ కనిపించారు. ఈ చిత్రంలో గోపిచంద్ సరసన అనార్కలి నాజర్ హీరోయిన్‌గా కనిపించనుంది. ఈ మూవీని 70ఎంఎం ఎంటర్‌టైన్‌మెంట్స్‌ బ్యానర్‌లో విజయ్ చిల్లా, శశి దేవిరెడ్డి నిర్మిస్తున్నారు. ప్రస్తుతం ఈ సినిమా షూటింగ్ శరవేగంగా జరుగుతోంది. ఈ చిత్రానికి శ్యామ్ సీఎస్ సంగీతమందిస్తున్నారు.