‘అతనో 420. పెద్ద దొంగతనాలు చేయడు. చిన్న జేబు దొంగ. ఫ్రెండ్స్‌తో కలిసి పర్సులు కొట్టేసి జీవితాన్ని జాలీగా గడిపేస్తుంటాడు. ఆ టైమ్‌లో అనుకోకుండా ఓ సమస్యలో చిక్కుకుంటాడు. దాన్నుంచి ఎలా బయటపడ్డాడు?’ అనే కథతో తెరకెక్కిన చిత్రం ‘మిస్టర్ 420’. వరుణ్ సందేశ్, ప్రియాంకా భరద్వాజ్ జంటగా ఎస్‌ఎస్ రవికుమార్ దర్శకత్వంలో గజ్జల హరి కుమార్‌రెడ్డి నిర్మించిన ఈ చిత్రం ఈ నెల 30న రిలీజ్ కానుంది. ‘‘ఇందులో చిల్లర దొంగగా కనిపిస్తా. ప్రేమలో పడ్డాక నా లైఫ్ ఎలా టర్న్ అవుతుంది? అనేది సినిమా. ప్రస్తుతం రామ్మూర్తి దర్శకత్వంలో ఓ చిత్రం, రాఘవేంద్రరావు గారి శిష్యుడు సత్య నారాయణగారి డెరైక్షన్‌లో మరో చిత్రం చేస్తున్నా’’ అని వరుణ్ సందేశ్ చెప్పారు.