బిపాసా బసు స్క్రీన్‌ మీద కనిపించి సుమారు మూడేళ్లు అయిపోయింది. 2015లో కనిపించిన ‘ఎలోన్‌’ ఆమె లాస్ట్‌ రిలీజ్‌. ఇప్పుడు గ్యాప్‌కి బ్రేక్‌ ఇచ్చి సినిమాలు స్టార్ట్‌ చేస్తున్నారు. అయితే తన భర్త కరణ్‌ సింగ్‌ గ్రోవర్‌తో కలిసే మళ్లీ కంబ్యాక్‌ ఇస్తున్నారు. సింగర్‌ మైకా సింగ్‌ నిర్మించనున్న ఈ చిత్రంలో కరణ్, బిపాస హీరోహీరోయిన్లుగా నటిస్తున్నారు. ఈ సినిమాతోపాటు ‘వో కౌన్‌ తీ’ సినిమాలోనూ యాక్ట్‌ చేయడానికి రెడీ అయ్యారు. నిజానికి ‘వో కౌన్‌ తీ’లో ఫస్ట్‌ హీరోయిన్‌గా ఐశ్వర్యారాయ్‌ యాక్ట్‌ చేయాల్సింది. కానీ ఐష్‌ తప్పుకోవడంతో ఈ ప్రాజెక్ట్‌లోకి  బిపాస ఎంటర్‌ అయ్యారు. ఇదిలా ఉంటే.. 2016లో కరణ్‌ సింగ్‌ గ్రోవర్‌–బిపాసా ప్రేమ వివాహం చేసుకున్నారు. మ్యారీడ్‌ లైఫ్‌ కోసమే రెండేళ్లు బ్రేక్‌ తీసుకున్నారామె.  


 బాలీవుడ్‌కు ఇది బ్రేకప్ నామ సంవత్సరంగా చెప్పొచ్చు. రణబీర్ కపూర్ నుంచి కత్రినా కైఫ్, విరాట్ కోహ్లీకి అనుష్కా శర్మ దూరమై, వార్తల్లో నిలిచారు. అర్భాజ్ ఖాన్, మలైకా అరోరా కూడా తమ వివాహ బంధానికి స్వస్తి పలికారు. విడిపోయాం కానీ, విడాకులు తీసుకోలేదని ఇద్దరూ పేర్కొన్నారు. ఈ బ్రేకప్ లిస్ట్‌లో ప్రేమపక్షులు కరణ్‌సింగ్ గ్రోవర్-బిపాసా బసులు కూడా ఉంటారని చాలా మంది భావించారు. గత కొన్ని నెలలుగా ప్రేమించుకుంటున్న ఈ ఇద్దరి లవ్ లైఫ్‌లో కూడా ఏవో చిన్నపాటి మనస్పర్థలు నెలకొన్నాయనే వార్తలు వచ్చాయి.
 బుల్లితెర నటి జెన్నిఫర్ వింగెట్‌తో వివాహబంధాన్ని తెంచుకున్న కరణ్ మళ్లీ పెళ్లి చేసుకోవడం, అది కూడా బిపాసా బసును పెళ్లాడటం అతని తల్లికి ఇష్టం లేదని టాక్. ఒకవేళ బిప్స్‌ని పెళ్లి చేసుకుంటే ఇంట్లోకి కూడా రానివ్వనని చెప్పారట కూడా. ఈ నేపథ్యంలో వీళ్లిద్దరి పెళ్లి కష్టమేనని చాలా మంది అనుకున్నారు. అయితే అందరినీ ఆశ్చర్యపరిచేలా కరణ్ గ్రోవర్- బిప్స్ తమ పెళ్లికి ముహూర్తం ఖరారు చేశారని సమాచారం. కుటుంబ సభ్యులు, అతి కొద్ది మంది సన్నిహితుల  సమక్షంలో బెంగాలీ స్టయిల్లో వచ్చే నెల 29న వీళ్లిద్దరి పెళ్లి జరగనుందట. ముంబైలోని ఓ ఫైవ్‌స్టార్ హోటల్‌లో ఈ పెళ్లి జరగనుందని భోగట్టా. రిసెప్షన్‌కు మాత్రం సినిమా రంగానికి చెందినవారిని ఆహ్వానించారట.


 భయపెట్టే పాత్రలంటే క్రేజో... మిగతా వాటి కంటే వాటిని నమ్ముకోవడమే మంచిదనో... మొత్తానికి సెక్సీ సుందరి బిపాసాబసు దెయ్యాల సినిమాల బాట పట్టింది. భూషణ్ పటేల్ ‘ఎలోన్’ చిత్రంలో ఇదే తరహా రోల్ ఒకటి చేస్తోంది. దానికి తోడు ఈ అమ్మడి మార్కు రొమాన్స్ ఉండనే ఉంది. ఇప్పటికే రిలీజ్ అయిన ఈ సినిమా ట్రైలర్‌లో బిపాసా, కరణ్‌సింగ్ గ్రోవర్‌ల మధ్య కెమిస్ట్రీ తెగ వర్కవుటయిందని టాక్. అంతే కాదు... హర్మాన్‌కు కటీఫ్ చెప్పి బిపాసా... జెన్నీఫర్ వింగెట్‌కు డైవర్స్ ఇచ్చి కరణ్ ఒంటరైపోయారు. ‘ఎలోన్’ పుణ్యమాని... ఇద్దరూ ఒక్కటిగా తిరుగుతున్నారని గుసగుస.