కర్నూలు(హాస్పిటల్‌): ఉమ్మడి కర్నూలు జిల్లాలో 3వేల దాకా రిటైల్‌ మెడికల్‌ షాపులు, ఏజెన్సీలు ఉన్నాయి. దీంతో పాటు 12వేల దాకా ఎంబీబీఎస్, స్పెషాలిటీ, సూపర్‌స్పెషాలిటీ కోర్సులు అభ్యసించిన వైద్యులూ ఉన్నారు. వీరితో పాటు వైద్యవిద్యను అభ్యసిస్తున్న వారు మరో 3వేల మంది దాకా ఉంటారు. ఇక ఫార్మాసిస్టులు, నర్సులు, ఏఎన్‌ఎంలు, ఆర్‌ఎంపీలు మరో 15వేల దాకా ఉంటారు. వీరందరూ అల్లోపతి వైద్యంపై ఆధారపడి రోగులకు వైద్యసేవలు అందిస్తున్నారు. ఆరోగ్య సమస్యలు వచ్చిన ప్రజలు వీరిలో ఎవరో ఒకరిని సంప్రదించి అవసరమైన చికిత్స తీసుకుంటున్నారు.ఇటీవల ఇంటర్‌నెట్‌ సదుపాయం అందరికీ అందుబాటులోకి రావడం, విద్యావంతులు పెరగడం, ముఖ్యంగా సాఫ్ట్‌వేర్, ఇంటర్‌నెట్‌పై యువతకు పట్టురావడం వంటి విషయాల కారణంగా ఆన్‌లైన్‌లో తమకు వచ్చిన ఆరోగ్య సమస్యలకు పరిష్కారాన్ని వెతకడం అధికమైంది. క్షణాల్లో వచ్చే సమాచారం ఆధారంగా తమకు ఈ కారణంగానే ఆరోగ్య సమస్య వచ్చిందని భావించి మెడికల్‌ షాపులకు వెళ్లి మందులు తీసుకుని వాడే వారి సంఖ్య ఇటీవల పెరుగుతోంది. భౌతికంగా పరీక్షిస్తేనే.. మంచి పేరున్న వైద్యుని వద్దకు వందల కిలోమీటర్లు ప్రయాణించి రోగులు చికిత్స కోసం వెళ్తుంటారు. అలా వెళ్లిన వారు అవసరమైతే గంటల తరబడి క్యూలో ఉండి చికిత్స తీసుకుని వెళ్తుంటారు. ఫలానా డాక్టర్‌ చేయి తగిలితేనే(హస్తవాసి) సగం రోగం నయం అవుతుందన్న నమ్మకంతో ఉన్న వారూ ఉన్నారు. ఈ నమ్మకంతోనే ఇప్పటికీ చాలా మంది వారికి ఏ చిన్న ఆరోగ్య సమస్య వచ్చినా నమ్ముకున్న వైద్యుల వద్దే చికిత్స తీసుకుంటారు.సదరు డాక్టర్‌ భౌతికంగా రోగిని పరిశీలించడమే గాక వారి యోగక్షేమాలు అడగడం, నవ్వుతూ మాట్లాడటం, ఏమీ కాదులే అని ధైర్యం చెప్పడంతో వారికి సగం రోగం నయమవుతుంది. కొందరు సీనియర్‌ వైద్యులు ఇప్పటికీ రోగిని భౌతికంగా ముట్టుకుని చేతులు, కాళ్లు కదిపి, పొట్టను ఒత్తి చూసి, నాడి పట్టుకుని పరీక్షించి వైద్యం చేస్తుంటారు. ఇలాంటివన్నీ ఆన్‌లైన్‌లో లభించవని పెద్దలు చెబుతుంటారు. ఎంతగా ఆన్‌లైన్‌ సేవలు అభివృద్ధిలోకి వచ్చినా మనిíÙని చూసి వైద్యం ఇచ్చి ధైర్యం చెబితేనే తగ్గుతుందని వారు భావిస్తున్నారు. ఇవీ నష్టాలు.. ⇒ ఆరోగ్య సమస్య కొంతైతే ఆన్‌లైన్‌లో వివరాలు కొండంత ఉంటాయి. దానిని చూసి రోగి మరింత ఆందోళనకు గురవుతారు. ఫలితంగా మానసికంగా మరింత కృంగిపోతాడు. ⇒ ఆందోళనకు గురైతే శారీరకంగా మరిన్ని ఆరోగ్య సమస్యలు వచ్చే ప్రమాదం ఉందని వైద్యులు హెచ్చరిస్తున్నారు. ⇒ కొందరు ఆన్‌లైన్‌లో తమ ఆరోగ్య సమస్యలు వెతికి ముందుగానే అ్రల్టాసౌండ్‌ స్కానింగ్‌ చేయించుకుని డాక్టర్‌ వద్దకు వెళ్తున్నారు. ముందుగానే పరీక్షలు చేయించుకోవద్దని వైద్యులు చెబుతున్నారు. ⇒ ఒక్కో వ్యక్తికీ ఒక్కో శరరీతత్వం ఉంటుంది. వారి జన్యువులు, వారి ఆరోగ్యాన్ని బట్టి రోగ లక్షణాలు ఉంటాయి. అందరినీ ఒకే విధంగా చూడలే మని వైద్యులు చెబుతున్నారు. ఒక్కొక్కరికీ ఒక్కో విధమైన చికిత్స ఉంటుందని, ఆన్‌లైన్‌ వైద్యాన్ని గుడ్డిగా నమ్మొద్దని సూచిస్తున్నారు. ⇒ కర్నూలుకు చెందిన రాజ్‌కుమార్‌ ఓ ప్రైవేటు సంస్థలో ఎగ్జిక్యూటివ్‌. రోజూ వందల కిలోమీటర్లు తిరగడంతో అతనికి ఏదో ఒక అనారోగ్య సమస్య వేధిస్తుంటుంది. దీంతో తరచూ డాక్టర్‌ వద్దకు వెళ్లడం దేని­కని ఆన్‌లైన్‌లో తనకు వచ్చిన ఆరోగ్య సమస్యకు పరిష్కారాన్ని వెతికి మెడికల్‌ షాపులో మందులు కొని వాడుతున్నాడు. ఓ రోజు మందు లు వికటించి ఆసుపత్రికి వెళితే ఎలా పడితే అలా మందులు వాడకూడదని వైద్యులు చికిత్స చేసి పంపించారు. ⇒ కర్నూలుకు చెందిన ఓ బి.ఫార్మసి విద్యార్థిని తనకు ఇటీవల ఛాతీలో నొప్పి ఉంటే ఆన్‌లైన్‌లో టైప్‌ చేసి చూసుకుంటే హార్ట్‌ ఎటాక్‌ అని చూపించింది. దీంతో ఆమె తీవ్ర ఆందోళనతో సమీపంలోని ఆసుపత్రికి వెళ్లి వైద్యులను కలిసింది. పరీక్షించిన వైద్యులు వచ్చింది హార్ట్‌ ఎటాక్‌ కాదని, కండరాల నొప్పిగా నిర్ధారించారు.⇒ నంద్యాలకు చెందిన రామాంజనేయులు ప్రభుత్వ ఉద్యోగి. ఉదయం నుంచి సాయంత్రం వరకు కూర్చుని పనిచేయాల్సిందే. ఇంటర్‌నెట్‌పై మంచి పట్టు ఉంది. దీంతో తనతో పాటు ఇంట్లో ఎవరికి అనారోగ్య సమస్యలువచ్చినా ఆన్‌లైన్‌లో వెతికి పరిష్కారం కనుగొనే ప్రయత్నం చేస్తాడు. ఈ క్రమంలో ఆయన తల్లికి ఒకసారి మందులు వికటించి ఇబ్బంది రావడంతో వైద్యుని వద్దకు తీసుకెళ్లారు. ఆన్‌లైన్‌ పరిష్కారం ప్రతిసారీ మంచిది కాదని వైద్యులు హితవు పలికారు.

సాక్షి, హైదరాబాద్‌: ప్రస్తుత వర్షాకాల సీజన్‌లో డెంగీ వ్యాప్తి అనేది దేశవ్యాప్తంగా వివిధ రాష్ట్రాల్లో ఆందోళనకు కారణమవుతోంది. అనేక రాష్ట్రాల్లో విస్తారంగా వర్షాలు కురుస్తుండడంతో దోమల పెరుగుదల, పారిశుధ్య నిర్వహణ లోపాలతో డెంగీ వ్యాప్తికి అవకాశం ఏర్పడుతోంది. ఇప్పటికే ఢిల్లీలో ఈ కేసులు పెరగగా, మహారాష్ట్ర, కర్ణాటకల్లోనూ డెంగీ కేసుల్లో పెరుగుదల నమోదు కావడం ప్రజల్లో భయాన్ని రేకెత్తిస్తోంది. దీంతో డెంగీ టెస్టింగ్, దీని ట్రీట్మెంట్‌కు సంబంధించిన సర్వీసులు ఎక్కడెక్కడ అందుబాటులో ఉన్నాయనే దానిపై ఆన్‌లైన్‌లో ప్రజలు వెతకడం పెరిగిపోయింది. ఈ జనవరి–మార్చి నెలల మధ్యలో పోల్చితే ఏప్రిల్‌– జూన్‌ల మధ్య డెంగీకి చికిత్సలో నిపు ణులైన డాక్టర్లకు 20 శాతం మేర డిమాండ్‌ పెరిగినట్టు స్పష్టమైంది. భారత్‌లో స్థానిక సెర్చ్‌ ఇంజిన్‌ ‘జస్ట్‌ డయల్‌’ విడుదల చేసిన ‘కన్జూమర్‌ సెర్చ్‌ ట్రెండ్స్‌ డేటా’లో ఆయా అంశాలు వెల్లడయ్యాయి. అంతేకాదు.. దోమ కాటు నివారణ కోసం దోమ తెరలకు కూడా భారీగా డిమాండ్‌ పెరిగినట్టు వెల్లడైంది. జాతీయ స్థాయిలో వీటి అమ్మకాలు ఒక్క సారిగా 64 శాతం పెరగగా...ఢిల్లీలో 709 శాతం, పుణెలో 216 శాతం, అహ్మదాబాద్‌లో 160 శాతం, బెంగళూరులో 122 శాతం, కోల్‌కతాలో 96 శాతం, ముంబైలో 31 శాతం, హైదరాబాద్‌లో 27 శాతం పెరుగుదల నమోదైనట్టుగా తెలుస్తోంది. దోమల సమస్య నియంత్రణకు ‘పెస్ట్‌కంట్రోల్‌ సర్వీసెస్‌’ను కూడా వివిధ ప్రాంతాల్లోని ప్రజలు ఆశ్రయిస్తున్నారు. మొత్తంగా చూస్తే... దేశవ్యాప్తంగా పెస్ట్‌ కంట్రోల్‌ కేటగిరీలో ఆన్‌లైన్‌లో సెర్చింగ్‌ 24 శాతం పెరగగా, మెట్రోనగరాల్లో 25 శాతం, నాన్‌ మెట్రోనగరాల్లో 24 శాతం వృద్ధి నమోదైంది.ఈ విషయంలో ఢిల్లీ 97 శాతం వృద్ధితో ప్రథమస్థానంలో నిలవగా, కోల్‌కతా 68శాతంతో, అహ్మదాబాద్‌ 45 శాతంతో, బెంగళూరు 19 శాతం, ముంబై 13 శాతం వృద్ధి సాధించింది.బల్లులు, నల్లుల నివారణకూ ఆన్‌లైన్‌ సెర్చింగ్‌దోమలతో పాటు బల్లులు, తేనెటీగలు, నల్లులు, పాము లు వంటి వాటి నియంత్రణకు అవసరమైన సర్వీసుల గురించి కూడా ఆన్‌లైన్‌ సెర్చింగ్‌ పెరిగింది. డెంగీ కేసుల వృద్ధి నేపథ్యంలో పరిసరాల పరిశుభ్రత, దోమలు రాకుండా రెపెల్లెంట్‌ల వినియోగం, వేగంగా వైద్యసహాయం తీసుకోవడం, చుట్టుపక్కల ప్రాంతాల ప్రజల్లో అవగా హన వంటి వాటికి అత్యంత ప్రాధాన్యం ఏర్పడింది.

ఈ ఏడాది జనవరి నుంచి ఏప్రిల్‌ వరకు ప్రపంచవ్యాప్త నెటిజన్లు సెర్చ్‌ చేసిన ఇండియన్‌ సెలబ్రిటీల జాబితాను ఓ ఆన్‌లైన్‌ సర్వే ద్వారా వెల్లడించింది ఓ సంస్థ. టాప్‌ టెన్‌ మోస్ట్‌ సెర్చ్‌డ్‌ ఇండియన్‌ ఉమెన్‌ సెలబ్రిటీలుగా ప్రియాంకా చోప్రా (39 లక్షల సెర్చ్‌లు) సన్నీ లియోన్‌ (31 లక్షలు), కత్రినా కైఫ్‌ (19 లక్షలు)లు తొలి మూడు స్థానాల్లో నిలిచారు. ఇక ఈ జాబితాలో దక్షిణాది నుంచి హీరోయిన్‌ రష్మికా మందన్నా పదో స్థానం సంపాదించారు. మరోవైపు గ్లోబల్లీ మోస్ట్‌ సెర్చ్‌డ్‌ ఇండియన్‌ మేల్‌ సెలబ్రిటీ టాప్‌టెన్‌ లిస్ట్‌లో సల్మాన్‌ ఖాన్‌ (21 లక్షలు), విరాట్‌æకోహ్లీ (21 లక్షలు), హృతిక్‌ రోషన్‌ (13 లక్షలు)లు తొలి మూడు స్థానాలను కైవసం చేసుకున్నారు. ఈ టాప్‌ టెన్‌ లిస్ట్‌లో సౌత్‌ నుంచి అల్లుఅర్జున్, విజయ్‌ దేవర కొండ, మహేశ్‌బాబులు వరుసగా 5, 8, 10 స్థానాల్లో నిలిచినట్లు ఆన్‌లైన్‌ సర్వే నిర్వహించిన సంస్థ పేర్కొంది విరాట్‌ కోహ్లీ, ∙కత్రినా కైఫ్‌, హృతిక్‌ రోషన్‌ మహేశ్‌ బాబు, సన్నీ లియోన్‌, అల్లు అర్జున్‌, విజయ్‌ దేవరకొండ

సాక్షి, అమరావతి : లాక్‌డౌన్‌ సమయంలో దేశంలో గూగుల్‌ సెర్చింగుల్లో ‘వంటలే’ అగ్రస్థానం దక్కించుకున్నాయి.   అనివార్యంగా లభించిన ఖాళీ సమయంలో వివిధ రుచుల వంటకాలు ఆస్వాదించేందుకు, వినోదం, ఆహ్లాదం వైపే భారతీయులు ఎక్కువగా ఆకర్షితులయ్యారు. దేశంలో లాక్‌డౌన్‌ సమయంలో గూగుల్‌ సెర్చింగ్స్‌ ట్రెండ్స్‌ను ఇండియా టుడే సంస్థకు చెందిన ‘డాటా ఇంటెలిజెన్స్‌ యూనిట్‌(డీఐయూ) వెల్లడించింది. లాక్‌డౌన్‌ రోజుల్లో భారతీయులు సెర్చ్‌ చేసిన వాటిలో ఐదు అంశాల్లో ఎక్కువుగా పెరుగుదల కనిపించిందని తెలిపింది. 1వ స్థానంలో ‘రెసిపీ’ లాక్‌డౌన్‌ వేళలో భారతీయులు అత్యధి కంగా గూగుల్‌లో వెతికిన పదం ‘రెసిపీ’ ఇళ్లకే పరిమితం కావడంతో వివిధ రకాల వంటకాలు చేసుకునేందుకు ఎక్కువుగా మొగ్గు చూపారు. ఇందుకోసం గూగల్‌లో వివిధ రెసిపీలు తెలుసుకునేందుకు యత్నించారు. వంటల్లో కూడా అత్యధికంగా ప్రజలు మొగ్గు చూపినవేంటంటే..  దహీ వడ(పెరుగు వడ) కోసం గూగుల్‌ సెర్చింగుల్లో 180 శాతం పెరుగుదల కనిపించింది. ఆ తర్వాత దాల్‌గోనా కాఫీ, పానీపూరీ నిలిచాయి. వీటి సెర్చింగులు 120 శాతం పెరిగాయి. పురన్‌ పోలి(మహారాష్ట్ర వంటకం), ఊతప్పం, హుమ్ముస్, పాన్‌ కేకుల రెసిపీలు ఆ తర్వాత స్థానాల్లో నిలిచాయి.  2వ స్థానంలో ‘నెట్‌ఫ్లిక్స్‌’ దేశంలో గూగుల్‌ సెర్చింగ్స్‌లో ఓవర్‌ ద టాప్‌(ఓటీటీ) ప్లాట్‌ఫాం ‘నెట్‌ ఫ్లిక్స్‌’ రెండో స్థానంలో నిలిచింది.  నెట్‌ఫ్లిక్స్‌ వివరాలు తెలుసుకోవడం, కొత్త సబ్‌స్క్రిప్షన్‌లు తీసుకోవడంపై ఎక్కువుగా ఆసక్తి చూపారు.  నెట్‌ఫ్లిక్స్‌లో కూడా అత్యధికంగా 2011లో విడుదలైన ‘కంటేజన్‌’, 1994లో విడుదలైన ‘ద మాస్క్‌’ సినిమాలు చూశారు. 3వ స్థానంలో ఆరోగ్యం కరోనా వైరస్‌ నేపథ్యంలో ఆరో గ్య సూత్రాలపై ప్రజలకు ఆసక్తి పెరిగింది. దీంతో గూగుల్‌ సెర్చింగ్స్‌లో ‘ఆరో గ్యం’ మూడో స్థానంలో నిలిచింది.  కరోనా సంక్రమించకుండా తీసు కోవాల్సిన జాగ్రత్తలు, వ్యాధి నిరోధక శక్తిని పెంచే ఆహారం తదితర సమాచారం కోసం ఎక్కువుగా గూగుల్‌లో వెతికారు. 4వ స్థానంలో పోర్న్‌ గూగుల్‌ సెర్చిం గ్‌లలో అశ్లీల వెబ్‌ సైట్ల వీక్షణం కూడా పెరిగింది. అందుకే ‘పోర్న్‌’ నాలుగో స్థానంలో నిలిచింది.  5వ స్థానంలో  లూడో కాలక్షేపం కోసం ఆడుకునే ఆటలపై ప్రజలు ఆసక్తి చూపారు. అందుకే  ‘లూడో’ ఐదో స్థానంలో నిలిచింది.  


 న్యూఢిల్లీ: రియో ఒలింపిక్స్ లో సత్తా చాటిన బ్యాడ్మింటన్ స్టార్ పీవీ సింధుకు సంబంధించిన వివరాల కోసం గూగుల్ లో అత్యధిక మంది వెతికారు. ఇదే సమయంలో మరో ఆశ్చర్యకరమైన సంగతి వెల్లడైంది. బంగారు పతకం కోసం సింధు పోటీ పడిన సందర్భంలో.. గతంలో సాధించిన విజయాల గురించి కాకుండా ఆమె కులం ఏమిటో తెలుసుకునేందుకు కొంత మంది ప్రయత్నించారు. గూగుల్ సెర్చ్ లో ఆమె కులం కోసం వెతికారు. గూగుల్ సెర్చ్ బాక్స్ లో సింధు కోసం శోధించిన వాటిలో ఆమె కులం థర్డ్ మోస్ట్ సెర్చెడ్ కీవర్డ్ గా గుర్తించారు.
 
 ఆంధ్రప్రదేశ్, తెలంగాణ, హర్యానా రాష్ట్రాల నుంచి ఎక్కువ మంది సింధు వివరాల కోసం గూగులో వెతికారు. పీవీ సింధు, పీవీ సింధు విన్స్, పీవీ సింధు కాస్ట్ పేరుతో ఎక్కువ మంది శోధించారు. చిన్న వయస్సులో ఒలింపిక్స్ లో పతకం సాధించిన భారత క్రీడాకారణిగా పీవీ సింధు ఘనతెక్కింది. 21 ఏళ్ల సింధు ఒలింపిక్స్ లో మహిళల సింగిల్స్ లో ఫైనల్ కు చేరిన మొదటి షట్లర్ గా కూడా నిలిచింది.


 న్యూఢిల్లీ: దేశంలోని వివిధ ప్రాంతీయ భాషల్లో ఈ-మెయిళ్లు, వెబ్‌సైట్ అడ్రస్, ఆన్‌లైన్ సెర్చ్‌లను ప్రోత్సహించేందుకు కేంద్రం కొత్త ఆలోచనతో వచ్చింది.  ఇకపై ‘డాట్ ఇన్’ (.in) డొమైన్‌ను కొనేవారికి ‘డాట్ భారత్’ (.bharat) డొమైన్‌ను (ఏడాదిపాటు) ఉచితంగా ఇవ్వనుంది.
 
 ఇంగ్లీషు రానివారు కూడా సాంకేతికతను వినియోగించుకునేలా ప్రోత్సహించేందుకు.. కొత్తగా రిజిస్టర్ చేసుకునే వారికి ఈ అవకాశం ఇవ్వాలని సర్కారు భావించింది. మరోవైపు, పైరసీని ప్రోత్సహిస్తున్న 73 వెబ్‌సైట్లను ఆపేయాలని ఢిల్లీ హైకోర్టు ఆదేశించింది.