Sanitation facilities

న్యూఢిల్లీ: 80 ఏళ్ల స్వాతంత్య్ర భారతం... స్థూల జాతీయోత్పత్తిలో మూడు శాతం వ్యయం. అయినా కూడా సరైన పారిశుద్ధ్య సౌకర్యాలు లేని దేశాల జాబితాలో తొలిస్థానం! ప్రపంచ ఆరోగ్య సంస్థ, యునిసెఫ్‌ల జాయింట్‌ మానిటరింగ్‌ ప్రోగ్రామ్‌ తేల్చిన నిషూ్టర సత్యమిది! బడుల్లో పారిశుద్ధ్య సౌకర్యాల లేమితో ఇబ్బంది పడుతున్న 24.4 కోట్ల మంది పిల్లల్లో ఐదో వంతు.. అంటే సుమారు ఐదు కోట్ల మంది భారత్‌లోనే ఉన్నారని ‘‘ప్రోగ్రెస్‌ ఆన్‌ డ్రింకింగ్‌ వాటర్, శానిటేషన్‌ అండ్‌ హైజీన్‌ ఇన్‌ స్కూల్స్‌ 2015– 2025’నివేదిక తెలిపింది. నెజీరియాలో ఈ సంఖ్య 3.4 కోట్లు కాగా, ఇథియోపియాలో 2.6 కోట్లు, డెమొక్రటిక్‌ రిపబ్లిక్‌ ఆఫ్‌ కాంగోలో 1.1 కోటి, ఇండొనేసియాలో 80 లక్షలని అని ఈ నివేదిక తెలిపింది. అంతే కాకుండా 2015– 2025 మధ్యకాలంలో దేశవ్యాప్తంగా పారిశుద్ధ్య సౌకర్యాల్లేని బడులు 14 శాతం వరకూ తగ్గినట్లు తెలిపింది. తాగునీటి సేవలంటే బడిలో పనిచేసే నీటి వనరు ఉండటమని, కనీస పారిశుద్ధ్య సౌకర్యం ఆడ, మగ పిల్లలు వేర్వేరుగా ఉపయోగించుకునేందుకు అవకాశం (మరుగుదొడ్లు, బాత్రూములు) కల్పించాలి. వ్యక్తిగత పరిశుభ్రతను కాపాడుకునేందుకు చేతులు కడుక్కునే ఏర్పాట్లు, సబ్బు, నీరు అందబాటులో ఉండాలని నిర్వచించి ఈ సర్వే జరిపారు. వ్యక్తిగత పరిశుభ్రత విషయానికి వస్తే దేశంలో కనీసం రెండు కోట్ల మంది బడి పిల్లలకు ఎలాంటి సౌకర్యాలూ అందుబాటులో లేవని ఈ నివేదిక వెల్లడించింది. తాగునీటి విషయంలో భారత్‌ కొంత మెరుగ్గా ఉందని, ఈ కనీస అవసరం కూడా లేని బడి పిల్లల సంఖ్య కోటీ ఇరవై లక్షలు మాత్రమేనని తెలిపింది. సర్వే కాలంలో ఏటా నాలుగు శాతం చొప్పున పెరుగుదల నమోదైందని వివరించింది.

న్యూఢిల్లీ: దేశంలో పారిశుధ్య వసతులను మెరుగుపరిచేందుకు కట్టుబడి ఉన్నామని ప్రధాని మోదీ పునరుద్ఘాటించారు. మరుగుదొడ్లు, మూత్రశాలల నిర్మాణంలో పాలుపంచుకుంటున్న వారి సేవలను కొనియాడారు. ప్రపంచ టాయిలెట్‌ డే(నవంబర్‌ 19) సందర్భంగా ఆదివారం మోదీ ట్వీటర్‌లో స్పందిస్తూ...‘వరల్డ్‌ టాయిలెట్‌ డే సందర్భంగా దేశవ్యాప్తంగా పారిశుధ్య వసతులను మెరుగుపరిచేందుకు కట్టుబడి ఉన్నామని పునరుద్ఘాటిద్దాం. టాయిలెట్లు నిర్మిస్తున్న వ్యక్తులు, సంస్థలకు అభినందనలు. వారి విలువైన సహకారం స్వచ్ఛ భారత్‌ మిషన్‌కు తిరుగులేని శక్తినిస్తోంది’ అని పేర్కొన్నారు. 


 సంగారెడ్డి అర్బన్:  పారిశుద్ధ్య వసతుల కల్పనలో జిల్లాను రాష్ట్రంలోనే ఆదర్శంగా నిలపాలని నీటిపారుదల శాఖ మంత్రి హరీష్‌రావు అన్నారు. గురువారం కలెక్టరేట్ ఆడిటోరియంలో యూనిసెఫ్, మెడ్వాన్ సంస్థల ఆధ్వర్యంలో ఏర్పాటు చేసిన జిల్లా స్థాయి నీరు, పారిశుద్ధ్య సమన్వయ సమావేశానికి మంత్రి ముఖ్యఅతిథిగా హాజరై మాట్లాడారు. రాజధానికి దగ్గర్లో ఉన్న జిల్లాలో మురుగుదొడ్లు లేని నివాసాలు 60 శాతం ఉండటం బాధాకరమన్నారు. సిద్దిపేట నియోజక వర్గంలో పారిశుద్ధ్య వసతులైన వ్యక్తిగత మరుగుదొడ్ల నిర్మాణం 90 శాతం పూర్తి చేశామని, అదే స్ఫూర్తితో జిల్లాలోని మిగతా అన్ని నియోజక వర్గాలలో కూడా వంద శాతం పారిశుద్ధ్య వసతులు కల్పించడానికి అందరు సమిష్టిగా కృషి చేయాల్సిన అవసరం ఉందన్నారు.
 
 అందరి సమన్వయంతో ప్రత్యేక డ్రైవ్ చేపట్టి వ్యక్తి గత మరుగుదొడ్ల నిర్మాణానికి కృషిచేయాలన్నారు. జిల్లాలో ఆరోగ్యం, విద్య, నీరు, పారిశుద్ధ్యం మీద సర్వే నివేదిక ఇవ్వాలని, దాని ఆధారంగా జిల్లాను ఈ విషయంలో మరింత మెరుగుపర్చేందుకు ప్రభుత్వం కృషిచేస్తోందన్నారు. యూనిసెఫ్ చీఫ్ రుత్ లిమానో మాట్లాడుతూ, జిల్లాలో  నీరు , పారిశుద్ధ్య వసతుల కల్పనకు ఎల్లవేళలా సహకరిస్తామన్నారు. అనంతరం మంత్రి యూనిసెఫ్ ఆధ్వర్యంలో చేపట్టిన ఫొటోగ్రఫీ వర్క్ షాప్‌లో పాల్గొన్న 11 మంది బాల రిపోర్టర్‌లకు డిజిటల్ కెమెరాలను అందజేశారు. కార్యక్రమంలో జిల్లా పరిషత్ చైర్‌పర్సన్ రాజమణి, జిల్లా కలెక్టర్ రాహుల్ బొజ్జా, సంగారెడ్డి ఎమ్మెల్యే చింతా ప్రభాకర్ , మాజీ ఎమ్మెల్సీ సత్యనారాయణ, మెడ్వాన్ ప్రెసిడెంట్ మనోహర్, యూనిసెఫ్ కన్సల్టెంట్ సుధాకర్‌రెడ్డి తదితరులు పాల్గొన్నారు.