న్యూయార్క్‌: ఐక్యరాజ్యసమితి సర్వసభ్య సమావేశం కోసం ప్రపంచదేశాల అగ్రనేతలు న్యూయార్క్‌ నగరానికి విచ్చేసిన వేళ ఐరాస ప్రధాన కార్యాలయం చుట్టుపక్కల సెల్‌ నెట్‌వర్క్‌ను స్తంభింపజేసేందుకు చేసిన కుట్రను నగర పోలీసులు విజయవంతంగా భగ్నంచేశారు. న్యూయార్క్‌ నగరవ్యాప్తంగా సెల్‌ఫోన్‌ టవర్ల కార్యకలాపాలను స్తంభింపజేసి, ఎమర్జెన్సీ ‘911’ నంబర్‌ సైతం పనిచేయకుండా చేయగలిగేంతటి భారీ అక్రమ ఎలక్ట్రానిక్‌ ఉపకరణాల నెట్‌వర్క్‌ గుట్టును నగర పోలీసులు రట్టుచేశారు. 300కుపైగా కో–లొకేటెడ్‌ సిమ్‌ సర్వర్లు, ఏకంగా 1,00,000 సిమ్‌ కార్డులను స్వాధీనంచేసుకున్నారు. ఇవన్నీ ఐరాస ప్రధానకా ర్యాలయ భవనానికి చుట్టూతా 35 మైళ్లదూరంలో ఉండటం గమనార్హం. ఐరాస సమావేశాల కోసం ప్రధానకార్యాలయానికి విచ్చేసిన ప్రపంచనేతలను ఒకేసారి భయపెట్టి, బెదిరించే ఎత్తుగడలో భాగంగా ఆగంతకులు ఈ సెల్‌ నెట్‌వర్క్‌ను ఏర్పాటుచేసి ఉంటారని పోలీసులు అనుమానిస్తున్నారు. మన టెలీకమ్యూనికేషన్‌ వ్యవస్థను సవాల్‌ విసిరేలా ఈ సెల్‌ నెట్‌వర్క్‌ను ఆగంతకులు సిద్ధంచేశారని అమెరికా నిఘా విభా గమైన సీక్రెట్‌ సర్వీస్‌ డైరెక్టర్‌ సీన్‌ కర్రన్‌ వెల్లడించారు. నిమిషానికి 3 కోట్ల టెక్స్‌ మెసేజ్‌లు..ఈ భారీ అక్రమ నెట్‌వర్క్‌ సామర్థ్యం చాలా పెద్దది. నిమిషానికి ఏకంగా 3 కోట్ల టెక్సŠట్‌ మెసేజ్‌లను దీని ద్వారా పంపొచ్చు. ఇంతటి భారీ స్థాయిలో నెట్‌వర్క్‌ రద్దీతో వ్యవస్థ హఠాత్తుగా క్రాష్‌ అవుతుంది. దీంతో సెల్‌ఫోన్‌ టవర్లు సామర్థ్యానికి మించి మెసేజ్‌ల రాకపోకలను తట్టుకోలేక చేతులెత్తేస్తాయి. అప్పుడు ఏమౌతుందో ఊహించుకోండి. సెల్‌ నెట్‌వర్క్‌ నిలిచిపోతుంది. కనీసం మీ సెల్‌ఫోన్‌ను ఉపయోగించలేరు. ఐరాస సర్వసభ్య సమావేశాల మీదా దీని ప్రత్యక్ష ప్రభావం పడుతుంది. యావత్‌ నగరంలో సెల్‌ ప్రపంచం ఆగిపోతుంది. ఇది మొత్తం గందరగోళానికి, ఒక కొత్త భయభ్రాంతులకు దారితీస్తుంది’’ అని సీక్రెట్‌ సర్వీస్‌ న్యూయార్క్‌ ఫీల్డ్‌ ఆఫీస్‌లో స్పెషల్‌ ఏజెంట్‌ మ్యాట్‌ మెక్‌కూల్‌ వివరించారు. ‘‘ దీని విస్తృతి, తీవ్ర ప్రభావం, లొకేషన్‌పై మాకు సరైన సమయానికి ఉప్పందింది. దాంతో వెంటనే పలు చోట్ల ఆకస్మిక దాడులు చేసి వందల కొద్దీ ఉపకరణాలను షట్‌డౌన్‌ చేశాం’’ అని ఆయన వెల్లడించారు. ఇటీవల ట్రంప్‌ ప్రభుత్వంలోని సీనియర్‌ ఉన్నతాధికారులపై టెలికమ్యూనికేషన్స్‌ ద్వారా బెదిరింపులు ఎక్కువవడంతో ఈ తరహా నేరాలపై నిఘాను పెంచారు. దీంతో తాజాగా ఈ సెల్‌ టవర్‌ నెట్‌వర్క్‌ రాకెట్‌ బయటపడింది. ఇప్పటికే 1,00,000 సిమ్‌కార్డులను క్రియాశీలంచేశారని, మరి కొన్నింటినీ యాక్టివేషన్‌ కోసం ఆగంతకులు సిద్ధంచేశారని పోలీసులు పేర్కొన్నారు.కుట్ర కారకులు ఎవరు?కుట్రదారులు ఎవరనేది ఇంకా నిర్ధారణ కాలేదు. నేర ముఠాలు, డ్రగ్‌ కార్టెల్స్‌ ముఠాలు, ఉగ్రసంస్థలను పెంచి పోషించే దేశాలకు ఈ సెల్‌ నెట్‌వర్క్‌తో సంబంధం ఉండి ఉంటుందని న్యూయార్క్‌ పోలీసులు భావిస్తున్నారు. ఇంతటి భారీ నెట్‌వర్క్‌ను నెలకొల్పాలంటే ఈ రంగంలో నిష్ణాతులైన వాళ్లకు సాధ్యం. అందుకే ఆ కోణంలోనూ దర్యాప్తు మొదలెట్టామని పోలీసులు తెలిపారు. కుట్రదారులు ఎవరనేది కనిపెట్టడం ఇప్పుడే కష్టమని, దీనికి చాలా సమయం పడు తుందని అంచనావేశారు. ‘‘మేం దీని కోసం భారీ కసరత్తు చేయాల్సి ఉంటుంది. కనీసం 1,00,000 సెల్‌ఫోన్లను ఫోరెన్సిక్‌ బృందంతో తనిఖీచేయించి వాటిల్లోని సమాచారాన్ని క్రోడీకరించాల్సి ఉంది. ఈ సెల్‌ఫోన్ల నుంచి వెళ్లిన టెక్సŠట్‌ మెసేజ్‌లు, ఫోన్‌ సంభాషణలు అన్నింటినీ చెక్‌ చేయాలి. చివరకు ఏ పెద్ద తలకాయ బయటపడుతుందో చూడాలి మరి’’ అని స్పెషల్‌ ఏజెంట్‌ మ్యాట్‌ మెక్‌కూల్‌ అన్నారు. ‘‘ ఖరీదైన ఇలాంటి పరికరాలను ఇన్నేసి చొప్పున అమర్చా లంటే చాలా ఖర్చు అవుతుంది. ఈ నైపుణ్యం చిన్న దేశాలకు అస్సలు ఉండదు. రష్యా, చైనా, ఇజ్రా యెల్‌ లాంటి సాంకేతికతో రాటుదేలిన దేశాలకే ఇది సాధ్యం’’ అని సెంటర్‌ ఫర్‌ యురోపియన్‌ పాలసీ అనాలసిస్‌ సంస్థలో సీనియర్‌ సైబర్‌ సెక్యూరిటీ పరిశోధకుడు జేమ్స్‌ ఎ.లేవిస్‌ వ్యాఖ్యానించారు.

ప్రైవేట్‌ టెలికాం ఆపరేటర్‌ రిలయన్స్‌ జియో నెట్‌వర్క్‌ సేవల్లో అంతరాయాలు తలెత్తాయి. ఇంటర్నెట్ కనెక్టివిటీ, మొబైల్ సిగ్నల్, జియో ఫైబర్ సేవలకు సంబంధించిన సమస్యల గురించి వేలాది మంది నుంచి ఫిర్యాదులు వెల్లువెత్తాయి. దేశంలోని కేరళ ప్రాంతంలో జియో నెట్‌వర్క్‌ ద్వారా కాల్స్‌, ఇంటర్నెట్‌ సేవలు పొందడంలో ఇబ్బందులు ఎదురైనట్లు అనేక మంది సోషల్‌ మీడియా వేదికగా నివేదిస్తున్నారు.ఇప్పటివరకు 12,000కు పైగా రిపోర్టులు నమోదయ్యాయని అంతరాయాల ట్రాకింగ్ ప్లాట్‌ఫామ్ డౌన్‌డిటెక్టర్ తెలిపింది. ఇందులో ఎక్కువ ఫిర్యాదులు మొబైల్ డేటా వైఫల్యాలకు సంబంధించినవే. 32 శాతం మంది యూజర్లు కాల్ సంబంధిత సమస్యలను నివేదించగా, 12 శాతం మంది వినియోగదారులు జియో ఫైబర్ సేవల్లో అంతరాయం కలిగినట్లు ఫిర్యాదు చేశారు.మధ్యాహ్నం 1:45 గంటలకు ఈ సమస్య ప్రారంభమైనట్లు తెలుస్తోంది. ఆ సమయానికి దాదాపు 400 మంది వినియోగదారులు జియో సేవలను యాక్సెస్ చేసేటప్పుడు సమస్యలను నివేదించారు. తర్వాత మధ్యాహ్నం 2:15 గంటలకు కేరళ ప్రాంతం నుంచి గణనీయమైన సంఖ్యలో ఫిర్యాదులు వచ్చినట్లు తెలుస్తోంది. అయితే కేరళ ప్రాంతంలో మాత్రమే కొంత సమయం నెట్‌ వర్క్‌లో సమస్యలు వచ్చాయని, దేశంలోని మిగిలిన ప్రాంతాల​లో ఎటువంటి సమస్యా లేదని జియో వర్గాలు వెల్లడించాయి.

నెట్‌వర్క్‌ సేవల్లో అంతరాయం కలగడం సాధారణంగా దాదాపు అందరికీ ఎదురయ్యే సమస్యే. ఒక్కోసారి 24 గంటలైనా ఈ సమస్య పరిష్కారం అవ్వదు. అయినా ప్లాన్‌ గడువులో ఎలాంటి మార్పులుండవు. సర్వీస్‌ ప్రొవైడర్లు ప్రతిపాదించిన రీచార్జ్‌ చెల్లించాల్సిందే. పోస్ట్‌పోయిడ్‌ కస్లమర్ల పరిస్థితి అంతే. ఇకపై ఏదైనా నెట్‌వర్క్‌ సమస్య తలెత్తితే అందుకు అనుగుణంగా బిల్లు చెల్లింపుల్లో రాయితీ పొందేలా టెలికాం ప్రాధికార సంస్థ(ట్రాయ్‌) నిబంధనలను తీసుకొచ్చింది.ట్రాయ్‌ విడుదల చేసిన క్వాలిటీ సర్వీస్ రూల్స్ ప్రకారం..టెలికాం ఆపరేటర్లు జిల్లా స్థాయిలో అందించే నెట్‌వర్క్‌ సేవల్లో 24 గంటల కంటే ఎక్కువసేపు అంతరాయం కలిగితే పరిహారం చెల్లించాలి. ఈమేరకు గతంలోని జరిమానాను రూ.50,000 నుంచి రూ.1 లక్షకు పెంచింది. దాంతోపాటు వివిధ ప్రమాణాల ఉల్లంఘనలకు రూ.1 లక్ష, రూ.2 లక్షలు, రూ.5 లక్షలు, రూ.10 లక్షల గ్రేడెడ్ పెనాల్టీ విధానాన్ని ప్రవేశపెట్టింది. ఈమేరకు ‘ది స్టాండర్డ్స్ ఆఫ్ సర్వీస్ యాక్సెస్ (వైర్‌లైన్స్ అండ్‌ వైర్‌లెస్), బ్రాడ్‌బ్యాండ్ సర్వీస్ రెగ్యులేషన్స్, 2024’ నిబంధనలు తీసుకొచ్చింది. ఈ కొత్త నియమాలు ఆరునెలల తర్వాత అమల్లోకి వస్తాయని ట్రాయ్‌ తెలిపింది.గతంలోని సెల్యులార్ మొబైల్ సేవలు, బ్రాడ్‌బ్యాండ్ సేవలు, బ్రాడ్‌బ్యాండ్ వైర్‌లెస్ సేవల నాణ్యత వంటి మూడు నిబంధనలను భర్తీ చేస్తూ కొత్తవాటిని ప్రవేశపెట్టారు. వీటి ప్రకారం..పోస్ట్‌పెయిడ్ కస్టమర్‌లకు అందించే సేవల్లో అంతరాయం ఏర్పడితే నెలవారీ బిల్లులో రాయితీ ఇవ్వాలి. ప్రీ-పెయిడ్ కస్టమర్‌లకు ప్లాన్‌ వ్యాలిడిటీ గడువు పెంచాలి. అయితే ఏదైనా వాతావరణ విపత్తు వల్ల నెట్‌వర్క్‌ సేవల్లో అంతరాయం ఏర్పడితే దాన్ని పరిగణనలోకి తీసుకోరు. ఎలాంటి సమస్యనైనా వారం రోజుల్లోపు పరిష్కరించాల్సి ఉంటుంది.ఇదీ చదవండి: బీఎన్‌ఎన్‌ఎల్‌ ‘5జీ-రెడీ సిమ్‌కార్డు’ విడుదలఫిక్స్‌డ్-లైన్ సర్వీస్ ప్రొవైడర్లు(కేబుల్‌ నెట్‌వర్క్‌) కూడా పోస్ట్‌పెయిడ్, ప్రీపెయిడ్ కస్టమర్‌ల సమస్యలను మూడు రోజులలోపు పరిష్కరించాలి. లేదంటే పరిహారం చెల్లించాలి. మొబైల్ నెట్‌వర్క్‌ సర్వీస్ ప్రొవైడర్లు తమ వెబ్‌సైట్‌లో వినియోగదారులకు సహాయపడే సేవల వారీగా (2G, 3G, 4G, 5G) జియోస్పేషియల్ కవరేజ్ మ్యాప్‌లను అందించాలని ట్రాయ్‌ పేర్కొంది.

న్యూఢిల్లీ: ఎఫ్‌ఎంసీజీ కంపెనీలు తమ వ్యాపార విస్తరణ కోసం తక్కువ ధరల ప్యాక్‌లను ప్రవేశపెట్టడం వల్ల ప్రస్తుత నెట్‌వర్క్‌పై అదనపు భారం పడినట్టు పంపిణీదారులు పేర్కొంటున్నారు. ప్యాకింగ్‌ సైజులను నాలుగు ప్రధాన కేటగిరీలుగా ప్రామాణీకరించాలని కోరుతున్నారు. ఆరంభ ప్యాక్, చిన్న ప్యాక్, మధ్యస్థ ప్యాక్, పెద్ద ప్యాక్‌ ఇలా నాలుగు విభాగాలుగా ఉండాలని ఆల్‌ ఇండియా కన్జ్యూమర్‌ ప్రొడక్ట్స్‌ డిస్ట్రిబ్యూషన్‌ ఫెడరేషన్‌ (ఏఐసీపీడీఎఫ్‌) డిమాండ్‌ చేసింది. గ్రామీణ మార్కెట్లలో విక్రయాలు పెంచుకునేందుకు ఇటీవలి కాలంలో పలు ఎఫ్‌ఎంసీజీ కంపెనీలు తక్కువ ధరల ప్యాక్‌లను ప్రవేశపెట్టాయి. దీంతో ధరల పరంగా వినియోగదారుల్లో అయోమయం ఏర్పడినట్టు, స్టాక్‌ నిర్వహణ పరంగా సవాళ్లు ఎదురవుతున్నట్టు ఏఐసీపీడీఎఫ్‌ తెలిపింది. ఒకే ధరలో పరిమాణం పరంగా వ్యత్యాసం ఉంటుండడం వినియోగదారుల్లో అయోమయాన్ని కలిగిస్తున్నట్టు ఏఐసీపీడీఎఫ్‌ ప్రెసిడెంట్‌ ధైర్యíÙల్‌ పాటిల్‌ చెప్పారు. నిల్వ వసతులు పరిమితంగా ఉన్నప్పుడు కంపెనీలు తీసుకొచ్చే ఇన్నేసి రకాల సైజుల ఉత్పత్తులను నిర్వహించడం పెద్ద సవాలుగా పేర్కొన్నారు. దీంతో ఎఫ్‌ఎంసీజీ ఉత్పత్తులను నాలుగు ప్రామాణిక ప్యాక్‌ సైజులు కింద వర్గీకరించాలని కేంద్ర ప్రజా పంపిణీ శాఖకు ఏఐసీపీడీఎఫ్‌ సూచించింది. ‘‘ప్రామాణిక ప్యాకేజింగ్‌ సైజులకు ఉత్పత్తులను క్రమబద్ధీకరించడం వల్ల నిర్వహణ సులభతరం అవుతుంది. రిటైలర్లకు సంక్లిష్టతలు తగ్గుతాయి. వినియోగదారుల్లో అయోమయాన్ని పోగొట్టొచ్చు’’అని పేర్కొంది. ఒకవైపు మార్కెట్‌ విస్తరణతోపాటు, మ రోవైపు ఉత్పత్తుల పంపిణీ నెట్‌వర్క్‌ సాఫీగా నడిచేందుకు వీలుగా ప్యాకింగ్‌ సైజులు ఉండాలని అభిప్రాయపడింది. కంపెనీలు ఈ దిశగా చర్యలు తీసుకునేందుకు తాము ప్రోత్సాహం ఇస్తామని, మరింత వ్యవస్థీకృత, వినియోగదారు అనుకూల మార్కెట్‌ కోసం కలసి పనిచేస్తామని ప్రకటించింది. ఏఐసీపీడీఎఫ్‌ అనేది ఎఫ్‌ఎంసీజీ కంపెనీల డీలర్లు, పంపిణీదారులు, స్టాకిస్ట్‌లకు ప్రాతినిధ్యం వహిస్తోంది.

‘‘అందరూ క్షమించాలి. కొన్ని రోజులుగా మిమ్మల్ని మిస్సవుతూ వచ్చాను. ఎందుకంటే నెట్‌వర్క్‌ లేని ప్రాంతంలో షూటింగ్‌ చేస్తున్నాను’’ అని రష్మికా మందన్నా సోషల్‌ మీడియా ద్వారా పేర్కొన్నారు. ఆమె కథానాయికగా తెలుగు, తమిళ భాషల్లో నటిస్తున్న తాజా చిత్రం ‘రెయిన్‌ బో’. ఇందులో దేవ్‌ మోహన్‌ హీరో. ఈ చిత్రం షూటింగ్‌ కొన్నాళ్లు నెట్‌వర్క్‌ లేని ప్రాంతాల్లో జరిగింది. తాజాగా ఈ సినిమా ఫస్ట్‌ షెడ్యూల్‌ పూర్తయి, నెట్‌వర్క్‌ ఉన్న ప్రాంతానికి రావడంతో రష్మిక పై విధంగా పేర్కొన్నారు. ఇంకా ఈ చిత్రం గురించి రష్మికా మందన్నా మాట్లాడుతూ – ‘‘ఫస్ట్‌ చెన్నైలో కొన్ని రోజులు ‘రెయిన్‌ బో’ షూటింగ్‌ చేశాం. ఆ తర్వాత కొడైకెనాల్‌ వెళ్లాం. అక్కడ షూట్‌ చేసి, మున్నార్‌లో మొదలుపెట్టాం. ఈ రెండు ప్రాంతాల్లోనూ నెట్‌వర్క్‌ లేదు. అయితే షెడ్యూల్‌ చాలా కూల్‌గా జరిగింది. కొడైకెనాల్‌లో నా గది నుంచి సూర్యోదయాన్ని తిలకించడం ఓ అందమైన అనుభూతి. మంచుకి తడిచిన పువ్వులు కంటికి హాయినిచ్చాయి. మున్నార్‌ కూడా అంతే. అందమైన, ఆహ్లాదకరమైన ప్రాంతాల్లో షూటింగ్‌ చేయడం మనసుకి ఉల్లాసంగా అనిపించింది’’ అన్నారు.

సాక్షి, న్యూఢిల్లీ: ఉత్తరాది రాష్ట్రాల్లో గ్యాంగ్‌స్టర్ల ఆగడాలను చెక్‌పెట్టేందుకు, వారి విస్తృత నెట్‌వర్క్‌ను సమూలంగా నాశనం చేసేందుకు ఎన్‌ఐఏ కొత్త ఆలోచనను తెరపైకి తెచ్చింది. ఢిల్లీ, పంజాబ్, హరియాణా, రాజస్థాన్‌ జైళ్లలో శిక్ష అనుభవిస్తున్న గ్యాంగ్‌స్టర్‌లను దక్షిణాది రాష్ట్రాల జైళ్లకు తరలించాలని భావిస్తోంది. నాలుగు ఉత్తరాది రాష్ట్రాల్లో డ్రగ్స్, అక్రమ ఆయుధాల సరఫరా, సుపారీ హత్యలు, హవాలా దందా, బెదిరింపు వసూళ్లు, మానవ అక్రమ రవాణా వంటి తీవ్ర నేరాల్లో కొందరు గ్యాంగ్‌స్టర్లను అరెస్ట్‌ చేసి సెంట్రల్‌ జైళ్లలో పడేశారు. వాళ్లు అక్కడి నుంచే నిక్షేపంగా తమ కార్యకలాపాలను సాగిస్తున్నారు. తొలి దశలో వారిలో 25 మందిని దక్షిణాది జైళ్లకు బదిలీ చేయాలని కోరినట్లు సమాచారం. మూసావాలా హత్యతో అలర్ట్‌ పంజాబీ గాయకుడు సిద్ధూ మూసేవాలా హత్యోదంతం దేశ వ్యాప్తంగా సంచలనం సృష్టించిన విషయం తెల్సిందే. దక్షిణాసియాలోని అతిపెద్ద, అత్యంత కట్టుదిట్టమైన భద్రతా ఏర్పాట్లుండే జైళ్లలో ఒకటైన ఢిల్లీలోని తీహార్‌ జైలు నుంచే మూసేవాలా హత్య ప్రణాళికను గ్యాంగ్‌స్టర్లు అమలు చేశారని పోలీసుల దర్యాప్తులో వెల్లడైంది. తిహార్‌లో జైలు శిక్ష అనుభవిస్తున్న గ్యాంగ్‌స్టర్‌ లారెన్స్‌ బిష్ణోయ్‌ తన నెట్‌వర్క్‌ ద్వారా ఈ హత్య చేయించారనే కేసు దర్యాప్తు ప్రస్తుతం కొనసాగుతోంది. తిహార్‌లోనే ఉన్న మరో గ్యాంగ్‌స్టర్‌ నీరాజ్‌ బవానా సైతం జైలు నుంచే తన వ్యాపారాన్ని ఇష్టారీతిగా కొనసాగిస్తున్నారనే ఆరోపణలున్నాయి. పంజాబ్, హరియాణా, రాజస్థాన్‌ జైళ్లలో ఉన్న గ్యాంగ్‌స్టర్‌లదీ ఇదే పంథా. జైళ్లలో కొత్తగా చిన్న ముఠాలుగా ఏర్పడి తమ ప్రణాళికను అమలుచేస్తున్నారు. ఏప్రిల్‌లో గ్యాంగ్‌స్టర్‌ జితేంద్ర గోగిను చంపేశాడనే కోపంతో మరో గ్యాంగ్‌స్టర్‌ శేఖర్‌ రాణాను గోగి సన్నిహితుడు రోహిత్‌ మోయి జైలు నుంచే కుట్ర పన్ని హత్య చేయించాడు. ఇలాంటి ఘటనలు ఇటీవలి కాలంలో ఉత్తరాదిన పెరిగాయి. కొన్ని కేసుల్లో గ్యాంగ్‌స్టర్‌లకు జైలు సిబ్బంది సహకరిస్తున్నారనే ఆరోపణలు గుప్పుమన్నాయి. ఉత్తరాది రాష్ట్రాల జైళ్లలో సామర్థ్యానికి మించి ఖైదీలుండటం మధ్య ఆధిపత్య పోరు పెరిగి గొడవలకు దారితీస్తోంది. వీరికి విదేశాల నుంచి ఆర్ధిక సహకారం అందుతోందనే దారుణ వాస్తవాలు ఎన్‌ఐఏ దర్యాప్తులో వెల్లడయ్యాయి. ఉత్తరాది జైళ్లలో సామర్థ్యానికి మించి ఖైదీలుండటం కూడా ఎన్‌ఐఏ ప్రతిపాదనకు మరో కారణం. ఢిల్లీలో 14 సెంట్రల్‌ జైళ్ల సామర్ధ్యం 9,346 కాగా 17,733 మంది ఖైదీలున్నారు. పంజాబ్‌లో జైళ్లలో 103 శాతం, హరియాణాలో 127 శాతం, రాజస్థాన్‌లో 107 శాతం ఖైదీలున్నారు.


 ఐ ట్యూన్స్.. యాపిల్ ఐఫోన్లలో ఏ రకమైన సంగీతం డౌన్లోడ్ చేసుకోవాలన్నా తప్పనిసరి. అలాంటి ఐట్యూన్స్ కనెక్ట్ ఈ ఆదివారం నాడు.. అంటే నవంబర్ 16వ తేదీన ఆరు గంటల పాటు పని చేయదట. ఆరోజు రాత్రి 7.30 గంటల నుంచి మొదలుపెట్టి, ఆరు గంటలు.. అంటే రాత్రి 1.30 గంటల వరకు ఐట్యూన్స్ కనెక్ట్ కాదు.
 
 అలాగే కంటెంట్ కూడా డెలివరీ కాదు. ఈ విషయాన్ని ఐట్యూన్స్ తన కస్టమర్లందరికీ ఈమెయిల్ నోటిఫికేషన్ల ద్వారా కూడా తెలియజేసింది. ఈ విషయంలో ఇంకా ఏమైనా అభ్యంతరాలుంటే వెంటనే తమను సంప్రదించాల్సిందిగా కోరింది.