కరీంనగర్‌ : ఆరు నెలల్లో ప్రభుత్వ డొల్లతనం బయటపడుతుందని  డీసీసీ అధ్యక్షుడు కటుకం మృత్యుంజయం అన్నారు. గురువారం తన నివాసంలో ఏర్పాటు చేసిన విలేకర్ల స మావేశంలో మాట్లాడుతూ ఆచరణకు సా«ధ్యం కాని హమీలతో మభ్యపెట్టి టీఆర్‌ఎస్‌ అధికారంలోకి వచ్చిందని విమర్శించారు. ప్రభుత్వ ఉద్యోగులకు  10వ తేదీ వరకు జీతాలు చెల్లించలేని దుస్థితిలో ప్రభుత్వం ఉందన్నారు. ప్ర భుత్వ ఆదాయం మద్యం, ఇసుక ద్వారానే స మకూరుతుందని, ప్రజలకు మద్యం తాగించేందుకు ప్రోత్సహిస్తోందని విమర్శించారు.  గ్రామానికి ఒకటి, రెండు బెల్ట్‌షాప్‌లతో తాగుబోతులను తయారు చేస్తున్నారని అన్నారు. పట్టుభద్రుల ఎమ్మెల్సీ ఎన్నికల్లో కాంగ్రెస్‌ పార్టీ పోటీ చేస్తుందని వెల్లడించారు. పార్లమెంట్‌ ఎన్నికల్లో కేసీఆర్‌కు సంబంధం ఉండ దని, రాహుల్,మోదీ మధ్యనే పోటీ ఉంటుం దన్నారు.  పెద్దనోట్ల రద్దు, జీఎస్టీతో ప్రజలపై బీజేపీ ప్రభుత్వం పెనుభారం మోపిందని మండిపడ్డారు. పార్లమెంట్‌ ఎన్నికల్లో కాంగ్రెస్‌ విజయం సాధిస్తుందని జోస్యం చెప్పారు.  కేసీఆర్‌ ఇటు ఎంఐఎం, అటు బీజేపీకి దగ్గరగా ఉంటూ రెండు పడవలపై ప్రయా ణిస్తున్నారన్నారు. శుక్రవారం కరీంనగర్, పెద్దపల్లి పార్లమెంట్‌ లోక్‌సభ సమీక్షలకు పార్లమెంట్‌ సెగ్మెంట్‌ నాయకులు హాజరవుతారన్నారు. కార్యక్రమంలో కాంగ్రెస్‌ నాయకులు చాడగోండ బుచ్చిరెడ్డి, చింతల కిషన్, జొన్నల రమేశ్‌ పాల్గొన్నారు.  


 కరీంనగర్ : తెలంగాణ రాష్ట్రంలో పోలీసు డిపార్ట్మెంట్ అవినీతికి నిలయంగా మారిందని కరీంనగర్ డీసీసీ అధ్యక్షుడు కె.మృత్యుంజయం ఆరోపించారు. మంగళవారం కరీంనగర్లో మృత్యుంజయం విలేకర్లతో మాట్లాడారు. ఏఎస్సై మోహన్రెడ్డి ఉదంతమే ఇందుకు నిదర్శనమని ఆయన వ్యాఖ్యానించారు. మోహన్రెడ్డి అక్రమ దందాకు కారకులైన పోలీసు ఉన్నతాధికారులపై సూమోటోగా కేసు నమోదు చేయాలని ఆయన ప్రభుత్వానికి సూచించారు.
 ఈ అంశంపై హైకోర్టు సిట్టింగ్ జడ్జితో ప్రత్యేక దర్యాప్తు సంస్థ ( సిట్ ) ఏర్పాటు చేసి సీబీఐతో విచారణ జరిపించాలని ప్రభుత్వాన్ని డిమాండ్ చేశారు. గతంలో జిల్లాలో మావోయిస్టులకు సహకరించిన వేలాది మందిపై అనేక కేసులు పెట్టి పోలీసులు వేధించారని ఆయన ఈ సందర్బంగా గుర్తు చేశారు. అయితే అక్రమ వడ్డీ వ్యాపారం కేసులో పోలీసులు ఎందుకు చర్యలు తీసుకోరని కేసీఆర్ ప్రభుత్వాన్ని కె. మృత్యుంజయం ప్రశ్నించారు.


 కరీంనగర్: ముఖ్యమంత్రి కేసీఆర్ను అధికారులు చీటింగ్ చేస్తే... ప్రజలను కేసీఆర్ చీటింగ్ చేస్తున్నారని కరీంనగర్ జిల్లా కాంగ్రెస్ పార్టీ అధ్యక్షుడు కె.మృత్యుంజయం ఆరోపించారు. గోదావరి పుష్కరాలు నేపథ్యంలో జిల్లాలోని ధర్మపురి, మంథని, కాళేశ్వరంలోని జరుగుతున్న పుష్కర పనులను మృత్యుంజయంతోపాటు కాంగ్రెస్ ప్రతినిధుల బృందం పరిశీలించింది.
 అనంతరం కె. మృత్యుంజయం కరీంనగర్లో మాట్లాడారు. ధర్మపురిలో పుష్కర పనులపై ఆయన తీవ్ర అసంతృప్తి వ్యక్తం చేశారు. మురుగునీటిలో  స్నానాలు చేసేలా ఏర్పాటు చేయడం ఆయన విచారం వ్యక్తం చేశారు. అస్తవ్యస్థ పుష్కర ఏర్పాట్లపై గవర్నర్ను కలసి ఫిర్యాదు చేస్తామని కె.మృత్యుంజయం వెల్లడించారు.