హైదరాబాద్: అంతర్జాతీయ యోగా దినోత్సవం సందర్భంగా ఎల్బీ నగర్ సహారా ఎస్టేట్స్లో ఆదివారం అపశ్రుతి చోటు చేసుకుంది. యోగా దినోత్సవం సందర్భంగా డా. వీరారెడ్డి యోగా చేస్తు కుప్పకూలిపోయారు. స్థానికులు వెంటనే స్పందించి ఆయన్ని నగరంలోని ఆసుపత్రికి తరలించారు. అయితే వీరారెడ్డి మార్గమధ్యంలోనే మరణించారని వైద్యులు వెల్లడించారు. దీంతో వీరారెడ్డి నివాస పరిసర ప్రాంతాల్లో విషాద ఛాయలు అలముకున్నాయి. డా. వీరారెడ్డి నగరంలోని ప్రభుత్వ ఆయుర్వేద ఆస్పత్రిలో వైద్యునిగా సేవలందిస్తున్నారు.


 
 హైదరాబాద్ సిటీ: తాళం వేసి ఉన్న ఇళ్లే లక్ష్యంగా చెలరేగిన దొంగలు నగరంలోని సహారా ఎస్టేట్స్‌లో 10 ఇళ్లు దోచుకున్నారు. ఈ సంఘటన గురువారం రాత్రి వనస్థలిపురం పోలీస్ స్టేషన్ పరిధిలోని సహారా ఎస్టేట్స్‌లో జరిగింది. గుర్తుతెలియని దుండగులు కాలనీలో తాళం వేసి ఉన్న 10 ఇళ్లకు రంధ్రాలు చేసి చోరీకి పాల్పడ్డారు.
 శుక్రవారం ఇది గమనించిన కాలనీవాసులు పోలీసులకు సమాచారం అందించారు. సంఘటనా స్థలానికి చేరుకున్న పోలీసులు క్లూస్ టీంల సహాయంతో ఆధారాల కోసం గాలిస్తున్నారు. కాగా, తాళం వేసి ఉన్న ఇంటి యజమానులు వస్తేనే ఎంత మొత్తంలో దొంగతనం జరిగిందో తెలుస్తుందని పోలీసులు చెప్పారు.