స్టార్‌లింక్‌ ద్వారా​ ప్రపంచవ్యాప్తంగా శాటిలైట్‌ బ్రాడ్‌ బ్యాండ్‌ సేవలను ప్రవేశపెట్టాలనే టెస్లా, స్పేస్‌ఎక్స్ అధినేత ఎలన్‌మస్క్‌కు భారత్‌ గట్టిషాకిచ్చింది. స్టార్‌లింక్‌ సేవలను ఎవరు ప్రీ ఆర్డర్స్‌ చేయవద్దని కేంద్రం తెలిపింది. దీంతో భారత్‌లో ప్రీ ఆర్డర్స్‌ను నిలిపివేస్తూ స్టార్‌లింక్‌ నిర్ణయం తీసుకుంది. లైసెన్స్‌కు రెడీ..! లైసెన్స్‌ లేకుండా స్టార్‌లింక్‌ సేవలను భారత్‌లో ప్రవేశపెట్టాలనే నిర్ణయాన్ని స్టార్‌లింక్‌ వెనక్కి తీసుకుంది. కేంద్ర ప్రభుత్వం తీసుకున్న నిర్ణయంతో ఎలన్‌ మస్క్‌ దారికొచ్చినట్లుగా కన్పిస్తోంది. ఎట్టకేలకు భారత్‌లో స్టార్‌లింక్‌ సేవలను అందించేందుకుగాను  వాణిజ్య లైసెన్స్ కోసం వచ్చే ఏడాది జనవరి 31లోపు  దరఖాస్తు చేసుకోనుందని స్టార్‌లింక్‌ ఇండియా హెడ్  సంజయ్‌ భార్గవ లింక్డ్‌ఇన్‌లో పేర్కొన్నారు.  ఏప్రిల్‌ నుంచి భారత్‌లో సేవలు.. ఏప్రిల్ నాటికి స్టార్‌లింక్‌ తన సేవలను మొదలుపెట్టే అవకాశం ఉన్నట్లు తెలుస్తోంది. ఒకవేళ ఎలాంటి అవాంతరాలు లేకుంటే డిసెంబర్ 2022 నాటికి దేశవ్యాప్తంగా 2 లక్షల సబ్‌స్క్రిప్షన్లను కంపెనీ లక్ష్యంగా పెట్టుకున్నట్లు భార్గవ తెలిపారు. వీటిలో సుమారు 80 శాతం మేర  గ్రామీణ ప్రాంతాల్లోనే ఉండేలా కంపెనీ ప్రణాళికలు చేస్తోంది. ఇప్పటికే స్టార్‌లింక్ భారత్‌లో 5,000 వరకు ప్రీ ఆర్డర్స్‌ను పొందింది.  చదవండి: జియో యూజర్లకు గుడ్‌న్యూస్‌..! 20 శాతం క్యాష్‌బ్యాక్‌..! ఎలా పొందాలంటే..!

ప్రొద్దుటూరు క్రైం : డ్రైవింగ్‌ లైసెన్స్‌ అంటే చాలా మందిలో భయం పుట్టుకొస్తుంది. ఎల్‌ఎల్‌ఆర్‌ టెస్ట్‌లో కఠినమైన ప్రశ్నలు వస్తాయి.. పాస్‌కావడం కష్టమని చాలా మంది భావిస్తారు. డిగ్రీ, ఇంజినీరింగ్‌ చదువుకున్న వారిలోనూ పాస్‌ కాలేమేమో అనే భయం ఉంటుంది. కేవలం ఒక గంట సమయం కేటాయిస్తే చాలు ఎల్‌ఎల్‌ఆర్‌ టెస్ట్‌ పాస్‌కావచ్చని రవాణాశాఖ అధికారులు చెబుతున్నారు. లెర్నింగ్‌ లైసెన్స్‌ టెస్ట్‌కు సంబంధించి 286 ప్రశ్నలు ఉంటాయి. వాటిలోని 20 ప్రశ్నలు ఎల్‌ఎల్‌ఆర్‌ కంప్యూటర్‌ టెస్ట్‌లో వస్తాయి. గూగుల్‌లో సర్చ్‌ చేసి ఎల్‌ఎల్‌ఆర్‌ మాక్‌టెస్ట్‌లో స్వతహాగా పాల్గొనవచ్చు. ఎల్‌ఎల్‌ఆర్‌ క్వశ్చన్‌ బ్యాంక్‌ అని గూగుల్‌లో టైప్‌ చేసి కూడా 286 ప్రశ్నలను చూసుకోవచ్చు. ప్రొద్దుటూరు ఆర్టీఏ పరిధిలో ప్రొద్దుటూరుతో పాటు బద్వేల్, పులివెందుల ఎంవీఐ కార్యాలయాలు ఉన్నాయి. వాహనాలు నడుపుతున్న వారిలో చాలా మందికి డ్రైవింగ్‌ లైసెన్సులు లేవు. ఇంజినీరింగ్, డిగ్రీలు చదువుకున్న యువకులు కూడా డ్రైవింగ్‌ లైసెన్సులు తీసుకోలేదని పోలీసు, రవాణాశాఖ అధికారుల తనిఖీల్లో తేలింది. దీంతో రవాణాశాఖ గత ఏడాది నుంచి  గ్రామాల్లో డ్రైవింగ్‌ లైసెన్స్‌ తీసుకోవాల్సిన ఆవశ్యకత గురించి తెలియచేయడమే గాక ఎల్‌ఎల్‌ఆర్‌ మేళా కార్యక్రమాన్ని నిర్వహిస్తున్నారు. 18 ఏళ్లు నిండిన విద్యార్థులతో పాటు గ్రామీణ ప్రాంతాల్లోని రైతులు, ఇతర వర్గాల వారిని లైసెన్స్‌ తీసుకునేలా ప్రోత్సహిస్తున్నారు. ఇందులో భాగంగా ఈ ఏడాది జనవరి నుంచి మార్చి వరకు ప్రాద్దుటూరు ఆర్టీఏ పరిధిలోని గ్రామాల్లో  ఎల్‌ఎల్‌ఆర్‌ మేళా నిర్వహించి సుమారు 2800 మందికి ఎల్‌ఎల్‌ఆర్‌లు జారీ చేశారు. లెర్నర్స్‌ లైసెన్స్‌కు దరఖాస్తు ఇలా.. ఏ వాహనం నడపడానికైనా ఎవరికీ నేరుగా డ్రైవింగ్‌ లైసెన్స్‌ ఇవ్వరు.  ఏ రకం వాహనం నడపాలని భావిస్తున్నారో ఆ వాహనం నేర్చుకోవడానికి గాను ముందుగా లైసెన్స్‌ తీసుకోవాలి. వాహనం నడుపుట, నేర్చుకొనుటకు ఇచ్చే లైసెన్స్‌ను లెర్నర్స్‌ లైసెన్స్‌ అంటారు. లెర్నర్స్‌ లైసెన్స్‌ టెస్ట్‌కు దరఖాస్తు చేసుకోవడం చాలా సులభం. గతంలో మార్క్స్‌లిస్టు లేదా టీసీ అడిగేవారు. అయితే మారిన నిబంధనల ప్రకారం ఆధార్‌ కార్డు ఒక్కటి ఉంటే చాలు. అయితే ఆధార్‌ కార్డులో పుట్టిన తేది వివరాలు  (రోజు, నెల, సంవత్సరం) పూర్తిగా ఉండాలి. ఆధార్‌లో పుట్టిన తేది వివరాలు లేకుంటే మాత్రం ఆ«ధార్‌తో పాటు విద్యార్హతల సర్టిఫికెట్‌తో దరఖాస్తు చేయాల్సి వస్తుంది. లెర్నర్స్‌ లైసెన్స్‌ కోసం ఇంటి వద్ద నుంచే ఆన్‌లైన్‌లో దరఖాస్తు చేసుకోవచ్చు. లేదా ఏపీఆన్‌లై , మీ సేవా కేంద్రాలకు వెళ్లి స్లాట్‌ బుక్‌ చేసుకోవాలి. నిర్ణీత తేదీ, సమయం లోపల సమీపంలోని రవాణాశాఖ కార్యాలయాలకు వెళ్లి ఎల్‌ఎల్‌ఆర్‌ టెస్ట్‌లో పాల్గొనాలి. డ్రైవింగ్‌ లైసెన్స్‌ పొందడం ఎలాగంటే.. వాహనాన్ని నడుపుటలో నైపుణ్యం, ట్రాఫిక్‌ సిగ్నల్స్, గుర్తులు, రహదారి నిబంధనలను క్షుణ్ణంగా తెలుసుకొని నెల రోజుల తర్వాత డ్రైవింగ్‌ లైసెన్స్‌ కోసం తిరిగి ఆన్‌లైన్‌లో దరఖాస్తు చేసుకోవాలి. ఎల్‌ఎల్‌ఆర్, ఫిట్‌నెస్‌ సర్టిఫికెట్‌ను పొందుపరచి సంబంధిత పత్రాలను పూరించాలి. డ్రైవింగ్‌ టెస్ట్‌ కోసం క్లాస్‌ 1కు అంటే మోటార్‌ బైక్‌కు అయితే రూ. 960 ఫీజు చెల్లించాలి. బైక్, కారు (ఎల్‌ఎంవీ)కు కలిపి అయితే రూ. 1310 చెల్లించాల్సి ఉంటుంది. ఆర్టీఏ కార్యాలయంలోని డ్రైవింగ్‌ టెస్ట్‌ ట్రాక్‌లో సొంత వాహనంతో డ్రైవింగ్‌ చేయాలి. డ్రైవింగ్‌ చేయడంలో మొదటి సారి ఫెయిల్‌ అయితే వారం రోజుల తర్వాత క్లాస్‌ 1కు రూ. 300, రెండింటికి అయితే రూ. 600 ఫీజు కట్టి రీ టెస్ట్‌కు హాజరు కావాలి. ఎల్‌ఎంవీ లైసెన్స్‌ ఉంటే చాలు.. గతంలో మోటార్‌ బై క్, కారు, ఆటో, ట్రాక్టర్‌ ట్రాయిలర్, మోటర్‌ క్యాబ్‌లకు వేర్వేరుగా లైసెన్స్‌ తీసుకోవాల్సి వచ్చేది. అయితే ఇటీవల ప్రభుత్వం కొత్త నిబంధనలను విధించింది. ఎల్‌ఎంవీ (మోటార్‌ బైక్, కారు) లైసెన్స్‌ ఉంటే చాలు అన్ని రకాల వాహనాలు నడపడానికి అర్హులని నిబంధనలను సడలించింది. లైసెన్స్‌ లేకుండావాహనం నడపడం నేరం ♦ 18 ఏళ్లు నిండిన వారు మాత్రమే డ్రైవింగ్‌ లై సె న్స్‌ కోసం దరఖాస్తు చేసుకోవడానికి అర్హులు. 18 ఏళ్లు నిండిన వారు లైసెన్స్‌ లేకుండా వాహ నం నడపడం నేరం. మైనర్లు వాహనం నడప డం ప్రమాదకరం. ♦ సెక్షన్‌ 3 ఆఫ్‌ ఎంవీ యాక్ట్‌ ప్రకారం డ్రైవింగ్‌ లైసెన్స్‌ లేకుండా ఏ వ్యక్తి కూడా బహిరంగ ప్రదేశంలో వాహనం నడపరాదు. ♦ సెక్షన్‌ 5 ఆఫ్‌  ఎంవీ యాక్ట్‌ ప్రకారం వాహన యజమాని లేదా హక్కుదారుడు డ్రైవింగ్‌ లైసెన్స్‌ లేని వ్యక్తిని వాహనం నడుపుటకు అనుమతించరాదు. ♦ సెక్షన్‌ 150 ఆఫ్‌ ఎంవీ యాక్ట్‌ ప్రకారం డ్రైవింగ్‌ లైసెన్స్‌ లేని వ్యక్తిని వాహనం నడుపుటకు అ నుమతించిన వాహన యజమాని లేదా హక్కు దారునికి మూడు నెలల జైలు శిక్ష లేదా రూ.వె య్యి జరిమానా లేదా రెండు శిక్షలు ఉంటాయి. ♦ సెక్షన్‌ 181 ఆఫ్‌ ఎంవీ యాక్ట్‌ ప్రకారం డ్రైవిం గ్‌ లైసెన్స్‌ లేకుండా వాహనం నడిపిన వారికి మూడు నెలల జైలు శిక్ష లేదా రూ.500 జరిమానా లేదా  రెండు శిక్షలు ఉంటాయి.   డ్రైవింగ్‌ లైసెన్స్‌ తీసుకోవడం చాలా సులభం డ్రైవింగ్‌ లైసెన్స్‌ తీసుకోవడంలో భయం వద్దు. లెర్నర్స్‌ టెస్ట్‌లో సులభతరమైన ప్రశ్నలు వస్తాయి. చదువుకున్న వారు గూగుల్‌లో సర్చ్‌ చేసి ఈ ప్రశ్నలను చూసుకోవచ్చు. లైసెన్స్‌ లేకుండా వాహనం నడపడం నేరం. దళారులను ఎవ్వరినీ సంప్రదించకుండా నేరుగా ఆర్టీఓ కార్యాలయానికి వచ్చి డ్రైవింగ్‌ లైసెన్స్‌ పొందవచ్చు. – వీర్‌రాజు, ఆర్టీఓ, ప్రొద్దుటూరు. లెర్నర్స్‌ లైసెన్స్‌ (ఎల్‌ఎల్‌ఆర్‌) టెస్టులో 20 ప్రశ్నలు లెర్నర్‌ లైసెన్స్‌ టెస్టులో 20 ప్రశ్నలు మాత్రం ఉంటాయి. రవాణాశాఖ కార్యాలయంలోని కంప్యూటర్‌ సహాయంతో ఈ పరీక్షను నిర్వహిస్తారు. ట్రాఫిక్‌ గుర్తులు, ట్రాఫిక్‌ సిగ్నల్స్, రహదారి నిబంధనలతో  పాటు ఇతర రహదారి భద్రతకు సంబంధించిన ప్రశ్నలు ఆబ్జెక్టివ్‌ తరహాలో ఉంటాయి. దరఖాస్తుదారుడు కోరుకున్న భాషలో కంప్యూటర్‌ టెస్ట్‌ నిర్వహించుకోవచ్చు. 10 నిమిషాల్లో 20 ప్రశ్నలకు గాను 12 వాటికి సరైన సమాధానాలు ఇస్తే ఎల్‌ఎల్‌ఆర్‌ టెస్ట్‌ పాస్‌ అయినట్లే. లెర్నర్‌ లైసెన్స్‌ ఫీజు రెండు రకాలుగా ఉంటుంది. మోటార్‌ బైక్‌ అయితే రూ. 260, మోటార్‌ బైక్, కారు (ఎల్‌ఎంవీ)కు అయితే రూ.460 రుసుం చెల్లించాలి. మొదటి సారి ఎల్‌ఎల్‌ఆర్‌ టెస్ట్‌ ఫెయిల్‌ అయితే మూడు రోజుల తర్వాత రూ. 50 ఫీజు కట్టి రీ టెస్ట్‌లో పాల్గొనాలి. రెండో సారి ఫెయిల్‌ అయిన వారు రూ. 50 ఫీజు కట్టి వారం రోజుల తర్వాత మళ్లీ టెస్టుకు హాజరు కావాలి. ఎల్‌ఎల్‌ఆర్‌ టెస్ట్‌ పాస్‌ అయిన వాళ్లు నెల రోజుల తర్వాత గానీ, 5 నెలల లోపు గాని తగిన ఫీజు చెల్లించి డ్రైవింగ్‌ టెస్ట్‌కు హాజరు కావాలి. లెర్నర్‌ లైసెన్స్‌ కలిగిన వారు వాహనం నడుపుతున్నపుడు వాహనానికి ముందు, వెనుక భాగంలో పెద్ద అక్షరాలతో ‘ఎల్‌’ బోర్డు ప్రదర్శించాలి. డ్రైవింగ్‌ లైసెన్స్‌ కలిగిన వ్యక్తి వారికి డ్రైవింగ్‌లో తర్ఫీదు ఇవ్వాలి. 


 ముంబై: బ్యాంకింగ్ లెసైన్సు దక్కని సంస్థలు..ఇతర బ్యాంకుల్లో వాటాలు కొనేందుకు చేస్తున్న ప్రయత్నాలపై రిజర్వ్ బ్యాంక్ స్పందించింది. లెసైన్సు దరఖాస్తు తిరస్కరణకు గురైనంత మాత్రాన ఆయా కంపెనీలు.. వేరే బ్యాంకుల్లో వాటాలు కొనుగోలు చేయరాదంటూ ఏమీ లేదని కొత్తగా నియమితులైన ఆర్‌బీఐ డిప్యూటీ గవర్నర్ ఆర్ గాంధీ తెలిపారు. లెసైన్సు దరఖాస్తు తిరస్కరణకు గురైనప్పటికీ.. బ్యాంకులో సదరు సంస్థ వాటాదారుగా చేరాలనుకుంటే, ఆ ప్రతిపాదనను పరిశీలిస్తామనిఆయన వివరించారు.
 
 ప్రైవేట్ రంగ బ్యాంక్ యస్ బ్యాంక్‌లో ఎల్‌అండ్‌టీ ఫైనాన్స్ గణనీయంగా వాటాలు పెంచుకోవాలని యోచిస్తున్న నేపథ్యంలో ఆయన వ్యాఖ్యలు ప్రాధాన్యం సంతరించుకున్నాయి. ఏదైనా బ్యాంకులో ఏదైనా కంపెనీ 5 శాతం పైగా వాటాలను కొనాలనుకుంటే ఆర్‌బీఐ అనుమతి తీసుకోవాల్సి ఉంటుందని గాంధీ చెప్పారు. అన్ని విషయాలను కూలంకషంగా పరిశీలించి తాము నిర్ణయం తీసుకుంటామని, ఏ ఒక్క కంపెనీకో అనుకూలంగానో లేదా వ్యతిరేకంగానో వ్యవహరించమని ఆయన తెలిపారు. కొత్త బ్యాంకింగ్ లెసైన్సును దక్కించుకోవడంలో విఫలమైన ఎల్‌అండ్‌టీ ఫైనాన్స్.. యస్‌బ్యాంకులో వాటాలు కొనాలని యోచిస్తోంది. ఇది దొడ్డిదారిన బ్యాంకింగ్‌లోకి ప్రవేశించడమే అవుతుందని ఆరోపణలు వెల్లువెత్తున్నాయి.