వర్క్‌ ఫ్రం హోం విధానంలో పని చేస్తున్న బెంగళూరుకు చెందిన ఓ సాఫ్ట్‌వేర్‌ ఇంజినీర్ ఇటీవల సామాజిక మాధ్యమంలో పోస్ట్‌ చేసిన కథనం వైరల్‌గా మారింది. రిక్రూట్‌మెంట్‌ సమయంలో పూర్తిస్థాయి వర్క్‌ ఫ్రం హోం అని చెప్పిన కంపెనీ సడెన్‌గా ఫిజికల్‌గా ఆఫీస్‌కు రావాలని ఆదేశించినట్లు అందులో రాసుకొచ్చారు. అయితే మేనేజర్‌ కావాలనే ఇలా తనను వేదిస్తున్నట్లు చెప్పారు. తాను ఉంటున్న ప్రాంతం ఆఫీస్‌కు 300 కి.మీ ఉండడంతో సదరు ఉద్యోగి తీవ్ర ఆందోళన చెందుతున్నట్లు తెలిపారు.‘రిక్రూట్‌మెంట్‌ సమయంలో పర్మనెంట్‌ వర్క్‌ ఫ్రం హోం అన్నారు. నేను కంపెనీలో చేరి ఇప్పటికి ఏడాది గడిచిపోయింది. నేను ప్రస్తుతం ఉంటున్న ప్రాంతం మా ఆఫీస్‌కు 300 కి.మీ. ఇప్పటివరకు ప్రతి రెండు నెలలకు ఒకసారి ఆఫీస్‌కు రమ్మనారు. కానీ ఇప్పడు నన్ను మేనేజర్‌ కావాలనే ప్రతివారం రమ్మంటున్నాడు. టీమ్ బిల్డింగ్, ఆఫీస్‌ సంస్కృతిని సంరక్షించడం అనేవి కారణంగా చెబుతున్నాడు. ఈ వ్యవహారంపై మేనేజర్‌తో మాట్లాడినా లాభం లేకుండా పోయింది. ఇది స్నేహపూర్వకమైన వృత్తిపరమైన సంబంధాన్ని ఘర్షణకు, ఒత్తిడికి తావిస్తుంది. మేనేజర్‌ ప్రవర్తనకు వ్యతిరేకంగా ఉన్నత స్థాయి యాజమాన్యాన్ని ఆశ్రయించాలని భావిస్తున్నాను. అదేసమయంలో కెరియర్‌ అవకాశాలు, టీమ్ రిలేషన్స్ దెబ్బతింటాయేమోనని ఆలోచలున్నాయి’ అని పోస్ట్‌లో తెలిపారు.రెడిట్ ప్లాట్‌ఫామ్‌లో వెలసిన ఈ పోస్ట్‌పై నెటిజన్లు విభిన్నంగా స్పందిస్తున్నారు. చాలా మంది ఉద్యోగి పట్ల సంఘీభావాన్ని వ్యక్తం చేశారు. ఇది ఒక అనివార్య సమస్య అని పేర్కొన్నారు. ‘టీమ్ బిల్డింగ్’ లేదా ‘ఆఫీస్‌ సంస్కృతి’ని సంరక్షించడం అనే సాకుతో చాలామంది ఇలా ఉద్యోగులను ఇబ్బందిపెడుతున్నట్లు కొందరు చెప్పారు. కొంతమంది మేనేజర్లు తాము రిమోట్‌గా పని చేస్తూనే కింది సిబ్బందిని కార్యాలయానికి రావాలని బలవంతం చేస్తున్నట్లు చెప్పారు.ఇదీ చదవండి: పెళ్లి నిధిని ఎలా సమకూర్చుకోవాలి?

గాజువాక (విశాఖపట్నం): భార్య ఉండగానే మరో మహిళతో ప్రేమలో పడిన ఒక ప్రబుద్ధుడు పెళ్లి ఒత్తిడితో ఇంటి నుంచి అదృశ్యమయ్యాడు. గాజువాక పోలీసులు తెలిపిన వివరాలిలా ఉన్నాయి. గుడివాడ అప్పన్న కాలనీకి చెందిన ఇండుగుబిల్లి సన్యాసిరావు (56) సెక్యూరిటీ గార్డుగా పని చేస్తున్నాడు. చదవండి: డేటింగ్‌సైట్లు.. హైటెక్‌ వ్యభిచారం.. సిటీ యువతుల ఫొటోలు వాట్సాప్‌కు పంపి.. అతడికి భార్య, పిల్లలు ఉన్నారు. భార్య ఉండగానే మరో మహిళతో ప్రేమలో పడ్డాడు. ఈ క్రమంలో తనను పెళ్లి చేసుకోవాలంటూ ఆమె ఒత్తిడి చేస్తోంది. 56 ఏళ్ల వయస్సులో రెండో పెళ్లి చేసుకుంటే కుటుంబం పరువు పోతుందని భావించిన సన్యాసిరావు ఈ నెల 21న ఇంటి నుంచి అదృశ్యమైనట్టు అతడి భార్య పద్మ గాజువాక పోలీసులకిచ్చిన ఫిర్యాదులో పేర్కొంది. గాజువాక ఎస్‌ఐ కె.సతీష్‌ కేసు దర్యాప్తు చేస్తున్నారు.


 హంద్వారా:
 వీడియోలో తప్పుడు స్టేట్మెంట్ ఇవ్వాలంటూ దూషిస్తూ, తనపై పోలీసులు ఒత్తిడి చేశారని కశ్మీర్‌లోని హంద్వారాలో ఏప్రిల్లో జరిగిన ఆందోళనలకు కేంద్రబిందువైన 16 ఏళ్ల బాలిక సోమవారం వెల్లడించింది. రక్షణా పరమైన చర్యల్లో భాగంగా 27 రోజులు పోలీసుల అదుపులో ఉన్న ఆమెను కోర్టు జోక్యం తర్వాత పోలీసులు విడుదల చేశారు. పోలీసులు ఒత్తిడి చేసి తనను అలా మాట్లాడించారని, దాన్ని వీడియోలో రికార్డు చేసి విడుదల చేశారని ఆమె తెలిపింది. తనకు ఇష్టం లేకుండానే పోలీస్ స్టేషన్లో బంధించి, తెల్లని కాగితాల మీద సంతకాలు కూడా చేపించారని ఆమె తెలిపింది. పోలీసులు బాలికను బెదిరించి తప్పుడు స్టేట్ మెంట్ ఇప్పించారని ఆమె తల్లిదండ్రులు ఆరోపించారు.
 
 బాలికను జవాను వేధించాడని పుకార్లు రావడంతో ఏప్రిల్లో అల్లర్లు ప్రారంభమయిన విషయం తెలిసిందే. భద్రతా బలగాల కాల్పుల్లో ఐదుగురు మృతిచెందడంతో ఈ ఘటన దేశవ్యాప్తంగా కలకలం రేపింది. అయితే సదరు బాలిక తనపై వేధింపులకు పాల్పడింది జవాను కాదని స్థానికుడే అని వివరణ ఇచ్చిన వీడియోను అధికారులు తర్వాత విడుదల చేశారు. ఆ వీడియోను పోలీసు స్టేషన్‌లోనే తీయగా, మాట్లాడాలంటూ విజ్ఞప్తి చేస్తున్న ఒక పురుషుని గొంతు వినిపించింది. తదనంతరం జరుగుతున్న పరిణామాలతో పోలీసుల తీరుపై సర్వత్రా విమర్శలు వచ్చాయి.


 గర్భస్థ శిశువుకు లింగ నిర్ధార్ణణ పరీక్షలు చేయించకూడదన్న చట్టం ఉన్నప్పటికీ ఇండియాలో పరిస్థితి అదుపులోకి రావడం లేదు. కడుపులో ఉన్నది ఆడా, మగా తెలుసుకొని అబార్షన్లు చేయించేవారి సంఖ్య... చదువుకున్న వారిలోనూ పెరుగుతూనే ఉంది. నిరక్షరాస్యులు, విద్యాహీనులకు అవగాహన కల్సించాల్సిన వైద్యరంగంలోని వారే.. గర్భస్రావానికి ఒత్తిడి తెచ్చిన వైనం... హైకోర్టుకు చేరింది.
 
 తనను వైద్యపరీక్షలు చేయించడానికి అంటూ నమ్మబలికి ఆస్పత్రికి తీసుకెళ్ళిన భర్త ఖురానా... రహస్యంగా వైద్యులను అల్ట్రా సౌండ్ పరీక్ష చేసి.. లింగ నిర్ధారణ చేయమని అడిగాడని మీటూ ఖురానా కోర్టును ఆశ్రయించింది. తన గర్భంలో ఆడ కమలలు ఉన్నారని తెలిసి గర్భ స్రావం చేయించుకొమ్మని భర్త ఒత్తిడి తెచ్చాడని కోర్టుకు  ఫిర్యాదు చేసింది. ఇప్పుడు పదేళ్ళ వయసున్న ఇద్దరు ఆడ కవలలకు తల్లి అయిన  ఆమె... అప్పట్లో గర్భస్రావాన్ని తిరస్కరించి కోర్టుకెక్కింది. అయితే లోయర్ కోర్టులో కేసును కొట్టివేయడంతో ఆమె హైకోర్టులో న్యాయపోరాటం ప్రారంభించింది.
 
 జయపూర్ కు చెందిన మీటూ ఖురానా 2004 లో  కడుపునొప్పితో ఆస్పత్రిలో చేరింది. అయితే అదే అదనుగా భావించిన భర్త ఖురానా వృత్తి రీత్యా వైద్యుడైనా... ఆమె కడుపులో ఉన్నది ఇద్దరు ఆడపిల్లలని తెలుసుకొని వారిని చిదిమివేసేందుకు ప్లాన్ వేశాడు.  దీంతో మీటూపై ఒత్తిడి తేవడం ప్రారంభించాడు. 39 ఏళ్ళ వయసున్న మీటూ ఖురానా కూడ  పిడియాట్రిషియన్. వైద్య వృత్తిలోనూ... పైగా పిల్లల డాక్టర్ గా ఉన్న ఆమె... గర్భ స్రావానికి ఎట్టి పరిస్థితుల్లోనూ సహకరించలేదు. భర్త దౌర్జన్యాన్ని బహిర్గతం చేస్తూ కోర్టును ఆశ్రయించింది. అయితే అప్పట్లో కోర్టుకు చేరిన ఆమె కేసు.. ప్రస్తుతం హై కోర్టులో న్యాయ పోరాటానికి ల్యాండ్ మార్క్ లా మారింది.
 
 అయితే మీటూ ఖురానా భర్త... కమల్ ఖురానా మాత్రం  ఆమె ఆరోపణలను కొట్టి పారేస్తున్నాడు. ఈ నేపథ్యంలో..  కేసుకు సంబంధించి అన్ని ఆధారాలూ ఉన్నప్పటికీ.. నిందితుడు తప్పించుకునేందుకు ప్రయత్నిస్తున్నాడని.. ఇలా అయితే ఇటువంటి కేసుల్లో న్యాయం కోసం మరే మహిళా ముందుకు వచ్చే అవకాశం ఉండదని బాధితురాలు ఆవేదన వ్యక్తం చేస్తోంది. అల్ట్రా సౌండ్ పరీక్షలు ఇండియాలో నాలుగ్గోడల మధ్యా జరుగుతూనే ఉన్నాయని, ప్రతి వైద్యుడికీ ఇది క్రైమ్ అని తెలుసునని, అందుకే లింగ నిర్ధారణ విషయాన్ని వ్రాత పూర్వకంగా డాక్టర్లు ఇవ్వరని బాధితురాలు వాపోతోంది. వైద్యురాలినైన నావంటి వారే ఇటువంటి కేసులో ఓడిపోతే మరే మహిళా భవిష్యత్తులో ఫిర్యాదు చేసేందుకు ముందుకు రాలేదని ఆమె ఆందోళన వ్యక్తం చేస్తోంది. అప్పట్లో కడుపు నొప్పితోనే ఆమె ఆస్పత్రికి వెళ్ళినట్లుగా జైపూర్ గోల్డెన్ ఆస్పత్రి కోర్టకు ఆధారాలు సమర్పించగా... తనపై అబార్షన్ కు భర్త ఒత్తిడి తేవడంతోనే తాను నొప్పితోనే తిరిగి వచ్చేశానని మీటూ వాదిస్తోంది. మీటూకు నెలలు నిండకుండానే జన్మించిన ఆ ఆడ కవలలకు ఇప్పుడు పదేళ్ళ వయసుంది.
 
 ఆడశిశువుల జననాన్ని అడ్డుకోరాదంటూ ప్రభుత్వం లింగనిర్థారణ పరీక్షలు, చట్ట వ్యతిరేక గర్భ స్రావాలు, భ్రూణ హత్యలను తగ్గించేందుకు కఠిన చట్టాన్ని రూపొందించినా.. వారి మరణాలు అధికమౌతూనే ఉన్నాయి. భారత దేశం లింగ నిర్ధారణ.. గర్భస్రావాలకు కేరాఫ్ అడ్రస్ గా మారిందని, ఇప్పటికైనా ప్రచారకర్తలు ప్రజల్లో అవగాహన కల్పించడం ఎంతో అవసరమని నిపుణులు సూచిస్తున్నారు.